Sabi 27:21 - Hdi

²¹ Ka payanata i Haruna nda zwana ni ta pitirla ma tumpula guyaku nda ta kəma tsa zlala ta mbuŋtá akwata dzratá wi ya. Ka zlghakwa tsa pitirlaha ya petsuweɗ vli ta kəma Yawe. Tsaya skwi dzaʼa la Israʼila magay ŋa ɗekɗek ha ma zivira ghuni. »

Sabi 27:21 Mawu Ofanana

Zlrafta 1:5

Ka hgə Lazglafta ta tsuwaɗak ka gifitik. Grusl guli ná, ka hgə tsi ka rviɗik. Mamu hawu, mamu sərɗək. Taŋtaŋa fitik tsa.

Zlrafta 1:8

Ka hgə Lazglafta ta ghuvaŋata luwa, ka luwa. Mamu hawu, mamu sərɗək, mahisa fitik tsa.

2Rus 13:11

Inda sərɗək nda ya inda hawu ta dra ŋni ŋa Yawe ta skwa pla ghəŋ ŋa dray tsuh tsuh nda urdi zɗa ziʼakwa ni. Ta dzaf dza ŋni ta gatuha fana lu ta Yawe ta tabəl nda tsaɗa, ta tsatsuŋ tsatsa ŋa ta vu ta wa pitirlaha ta gaŋaŋa ni ka dasu. Ta magay ŋni ta slna Yawe, Lazglafta ŋni, ama kaghuni, zlanava zla kuni.

Sabi 12:14

Dzaʼa nzakway tsa fitik ya ŋa ghuni ka fitika havu. Ka ŋanata kuni ka skalu ŋa Yawe. Ka ŋanata kaghuni nda zivirha ghuni ka skwi ŋa magay ha ŋa ɗekɗek.

Sabi 16:34

Manda va ya mnanaf Yawe ta Musa, ka fatá Haruna ta tsa siga ya ta kəma akwata dzratá wi ŋa nzulay.

Sabi 25:16

Ka pghamta ka ma tsa akwati ya ta klamha dzratá wi dzaʼa vlaghata yu.

Sabi 28:43

Ka suɗivta i Haruna nda zwana ni ta lam həŋ da tumpula guyaku, ka ta lagha həŋ da magihatá slna ma vli nda ghuɓa a tsi, kada kwala həŋ gatá krughuvi ŋa kwala mtaku slanaghatá həŋ. Tsaya skwi dzaʼa mag i Haruna nda inda zivirha ni ŋa ɗekɗek. »

Sabi 29:28

Tsaya dzaʼa nzakway ka mayaka i Haruna nda zwana ni ŋa ɗekɗek da la Israʼila, kabga nda nza ka mbəhu ŋa Yawe ta klapta ma skwiha pla ghəŋa zɗaku la Israʼila.

Sabi 29:42

Ka gɗata kuni ta pla ghəŋ ŋa dray tsuh tsuh inda fitik ha ma zivirha ghuni ta kəma Yawe ta wa tgha tumpula guyaku, hada dzaʼa guyakwa yu nda kaghuni ŋa gwaɗgaghata ɗa.

Sabi 29:44

Dzaʼa fa fa yu ta tumpula guyaku, nda gwir ŋa ɗa. Dzaʼa fa fa yu ta i Haruna nda zwana ni, ŋa magay taŋ ta slna dra skwi ŋa ɗa.

Sabi 30:21

Ka mbambaziŋta həŋ ta dzvuha taŋ nda səlaha taŋ, da rwutá həŋ. Nda nza tsa zlahu ya ŋa ɗekɗek ŋa Haruna nda zwana ni ha zivir zivirha taŋ, » kaʼa.

Sabi 30:36

Ka tsəɗaʼata ka ka ŋerɗapta kəzlitit, ŋa fata gha ma tumpula guyaku ta kəma akwata dzratá wi ma tsa vli dzaʼa yu da guyaku nda kagha ya. Ka ngha kuni ka skwi ta ghuɓuta.

