Sabi 22:29 - Hdi

²⁹ Mantsa ya guli dzaʼa maga kuni nda taŋtaŋa zwaŋa sla, nda rina fisik, dzaʼa zlana zla lu ka fitik ndəfáŋ mista ma ni, baɗ matghasa fitik ya, dzaʼa vliha vla kuni.

Sabi 22:29 Mawu Ofanana

2Mgh 4:42

Ma va tsa fitik ya, ka sagha sana mndu daga ma Baghal Salisa. Ka klədanaghatá tsi ta mnda Lazglafta ta burada urz hisambsak da lu nda hupa lfiɗa nimaya, nda ya nda buhwa hənzila skwi tska tsi ta vwah. Ka Ilisa mantsa: « Daganaf daga ta na mnduha na ka za həŋ, » kaʼa.

2Rus 31:5

Manda snanamta lu ta tsa gwaɗa ya ta mnduha, ka valatá la Israʼila katakata ta taŋtaŋa tskatá skwi ta vwah, nda ima inabi ta ka nunu, nda rɗi, nda zuɗum, nda inda mndərga skwiha ta hvata lu ta vwah. Ka hladaghatá həŋ dərzih ta zaka skwiha demdem.

Sabi 13:12

ka faghuta kuni ŋa Yawe ta inda zumali yaga lu nda ya. Inda dugzum, nda maŋazak, nda lghəŋ ka zumali mataba rina ghuni guli ná, ŋa Yawe həŋ.

Sabi 13:2

« Faghu fa ŋa ɗa ta inda zumali. Zumaliha yayaga lu mataba la Israʼila, dər mndu tsi, dər rini a tsi, ŋa ɗa həŋ demdem, » kaʼa.

Sabi 23:15

Ka skala kuni ta skala buradi kul haɗ is mida. Fitik ndəfáŋ dzaʼa zata kuni ta za buradi kul haɗ is mida, ma fitik ya mnaf lu ma tila Aviv, kabga ma tsa tili ya sliʼagapta kuni ma haɗika Masar. Yaha kuni sagha ta kəma ɗa nda dzvu bətbət.

Sabi 23:16

Tahula tsa, ŋa skalay ghuni ta skala tska taŋtaŋa ndəhatá yakwa skwiha slgaf kuni ta vwaha ghuni. Gufwak, ta hula kɗiŋta ghuni ta tskatá skwi maga kuni guli ná, ŋa skalay ghuni ta skala nekwatá nimaya ta vwah.

Sabi 23:19

Ka hlagaghata kuni da həga Yawe, Lazglafta ghuni ta taŋtaŋa yakwa skwi hva kuni ta vwaha ghuni. Yaha kuni da damtá zwaŋa gu ma uʼa ma ni. »

Sabi 34:19

Inda zumali ka zgun ná, ŋa ɗa ya, nda zumali ya lu mataba rina ghuni, dər ŋa sla tsi, dər ŋa rina fisik tsi, ŋa ɗa ya.

Sabi 34:20

Ama inda zumala kəɗih ya, varata ghuni nda rina fisik. Ka vara a kuni wu, dzuŋta ghuni ma warga ka dzata. Zwana zgwana ka zumali mataba mnduha ghuni ya, varata ghuni nda vara. Haɗ kuni dzaʼa sagha ta kəma ɗa nda dzvu bətbət.

La Levi 22:27

« Manda yatá zwaŋa sla, ka dər zwaŋa tuwak a tsi, ka dər zwaŋa gu a tsi, fitik ndəfáŋ dzaʼa zata tsi mista ma ni. Sliʼafta ta matghasa fitika ni dzaʼa kəl lu ka tsuʼaftá ka mbəhu ka skwa pla ghəŋ draf lu ta vu ŋa Yawe.

Mbsak 18:13

Mantsa ya taŋtaŋa ndəhatá yakwa skwiha maga həŋ ta haɗika taŋ ta hlakta həŋ ŋa Yawe, ŋa gha tsaya. Inda gwal kul haɗ skwa tsaɗa ta həŋ ma həga ga ghuni dzaʼa zay.

Mata 6:33

Zbawa zba ta ga mghama Lazglafta nda maga skwi tɗukwa ta wa ira ni karaku, dzaʼa vlaghuna vla lu ta inda tsa skwiha ya ta ghəŋa ni.

La Ruma 8:23

Hahəŋ nda ghəŋa taŋ yeya a wu, nda amu tiŋlaghu Lazglafta ta vlamatá Sulkuma ni ya tani, ta ɓasay ɓasay amu guli ma vgha mu, ka kəzla fitika vərɗa nzakwa mu ka zwana Lazglafta, ŋa nzata mu nda vərɗaka flauʼwata vgha mu.

Vrafta ta zlahu 15:19

« Inda taŋtaŋa zwaŋa sla, nda inda zwana rina fisik ka zgun ta yata ga ghuni ná, fanata ghuni ta tsaya ta Yawe, Lazglafta ghuni. Yaha kuni dá maga slna ma vwah nda taŋtaŋa zwaŋa sla ghuni, yaha kuni da gatsa swida taŋtaŋa zwaŋa tuwaka ghuni.

Yakubu 1:18

Tsatsi ka ghəŋa ni ta ɗvutá vlamata hafu nda ma gwaɗa ni ta nzakway ka kahwathwata, kada nzakwa mu ka taŋtaŋa ni mataba skwiha ya zlaganap tsi.