Sabi 32:19 - Hdi

¹⁹ Na ɓhadaghata Musa ndusa nda ghuɓu, ka nghaŋtá tsi ta tsa mamakwa sla ya, nda mnduha ta skalu. Huf saf sa ŋuɗufa Musa, ka slanatá tsi ta tsa klamha ma dzva ni ya, ka dzaɓiŋta mista ghwá.

Sabi 32:19 Mawu Ofanana

2Sam 6:14

Ka skal Dawuda ta skalu nda kɗavakta mbrakwa ni ta kəma Yawe nda suɗatá ifut ka liŋ.

Sabi 15:20

Miryam makuma ni ma Haruna ná, anabi ya. Ka klaftá tsi ta zwaŋa tim ma dzva ni ka dzay. Ka sliʼaftá inda miʼaha mista ni, nda zwana tim ka dzaʼa nda skalu.

Sabi 32:11

Ka zbə Musa ta lɓanatá ŋuɗuf ta Yawe, Lazglafta ni, kaʼa mantsa: « Ari Yawe! kagha ta hlagaptá həŋ ma haɗika Masar nda glakwa mbrakwa dzva gha ta fərtuta. Ndanana ná, nda gufa ŋuɗufa gha ta ghəŋa mnduha gha, kabgawu na?

Sabi 32:18

Ka Musa mantsa: « Hlawa zata ghwa a wu, hlawa ŋawatá mnduha a guli wa, ama hlawa fa laha ya ta snə iʼi, » kaʼa.

Sabi 34:1

Ka Yawe nda Musa mantsa: « Ratsa ratsa ta klamha his manda tsaha taŋtaŋ ya, ŋa vindglafta ɗa ta tsa klamha ya ta tsa gwaɗaha si ta tsa taŋtaŋa klamha dzaɓiŋ ka ya.

Mbsak 12:3

Tsaw Musa ná, sana mndu leɓtekw ka malaghuta leɓtekwa ta sanlaha ma mnduha ta haɗik ya.

Mata 5:22

Ama ka iʼi ta mnaghunata ná, dər wa ta ɓasanavatá ŋuɗuf ta zwaŋama ni ka makuma ni a tsi katsi, dzaʼa klay lu ta tsa mndu ya da guma. Dər wa mndu dzaʼa mnay nda zwaŋama ni ka makuma ni a tsi kazlay: Ghwaɗak kəʼa ná, dzaʼa klay lu ta tsa mndu ya ta kəma guyatá ghəŋa gwal tsa guma. Dər wa mndu dzaʼa mnay nda zwaŋama ni ka makuma ni a tsi kazlay: Rgha kəʼa, nda ra tsa mndu ya ŋa vzaghata da duda vu.

Markus 10:14

Ka nghə Yesu ta tsa skwi ta mag həŋ ya ná, zɗəgana a wu, ka kuzlanaftá tsi ta ŋuɗuf. « Zlaŋwa zla ta zwani kwitikw kwitikw ka sagha həŋ da iʼi, ma pyə kuni ta həŋ, kabga ŋa gwal ta gara vgha nda həŋ na ga mghama Lazglafta.

Markus 3:5

Ka kuzlanaftá tsi ta Yesu ta ŋuɗuf manda waftani ta həŋ, kabga tsa təŋata ghəŋa taŋ ya. Huf safi ta ŋuɗufa Yesu, « tɗap tɗa ta dzva gha gra, » kaʼa nda tsa mndu nda mta dzva ni ya. Ka tɗapta tsi ta dzva ni, gi kundliŋ mbatani tsa.

1Kwa 10:7

Ma nza kuni ka gwal ta wuya skwi manda sanlaha mataba taŋ, vindaf lu ta ghəŋa taŋ kazlay: Ka nzatá mnduha ka za skwi ka sa skwi, ka sliʼafta həŋ ka gatsuwa kəʼa ya.

Afisus 4:26

Ka gaf ga kuni ta sidi, ɗasuwa ká kuni da magata kuni ta ghwaɗaka skwi. Ma dəɗaghunagha fitik nda ɓasatá ŋuɗuf,

Vrafta ta zlahu 10:2

Dzaʼa vindglaf vinda yu ta tsa klamha ya ta tsa gwaɗaha si ta tsa taŋtaŋa klamha dzaɓiŋ ka ya, ŋa pghamta gha ta həŋ da tsa akwati ya,” kaʼa.

Vrafta ta zlahu 27:26

“Nda ksiʼa mndu ta kwal kul maga slna nda gwaɗaha tsa zlahu ya.” “Ka nza tsi mantsa!” ka inda mnduha dzaʼa zlghaftá wa ni. »