Sabi 33:5 - Hdi

⁵ kabga ka Yawe si mnanatá Musa na: « Mnana mna ta la Israʼila: “Mndəra mnduha təŋ təŋa ghəŋa taŋ kuni. Ka má si dzaʼa ŋlay yu mataba ghuni katsi ná, gi hada hada má dzaʼa rwaghunata yu. Suɗiŋwa suɗa ta huzla rka ghuni, dzaʼa nda sna yu ta skwi ká yu dzaʼa magaghunata,”» kaʼa.

Sabi 33:5 Mawu Ofanana

Zlrafta 18:21

Ta kumay yu ta laha da nghanata ka mnda va tsa ta wahu həŋ ta snaɗighata ya tsi. Ka mantsa a tsi wu, ka ghəŋ yu ka snanata, » kaʼa.

Zlrafta 22:12

Kaʼa mantsa: « Ma faf ka ta dzva gha ta tsa zwaŋ ya, yaha ka maganatá sana skwi. Ndana tama, nda sna yu kazlay ta zləŋay ka ta Lazglafta kəʼa, kabga sɗiɗif a ka ta zwaŋa gha, kɗakwa ni turtuktuk wu, » kaʼa.

Sabi 32:9

Ka Yawe nda Musa mantsa: « Ta nghə yu ta na mnduha na ná, mnduha təŋ təŋa ghəŋa taŋ ya.

Sabi 33:6

Mantsa tama, daga ta ghwá Hwarev ka suɗatá la Israʼila ta huzla rka ta vgha taŋ.

Mbsak 16:21

« Dgaghuwa vgha nda guyatá ghəŋa na mnduha na, ka zaɗanata yu ta həŋ nda va nana, » kaʼa.

Slna gwal ghunay 7:51

Ka Atiyen guli mantsa: « Kaghuni ná, təŋ təŋa ghəŋa ghuni. Ta hgə Lazglafta ta kaghuni ná, duduzla ka kuni nzata, va a kuni ta sna gwaɗa da Sulkum nda ghuɓa manda va tsa nzakwa dzidzíha ghuni ya wa.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.