Sabi 23:33 - Hdi

³³ Yaha həŋ da nzata ma haɗika ghuni. Ka zlana zla kuni ta həŋ, dzaʼa hlam hla həŋ ta kaghuni da gihatá dmaku. Dzaʼa tsəlɓay kuni ta tsəlɓu ŋa lazglaftaha taŋ, kahwathwata dzaʼa nzakway ka dəɓəla ghuni, » kaʼa.

Sabi 23:33 Mawu Ofanana

1Mgh 14:16

Dzaʼa zlanava zla Yawe ta la Israʼila dabga dmakuha maga Yaruvgham, nda ya dabga hlamta ni ta la Israʼila dida, » kaʼa.

2Rus 33:9

Ama ka mbəɗiŋtá Mənase ta la Yuda nda la Ursalima ta ghwaɗaka tvi, ka magatá həŋ ta ghwaɗaka skwiha ka malaghutá ŋa mndəra sanlaha ma mnduha la mayəm, ya zaɗana Yawe ta kəma la Israʼila ya.

Sabi 10:7

Ka kwalvaha Firʼawna nda tsi mantsa: « Ha yawu dzaʼa zlanata na mndu na ta ŋamaftá dəɓəl na? Zliŋ zla ta na mnduha na ka sliʼa həŋ da tsəlɓu ŋa Yawe, Lazglafta taŋ. Kulam ndana ta sna a kagha kazlay ta zaɗaku Masar kəʼa ra? » ka həŋ.

Sabi 23:24

Yaha kuni da tsəlɓu ŋa lazglaftaha taŋ, dər maganatá slna ta həŋ. Yaha kuni da maga mndərga skwiha ta mag həŋ. Ama ka hwanzaɓiŋta kuni ta tsa lazglaftaha taŋ ya, dzaɓiŋha kuni ta tsa palaha dzagwa həŋ ya.

Sabi 34:12

Ɗasuwa ká kuni, yaha kuni da dzra wi nda mnduha ma tsa haɗik dzaʼa lam kuni dida ya, dá nzakw həŋ ka dəɓəl ka ŋa ghuni.

Vrafta ta zlahu 12:30

Tahula zaɗanatá həŋ ta kəma ghuni ya, ɗaswa ka kuni dá dɗamtá kuni da dəɓəla ksa saɗa taŋ. Yaha kuni da zba snaŋta sana skwi ta ghəŋa lazglaftaha taŋ ŋa mnay kazlay na: “Si kinawu ka tsa mnduha ya si ta tsəlɓu ta kəma lazglaftaha taŋ ya kay na? Ka maga iʼi guli manda tsa ŋa taŋ ya” kəʼa.

Vrafta ta zlahu 20:18

kada kwala həŋ ta taghaghunaftá inda tsa ghwaɗaka manzakɗawayha ta mag həŋ ŋa lazglaftaha taŋ ya, dá ganatá kuni ta dmaku ta Yawe, Lazglafta ghuni.

Vrafta ta zlahu 7:1

« Dzaʼa hladaghunam hla Yawe, Lazglafta ghuni da tsa haɗik ya dzaʼa nzakway ka ŋa ghuni ya. Dzaʼa ghəzliŋ ghəzla ta kəma ghuni ta la Het, nda la Girgas, nda la Amuru, nda la Kanʼana, nda la Periz, nda la Hiv, nda la Yəbus, tsa mndəra mnduha ndəfáŋ ta ndəghuta malaghu mbrakwa taŋ ka ŋa ghuni ya.

Vrafta ta zlahu 7:16

Dzaʼa zaɗana zaɗa kuni ta inda mndəra mnduha vlaghuna Yawe, Lazglafta ghuni ma dzva ghuni. Ksaghunata a həŋ ka hiɗahiɗa wu, tsəlɓəta a kuni ta tsəlɓu ŋa lazglaftaha taŋ wu, kabga nda nza tsaya ka dəɓəl ka ŋa ghuni. »

2Tim 2:26

Ŋa vrakta ghəŋa taŋ, ŋa ndapta taŋ ma dəɓəla halaway ya si ta ksaghutá həŋ ŋa snanatá skwi ta kum tsi.

Yəhusuwa 10:40

Mantsa ya ká Yəhusuwa zatá ta inda haɗikha: Ya nda ta ghwá, nda haɗika Negev tani, nda haɗikha ya ta kuɗuŋur tani, nda ya ta vata ghwá tani, nda inda mghamha taŋ tani. Haɗ skwi nda hafu mida ta ndapta dər turtuk wa. Ka zaɗanatá tsi ta inda mndu manda va ya mnanaf Yawe, Lazglafta la Israʼila.

Yəhusuwa 23:13

ka grafta kuni kazlay na haɗ Yawe dzaʼa kɗaŋtá ŋawaftá mnduha ta na haɗik na ta kəma ghuni wu kəʼa. Dzaʼa nzakway həŋ ŋa ghuni ka kadəŋ. Dzaʼa nzakway həŋ ka dəɓəl. Dzaʼa nzakway həŋ ka maniʼuwa ta dza kaghuni ma ŋwazliɓ. Dzaʼa nzakway həŋ guli ka teki ma ira ghuni ha ka zwaɗuta ghuni ta na ŋərma haɗik vlaghuna Yawe, Lazglafta ghuni na.

Gwal tsa guma 2:2

Kaghuni, haɗ kuni dzaʼa dzraftá wi nda mnduha ma tsa haɗik ya wa. Ka dzaɓiŋta kuni ta gwirha taŋ,” ka yu. Ama ka kwalaghutá kuni ta snatá gwaɗa ɗa. Nahgani tsa maga kuni!

Gwal tsa guma 2:3

Ka yu mantsa: “Ka si mantsa tsi, haɗ yu dzaʼa ghəzliŋtá həŋ ta kəma ghuni wu, dzaʼa nzakway həŋ ka teki ta vata kaghuni, dzaʼa nzakway lazglaftaha taŋ ka dəɓəl ka ŋa ghuni,” » ka yu.

1Sam 18:21

Ka Sawulu mantsa: « Dzaʼa vlaŋ vla yu ka marakw, ŋa nzakwa ni ka dəɓəl ka ŋa ni, ŋa dɗamta ni da dzva la Filisti, » kaʼa. Ka Sawulu ka mahis nda Dawuda tama mantsa: « Gita, dzaʼa nzakway ka ka gwasa ɗa, » kaʼa.