Sabi 23:12 - Hdi

¹² Fitik mkuʼ dzaʼa kuni zata ta maga slnaha ghuni, ama baɗ mandəfáŋa fitik ya, mbiʼapta ghuni ta vgha, ŋa mbiʼapta slaha ghuni, nda kəɗihha ghuni ta vgha, ŋa hlapta zwana kurɗuha ghuni, nda matbayha ta hafu.

Sabi 23:12 Mawu Ofanana

Nəhemiya 13:16

Mamu la Tir guli ta nzaku ma Ursalima, ta hlaktá klipiha nda inda sanlaha ma huzlaha, ka dzawanaptá la Yahuda baɗ Sabat ma Ursalima.

Sabi 16:23

Ka Musa nda həŋ mantsa: « Wya ka Yawe mnata: “Mahtsim fitika mbiʼa vgha, ka Sabat nda fa ŋa Yawe. Sulawa sula gita ta skwi ya kumaŋ kuni ta sulata, ka dadata kuni ta skwi ya kumaŋ kuni ta dadata. Pɗakwa ni ma vəl zay ghuni ya, ka fata kuni ha ŋa mahtsim,” » kaʼa.

Sabi 23:11

Ama ta mandəfáŋa vaku ya ná, dzaʼa vanap va kuni ma madza ŋa lagha gwal ka pɗu mataba ghuni da tska mandawasa mida. Paɗakwa ni ya guli, ŋa lagha tsuɗayha da ɗagay. Mantsa ya dzaʼa maga kuni nda vwaha inaba ghuni, nda fuha zaytuŋha ghuni guli.

Sabi 34:21

Ma fitik mkuʼ ya, magay slna ghuni, ama baɗ mandəfáŋa fitik ya, mbiʼapta ghuni ta vgha. Dər ta fitika hva tsi, dər ta fitika tska skwi ta vwah a tsi, mbiʼapta ghuni ta vgha.

Sabi 35:2

Mkuʼ fitik ŋa maga slna. Ama baɗ mandəfáŋ ta nzakway ka Sabat, fitika mbiʼa vgha dar dar tsaya, nda fa ka ŋa Yawe. Inda mndu dzaʼa magaŋtá slna baɗ tsa fitik ya, dzaʼa dza dza lu.

Sabi 35:3

Ma vanagha kuni ta vu ma inda həgaha ghuni baɗ fitika Sabat, » kaʼa.

La Levi 23:3

Ma fitik mkuʼ, dzaʼa ksay lu ta slna. Ama baɗ mandəfáŋ ya, Sabat, fitika mbiʼa vgha dar dar tsaya, dzaʼa mamu guyatá ghəŋ nda ghuɓa. Haɗ sana slna dzaʼa mag lu baɗ tsa fitik ya wa. Dzaʼa nzakway tsa Sabat ya ŋa Yawe dər ma vli ga dzaʼa nzata kuni.

Markus 2:27

Ka Yesu nda həŋ guli mantsa: « Kabga ŋa katá mndu fata lu ta Sabat, fa a lu ta mndu ŋa Sabat wa.

Lukwa 13:14

Ka kuzlanaftá tsi ta ŋuɗuf ta mgham ta ghəŋa tsa həga tagha skwa la Yahuda ya, kabga tsa mbanafta Yesu ta mndu baɗu Sabat ya. « Mamu fitik mkuʼ ŋa maga slna sagha ghuni da mbamba vgha ghuni ma tsa fitikha ya, baɗu Sabat a wu, » kaʼa nda tsa tskatá vgha mnduha ya.