Sabi 28:43 - Hdi

⁴³ Ka suɗivta i Haruna nda zwana ni ta lam həŋ da tumpula guyaku, ka ta lagha həŋ da magihatá slna ma vli nda ghuɓa a tsi, kada kwala həŋ gatá krughuvi ŋa kwala mtaku slanaghatá həŋ. Tsaya skwi dzaʼa mag i Haruna nda inda zivirha ni ŋa ɗekɗek. »

Sabi 28:43 Mawu Ofanana

Sabi 20:26

Yaha kuni dzihwaɗiftá gwir ya ta ŋlə lu nda ŋla tida, kada kwala lu ta nghadafta ka fərdiʼu a tsa mndu ta ŋlə tida ya,” » kaʼa.

Sabi 27:21

Ka payanata i Haruna nda zwana ni ta pitirla ma tumpula guyaku nda ta kəma tsa zlala ta mbuŋtá akwata dzratá wi ya. Ka zlghakwa tsa pitirlaha ya petsuweɗ vli ta kəma Yawe. Tsaya skwi dzaʼa la Israʼila magay ŋa ɗekɗek ha ma zivira ghuni. »

Sabi 30:21

Ka mbambaziŋta həŋ ta dzvuha taŋ nda səlaha taŋ, da rwutá həŋ. Nda nza tsa zlahu ya ŋa ɗekɗek ŋa Haruna nda zwana ni ha zivir zivirha taŋ, » kaʼa.

La Levi 16:13

Dzaʼa pghanagha pgha ta tsa urdi ya ta ghəŋa tsa lanzəŋa vu ta kəma Yawe ya, ŋa bukwamta ɗiŋa tsa urdi ya ta tsa paɗuwi ta ghəŋa akwata dzratá wi ya. Ka mantsa tsi, haɗ mtaku dzaʼa ksaŋta wa.

La Levi 17:7

Haɗ həŋ dzaʼa pləgəltá ghəŋ ŋa skwa wuyay, tsa tsaf həŋ manda ɗaslakwa tsatá dugzumha ta mag həŋ ta sliʼiŋsliʼiŋ nda tsi ya wa. Tsaya tva skwi ŋa magay taŋ ŋa ɗekɗek ha ma zivir ma zivira taŋ.

La Levi 22:15

Yaha gwal ta dra skwi ŋa Lazglafta da dmanaftá skwiha nda ghuɓa ta hlapta la Israʼila ŋa Yawe,

La Levi 22:9

Dzaʼa sna sna gwal ta dra skwi ŋa ɗa ta tva skwiha ŋa magihata, dá klanaktá həŋ ta ghəŋa taŋ ta dmaku, dá rwutá həŋ ma kfariŋta taŋ ta tsa tva skwi ŋa magay nda ghuɓa ya. Iʼi Yawe ta ghuɓiŋtá həŋ.

La Levi 3:17

Tsaya tama, haɗ kuni dzaʼa walaŋta za ghwaviɗ, dər us wa. Tsaya zlahu ŋa ŋanata ghuni ŋa ɗekɗek ha ma zivira ghuni ma inda vli dzaʼa nzata kuni, » kaʼa.

La Levi 5:1

« Ka lagha mndu ka gatá dmaku ma kwalaghuta pslaftá wi manda snaŋta ni ta hgatá hgu ŋa ga masləmtsək baŋluwa ta ghəŋa sana skwi nghaŋ tsi, ka ya snaŋ tsi a tsi, tsaya ná, dguv ta ghəŋa ni dmaku ni.

La Levi 5:17

Ka lagha sana mndu ka gatá dmaku, ka magatá skwi turtuk mataba zlahuha ya mnaf Yawe kazlay yaha kuni da magay kəʼa nda snaŋta ni a wu, tsaya ná, ksaf ksa dmaku, dguv ta ghəŋa ni dmakwa ni.

Mbsak 15:15

Tsa tva skwi ŋa magay ya ná, nda nza ŋa inda guyatá ghəŋa ghuni, ŋa ghuni nda ya ŋa mayəm ta nzaku ma səla ghuni. Nda nza ka tva skwi ŋa magay ghuni ŋa kɗekedzeŋa ghuni ha zivira zivirha ghuni. Ka nzakwa tsi ŋa ghuni nda ya ŋa mayəm mataba ghuni ta kəma Yawe.

Mbsak 18:22

Mantsa tama, yaha la Israʼila da gavəgladaghata ta vata tumpula guyaku, dá klanaktá həŋ ta dmaku ta ghəŋa taŋ, dá rwutá həŋ.

Mbsak 18:32

Ma inda tsaha ya, faghunaghata a lu ta dmaku ka klap kla kuni ta ya ta malaghutá ɗinaku ma tsa skwiha ya wa. Yaha kuni da niŋta a kuni ka dzibata skwi ta mbəhu nda ghuɓa si da la Israʼila wu, dá rwutá kuni, » kaʼa.

Mbsak 18:8

Ka Yawe nda Musa mantsa: « Nda ngha ka ná, iʼi ta vlaghatá slna nghapta ka inda mbəhuha ta faghuta la Israʼila ŋa ɗa. Ta vlagha vla yu, mayaka kagha tsaya, kagha nda zivira gha ŋa ɗekɗek.

Mbsak 9:13

Ama ka mamu mndu kul haɗ skwa tsaɗa tida, laghu a diʼiŋ wu, ka kwalaghutá tsi ta skala Pak, dzaʼa klap kla lu mataba guyatá ghəŋa mnduha ni, kabga kladagha a ta mbəha ni ŋa Yawe baɗ fitik tsaf lu wa. Dguv ta ghəŋa ni dmakwa ni.