Sabi 34:11 - Hdi

¹¹ Ka ŋanata kuni ta skwi ya ta mnaghunafta yu gita: Wana yu dzaʼa ghəzlafta ta kəma ghuni ta la Amuru, nda la Kanʼana, nda la Het, nda la Periz, nda la Hiv, nda la Yəbus.

Sabi 34:11 Mawu Ofanana

1Rus 1:14

Ma tsatsi saba la Yəbus, nda la Amuru, nda la Girgas,

Nəhemiya 13:23

Ma tsa fitik ya guli, ka nghaŋtá yu ta la Yahuda ta hlafta ka miʼi ta kwagha la Asdut, nda la Ghamuŋ, nda la Muwav.

Sabi 23:28

Dzaʼa ghunaf ghuna yu ta gwadzaŋ ta kəma ta kəma, ŋa ghazliŋta taŋ ta la Hiv, nda la Kanʼana, nda la Het ta kəma ghuni.

Sabi 3:17

Mantsa ya tama, dzaʼa hlap hla yu ta kaghuni ma na Masar ta sə kuni ta duni na, ka hlaghatá kaghuni ta haɗika la Kanʼana, nda la Het nda la Amuru, nda la Periz, nda la Hiv nda la Yəbus. Ta tsa haɗik ya ná, ta mbəzaku uʼa nda zuɗum mida.”

Sabi 3:8

Tsaya tama kəl yu ka saha da zluʼagaptá həŋ ma dzva la Masar. Dzaʼa hlaf hla yu ta həŋ ma Masar, ŋa hlaghata ɗa ta həŋ ta sana haɗik ká ka nda ɗinakwa ni, dagala guli, ta mbəzaku uʼa nda zuɗum mida. Tsa vli ya ná, haɗika la Kanʼana, nda la Het, nda la Amuru, nda la Periz, nda la Hiv, nda ya nda la Yəbus ya.

Sabi 33:2

Dzaʼa ghunaf ghuna yu ta duhwala ɗa ta kəma gha. Dzaʼa ghəzliŋ ghəzla yu ta la Kanʼana, nda la Amuru, nda la Het, nda la Periz, nda la Hiv, nda la Yəbus.

Sabi 8:27

Ka magatá Yawe manda ya ɗawaŋ Musa da tsi, ka zlanatá tsa zuɗiha tuvulvulvul ya ta Firʼawna, nda kwalvaha ni tani, nda mnduha ni tani. Haɗ zuɗi ta pɗata dər turtuk wa.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Yuhwana 14:21

« Ka ŋana ŋa mndu ta zlahuha ɗa ka snata, tsaya mndu ta ɗvutá iʼi. Dzaʼa ɗvu ɗva Da ɗa ta tsa mndu ta ɗvutá iʼi ya. Iʼi guli dzaʼa ɗvu ɗva yu ŋa maranaŋta ɗa ta nzakwa ɗa, » kaʼa.

Vrafta ta zlahu 12:28

Ŋanawa ŋa ta inda tsa gwaɗaha mnaghunaf yu ya, ka snata kuni mantsa ya, ka nzata kuni ləŋləŋ ŋa ɗekɗek, kaghuni nda zivirha ghuni tahula kaghuni, kabga magata ghuni ta skwi ɗina, nda skwi tɗukwa ta wa ira Yawe, Lazglafta ghuni. »

Vrafta ta zlahu 28:1

« Ka snana sna kuni dardar ta gwaɗa Yawe, Lazglafta ghuni ka ŋanata nda ma maga slna nda inda tsa gwaɗaha mnaf tsi vlaghuna yu gita ya, dzaʼa kapaghunaf kapa Yawe, Lazglafta ghuni ka malaghuta inda sanlaha ma mndəra mnduha ta ghəŋa haɗik.

Vrafta ta zlahu 33:27

Lazglafta ŋa kɗekedzeŋ vla ɗifa gha, mista gha dzva ni ŋa ɗekɗek. Ghəzlaf ghəzla ta ghuma ta kəma gha, “Zaɗana zaɗa gha!” kaʼa.

Vrafta ta zlahu 4:40

Ka ŋanata kuni ta zlahuha ni, nda skwiha ŋa magay ya mnaghunaf yu gita, kada nzata kuni ləŋləŋ, kaghuni nda zivira ghuni, ŋa slravaghata hafa ghuni ta haɗik ya vlaghuna Yawe, Lazglafta ghuni ŋa ɗekɗek. »

Vrafta ta zlahu 5:32

Ka ŋavata kuni tama ka maga skwi manda va ya mnaghunaf Yawe, Lazglafta ghuni. Yaha kuni da mbəɗaghutá vgha dər nda ga zeghwi, dər nda ga zlaɓa.

Vrafta ta zlahu 6:25

Dzaʼa nzakway mu ka tɗukwa mnduha, ka ŋana ŋa mu ta inda tsa gwaɗaha ya manda ya mnamaf Yawe, Lazglafta mu ya,” ka kuni dzaʼazlay. »

Vrafta ta zlahu 6:3

Tsaya tama, fawa sləməŋ la Israʼila, ka snata kuni, ka ksa kuni ta slna nda tsi, ka da nzata kuni ləŋləŋ ŋa yafta ghuni tusak ta tsa haɗik ta mbəzaku uʼa nda zuɗum mida manda ya mnaghuna Yawe, Lazglafta dzidzíha ghuni ya.

Vrafta ta zlahu 7:19

Havakwa hava ta inda ghwazla ira taŋ ya ngha kaghuni, nda mazəmzəmha, nda mandərmimiha magana tsi ta həŋ, nda glakwa mbrakwa ni, nda tɗatá dzva Yawe, Lazglafta ghuni ma hlagaghunapta ni. Manda tsaya dzaʼa maganata Yawe ta mndəra mnduha má si dzaʼa kuni zləŋay.

Yəhusuwa 23:5

Dzaʼa ghəzliŋ ghəzla Yawe, Lazglafta ghuni ta həŋ ta kəma ghuni, ŋa ŋawafta ni ta həŋ ta kəma ghuni, ŋa zlaʼuwaghuta ghuni ta haɗika taŋ, manda ya taghunaf Yawe, Lazglafta ghuni ta imi ta sləməŋ ya.