Sabi 30:8

Inda hawu ta lagha tsi da tsatsaftá vu ta pitirla ya ná, ŋa dray ni ta tsa urdi ya. Ka gɗata kuni ta dra urdi ta kəma Yawe ha zivirha ghuni wa.

Sabi 40:3

Ka famta ka ta akwata dzratá wi mida, ka haghuta ka nda zlala.

La Levi 10:9

« Yaha kagha nda zwana gha tani da sa ima inabi, dər skwi ta ghuya mndu ta dzaʼa kuni da tumpula guyaku, dá rwuta kuni. Tsaya zlahu ŋa ɗekɗek ha ma zivir ma zivir,

La Levi 16:34

Tsaya zlahu ŋa ɗekɗeka ghuni ta nghanatá slərɓanaptá zughu ta la Israʼila dabga dmakuha taŋ turtuk səla ma vaku, » kaʼa. Mantsa tama, ka magatá lu ta inda skwi ya mnanaf Yawe ta Musa.

La Levi 17:7

Haɗ həŋ dzaʼa pləgəltá ghəŋ ŋa skwa wuyay, tsa tsaf həŋ manda ɗaslakwa tsatá dugzumha ta mag həŋ ta sliʼiŋsliʼiŋ nda tsi ya wa. Tsaya tva skwi ŋa magay taŋ ŋa ɗekɗek ha ma zivir ma zivira taŋ.

La Levi 23:14

Yaha kuni da za burada lfiɗa nimaya, dər fsatá ghəŋa ni, dər ndəhata ni, ha baɗ kladaghata ghuni ta tsa mbəhu ya ŋa Lazglafta ghuni. Nda nza tsaya ka zlahu ŋa ɗekɗek ha ma zivira ghuni ma inda vli dzaʼa nzata kuni. »

La Levi 23:21

Baɗ va tsaya, dzaʼa mnay kazlay na dzaʼa mamu kuni nda guyatá ghəŋ nda ghuɓa kəʼa. Haɗ kuni dzaʼa maga dər wati ma slna baɗ tsa fitik ya, manda ya snu kuni ta magay wa. Ka snata kuni ta tsa zlahu ya ŋa ɗekɗek ha ma zivira ghuni ma inda vli dzaʼa nzata kuni.

La Levi 24:2

« Mnanaf mna ta la Israʼila ka hlaghakta həŋ ta ɗitsatá rɗa zaytuŋ ghenen ŋa tsaftá vu ta pitirla ŋa gɗata ni ta zlghakwa inda fitik.

La Levi 24:3

Ka payanata Haruna ta tsa pitirla ya ma tumpula guyaku nda ta kəma tsa zlala ta mbuŋtá akwata dzratá wi ya, ŋa gɗata tsa pitirla ya ta zləghaku ta kəma Yawe daga ga hawu ha ka labi ta sərɗək. Nda nza tsaya ka zlahu ŋa ɗekɗek ha ma zivira ghuni.

La Levi 24:9

Dzaʼa nzakway tsa gatuha ya ka ŋa i Haruna nda zwana ni. Ma sana vli nda ghuɓa dzaʼa zuta həŋ, kabga nda nza ka skwi ta ghuɓuta klap lu ma skwa pla ghəŋ ŋa dray ta vu ŋa Yawe. Tsaya tva skwi ŋa gɗata ta magay ŋa ɗekɗek, » kaʼa.

La Levi 3:17

Tsaya tama, haɗ kuni dzaʼa walaŋta za ghwaviɗ, dər us wa. Tsaya zlahu ŋa ŋanata ghuni ŋa ɗekɗek ha ma zivira ghuni ma inda vli dzaʼa nzata kuni, » kaʼa.

La Levi 3:8

Ka fafta ni ta dzva ni ta ghəŋa mbəha ni, ka ghwanafta ta kəma tumpula guyaku. Ka wutsikafta zwana Haruna ta usa ni ta slərpuha gwir demdem.

La Levi 6:15

Dər wati ma mndəra la Haruna dzaʼa fata lu nda ma pghanaghatá rɗi ŋa nzakwa ni ka mali ta ghəŋa gwal ta dra skwi ŋa Lazglafta ná, magata ni mnda tsaya. Tsaya skwi ŋa gɗata ta magay ŋa Yawe ŋa ɗekɗek. Dzaʼa drafta nda dra lu nekwnekw.

