Sabi 23:14 - Hdi

¹⁴ « Inda vaku, hkən səla dzaʼa skalihata kuni ta skalu.

Sabi 23:14 Mawu Ofanana

1Mgh 9:25

Hkən səla ma vaku, ta vla Salumuŋ ta skwa pla ghəŋha ŋa dray tsuh tsuh, nda skwa pla ghəŋha zɗaku ta gwir baf tsi ŋa Yawe, ka dra urdi ta kəma Yawe. Mantsa ya magata tsi ta slna ta raku ka magay ma tsa həga Lazglafta ya.

2Rus 8:13

Ka vlə tsi ta skwa pla ghəŋ taɓta ya mna zlaha Musa inda fitik ka ŋa sabatha, nda ŋa ngha tili, nda ŋa skaluha rfu, hkən səla ma vaku, tsaya skala buradi kul haɗ is mida, nda skala rfa nekwatá nimaya ta vwah, nda skala dumbiha.

Sabi 23:17

Mantsa tama, inda vaku, hkən səla dzaʼa maravata inda zgwana ghuni ta kəma mgham Yawe.

Sabi 34:17

Ma tsatsaf kuni ŋa ghəŋa ghuni ta lazglaftaha nda kfur nwap lu.

Sabi 34:18

Ka skala kuni ta skala buradi kul haɗ is mida. Ma tila Aviv ná, ndəfáŋ fitik dzaʼa magata kuni ta za buradi kul haɗ is mida manda ya mnaghunaf yu, kabga ma tila Aviv sliʼagapta kuni ma Masar.

La Levi 23:16

Ka mbəɗafta kuni ta fitik hutaf mbsak dzarakrak, ha ga mahtsima hɗatá mandəfáŋa Sabat, ka klədanaghata kuni ta Yawe ta mbəha lfiɗa nimaya.

La Levi 23:34

« Mnana mna ta la Israʼila, ka ka nda həŋ na: Baɗ maghwaŋpəɗ hutafa fitik ma tsa tila mandəfáŋ ya dzaʼa zlrafta lu ta skala dumbi ŋa Yawe. Dzaʼa skalay lu ta tsa skalu ya ha fitik ndəfáŋ.

La Levi 23:4

Wya sanlaha ma skaluha ka ŋa Yawe dzaʼa tskavata guyatá ghəŋ nda ghuɓa ŋa skalay nda fitika ni nda fitika ni. »

La Levi 23:5

« Baɗ maghwaŋpəɗ fwaɗa fitik ma taŋtaŋa tili, beeghwa fitik, dzaʼa mamu skala Pak ŋa Yawe.

Vrafta ta zlahu 16:1

« Ŋanawa ŋa ta tila Aviv ka skala kuni ta skala Pak ŋa Yawe, Lazglafta ghuni, kabga ma tsa tila Aviv ya hlagapta Yawe, Lazglafta ghuni ta kaghuni girviɗik ma Masar.

Vrafta ta zlahu 16:16

Inda vaku, hkən səla dzaʼa maravata inda zgwana ta kəma Yawe, Lazglafta ghuni ma vli ya dzaʼa tsi zbapta: Ŋa skala buradi kul haɗ is mida, nda skala rfa nekwatá nimaya ta vwah, nda skala dumbi. Yaha mndu laha ta kəma Yawe nda dzvu bayah wa.

1Sam 1:3

Inda vaku tsa mndu ya ta sliʼafta ma luwa ni, ka ŋlu da Silu da tsəlɓu ta kəma Yawe mghama gwal vulu, nda ya da planatá ghəŋ. Ma tsa fitik ya, zwana Iliya, i Hufni nda Pinhas, gwal dra skwi ŋa Lazglafta hada.