Sabi 22:28 - Hdi

²⁸ Ma gərɗana kuni ta klaɗiktá mayaka ɗa ma skwiha ta tska kuni ta vwah, nda ima inaba ghuni. Dzaʼa vliha vla kuni ta zumaliha mataba zwana zgwana ghuni.

Sabi 22:28 Mawu Ofanana

2Sam 16:5

Ka ɓhadaghatá mgham Dawuda da luwa Bahurim. Hada, ka sab sana mndu Simghi hga ni, zwaŋa Geraʼ ta uʼa turtuk nda la Sawulu, ka lagha tsi ka dzaʼa nda ksiʼa mgham.

2Sam 16:9

Ka Avisay zwaŋa Tseruya nda mgham tama mantsa: « Kabgawu ta kəl ya mtata kri ya ka ksiʼa kagha katək ni mghama ɗa? Zliha zla ka laba yu da tsaghutá ghəŋa ni, wya dzvu, » kaʼa.

2Sam 19:21

Nda sna iʼi kwalva gha, graf gra yu kazlay na, gaga yu ta dmaku kəʼa. Tsaya kəl yu ka sagha gita, ka tiŋlaghutá inda la ga Yusufu ŋa guyaku nda rveri, mghama ɗa, » kaʼa.

1Mgh 21:10

Ka pghata kuni ta falaya mnduha his mbəŋ nda tsi, ka tsanavata həŋ ta gwaɗa kazlay na: “Kagha ta razanaftá i Lazglafta, nda mgham,” ka həŋ dzaʼazlay. Tahula tsa, ka klaghata kuni ta hula luwa ŋa zlambata ha ka mtata ni! » kaʼa.

Sabi 13:12

ka faghuta kuni ŋa Yawe ta inda zumali yaga lu nda ya. Inda dugzum, nda maŋazak, nda lghəŋ ka zumali mataba rina ghuni guli ná, ŋa Yawe həŋ.

Sabi 13:2

« Faghu fa ŋa ɗa ta inda zumali. Zumaliha yayaga lu mataba la Israʼila, dər mndu tsi, dər rini a tsi, ŋa ɗa həŋ demdem, » kaʼa.

Sabi 21:17

Dər wati ma mndu ta razatá da ni, ka ma ni a tsi, dzaʼa dza dza lu ta tsa mndu ya.

Sabi 23:16

Tahula tsa, ŋa skalay ghuni ta skala tska taŋtaŋa ndəhatá yakwa skwiha slgaf kuni ta vwaha ghuni. Gufwak, ta hula kɗiŋta ghuni ta tskatá skwi maga kuni guli ná, ŋa skalay ghuni ta skala nekwatá nimaya ta vwah.

Sabi 23:19

Ka hlagaghata kuni da həga Yawe, Lazglafta ghuni ta taŋtaŋa yakwa skwi hva kuni ta vwaha ghuni. Yaha kuni da damtá zwaŋa gu ma uʼa ma ni. »

La Levi 24:11

Ka razatá tsa zwaŋa makwata Israʼila ya ta hga Lazglafta ka ksiʼay. Ka kladaghatá lu da Musa. Səlumit hga ma ni, makwa Divri ma mndəra la Daŋ.

La Levi 24:15

Ka ka dzaʼazlay nda la Israʼila tama mantsa: Dər wa ta razatá Lazglafta ni, dguv ta ghəŋa ni dmakwa ni.

La Levi 24:16

Dər wati ma mndu ta razata hga Yawe ná, dzata kahwathwata. Inda guyatá ghəŋa mnduha dzaʼa zlərtsatá nda pala. Dər má mayəm tsi, dər má zwaŋa haɗik a tsi, dzaʼa dza dza lu kabga vəl razata ni ta hga Lazglafta.

Slna gwal ghunay 23:3

« Dzaʼa dzay Lazglafta ta kagha ghwaɗaka vata həga ɓap lu nda ɓa na. Nza ŋa tsa guma ta ghəŋa iʼi manda ya ta mnə zlahu kagha, ama ka zluŋtá ka ta zlahu, ka laghu da mnay kazlay: Dzuŋwa dza kəʼa, » ka Pwal nda tsi.

Slna gwal ghunay 23:5

« Sna a yu kazlay: Mali ta ghəŋa gwal dra skwi ŋa Lazglafta ya kəʼa zwana ma wu, kabga nda vinda guli kazlay: Haɗ ka dzaʼa raza mgham ta ghəŋa mnduha gha wu kəʼa, » ka Pwal.

1 Piyer 2:17

Vlawa vla ta glaku ŋa inda mndu, ɗvuwa ɗva ta zwana ma ghuni ma zlghay nda ŋuɗuf, zləŋawa zləŋa ta Lazglafta, vlawa vla ta glaku ŋa Mgham dagala.

2 Piyer 2:10

Katkatatani ná, ta ghəŋa gwal ta maga ghwaɗaka skwi kumaŋ sluʼuvgha taŋ, nda gwal ta hərtətatá ga mghama Lazglafta, dzaʼa tsi giri ŋa taŋ. Tsa mnduha ta tagha ghwaɗaka skwi ya ná, haɗ hula ta wa ira taŋ wa. Ta gla ghəŋ həŋ. Vla a həŋ ta glaku ŋa duhwala Lazglafta ta luwa wa. Ta razu nda raza həŋ.

Yuda 1:8

Tsa mnduha ta lam da taba ghuni ya ná, mndərga ya ghwaɗaka skwiha ya ta mag həŋ. Ta sliʼam sliʼa həŋ da maga ghwaɗaka skwi ta zɗəganatá həŋ manda ya ta fanaghata suni ta həŋ. Vla a həŋ ta glaku ŋa Lazglafta wu, mbaɗa həŋ ka raraza gwal dagala dagala ta luwa.

1Sam 24:10

Ka Dawuda nda Sawulu mantsa: « Kabgawu ta kəl ka ka sna gwaɗa mnduha ta mnay kazlay na, ta zba maga ghwaɗaka skwi Dawuda ŋa gha kəʼa na?

1Sam 24:6

Ama tahula tsaya, ka snə Dawuda ta babamakwa ŋuɗufa ni, kabga vəl tsaʼata ni ta wa sɗakwa Sawulu.

1Sam 26:9

Ka Dawuda nda Avisay mantsa: « Ma dza ka! Wa dzaʼa faftá dzvu ta mndu ya zbaf Yawe nda ma pghanaghatá rɗi, ŋa kwala dmaku ksafta na? » kaʼa.