La Levi 7:36

Tsaya skwi mnanaf Yawe ta la Israʼila ŋa vlaŋtá gwal dra skwi ŋa Lazglafta, zlrafta daga baɗ tsa fitika pghamtá həŋ ya. Tsaya tva skwi ŋa magay ŋa ɗekɗek ha zivir zivira taŋ.

Mbsak 18:23

La Levi kweŋkweŋ na gwal dzaʼa maga slna tumpula guyaku, hahəŋ dzaʼa da kla krughuva taŋ dzaʼa gata həŋ ma tsa vli ya. Dzaʼa nzakway ŋa zivira ghuni ka zlahu ŋa ɗekɗek. Haɗ həŋ dzaʼa mutsaftá haɗika za həga mataba la Israʼila wu,

Mbsak 18:5

Kaghuni dzaʼa nghapta ka vli nda ghuɓa, nda gwir. Mantsa tama, haɗ ɓasa ŋuɗufa ɗa dzaʼa dɗəglanaghatá la Israʼila wa.

Mbsak 19:21

Dzaʼa nzakway ŋa taŋ ka zlahu ŋa ɗekɗek. Tsa mndu ta wutsika ima kliŋtá tsaɗa ta mndu ya, dzaʼa ghwaɓiŋ ghwaɓa tsatsi guli ta lgutha ni. Dər wati ma mndu ta ksaŋtá ima ghuɓiŋta mndu ya, dzaʼa nza nza ka mndu ta tsaɗ lu ha ga hawu.

Mbsak 35:29

Dzaʼa nzakway tsa zlahuha ya ŋa ghuni ha zivira zivirha ghuni, ka skwi ya ŋa magay ghuni ta raghunata, ma inda vli dzaʼa nzata kuni.

Mbsak 8:9

Ka gavadanaghata ka ta la Levi ta kəma tumpula guyaku, ka tskanata ka ta inda guyatá ghəŋa la Israʼila.

Mata 4:16

dzaʼa nda ngha gwal ta nzaku ma grusl ta mghama tsuwaɗak. Lanagha la tsuwaɗak ta gwal ta nzaku ma luwa zlatanagha sulkuma mtaku ta həŋ, » kaʼa.

Lukwa 12:35

« Hbawahba ta vgha ŋa maga slna, tsamwa vu ma pitirla ghuni,

Yuhwana 5:35

Yuhwana ná, pitirla ta zlghaku ka tsuwaɗaka vli ya. Kumaŋ kuma kuni ta nzəɗavata nda rfu ma tsuwaɗaka ni.

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

2 Piyer 1:19

Ta ghəŋa tsaya guli ná, nda fa ghəŋa ŋni ta gwaɗa ya klak la anabi. Ɗina má ka ŋanata ghuni ɗasuwa ta tsa gwaɗaha taŋ ya, kabga nda nza manda pitirla, ya ta tsuwaɗakaku ma grum. Ɗina ka gɗata ghuni ta snay, ha ka tsaɗata vli, ka safa gumbəzla ŋa nghaŋta ghuni ta tsalatá inda skwi ma ŋuɗufa ghuni.

Suna Yuhwana 2:1

« Vinda ŋa duhwala Lazglafta ta nzakway ka ŋa *Igliz ma luwa Afisus: « Wya skwi ya mna mndu ya ta ŋanata tekwatsaha ndəfáŋ ma dzva zeghwa ni, ta mbaɗa mataba pitirlaha dasu ndəfáŋ. Kaʼa mantsa:

1Sam 3:3

ta mtá a pitirla Lazglafta karaku wu, ta hana ni Samuyel ma həga Yawe, ndusa nda vla fatá akwata Lazglafta,

1Sam 30:25

Ka fatá Dawuda ka zlahu, nda ya ka skwi ŋa gɗata ta magay mataba la Israʼila, ta ksə lu ta slna nda tsi daga baɗ tsaya ha gita.