Sabi 20:24 - Hdi

²⁴ Ka magaɗifta kuni ta gwir ka haɗik. Tida dzaʼa plihata kuni ta ghəŋ nda rina fisika ghuni, nda slaha ghuni, ŋa dray tsuh tsuh, nda pla ghəŋa zɗaku guli. Ma inda dər wati ma vli dzaʼa havaghunakta yu ta hga ɗa ya ná, dzaʼa sagha sa yu da kaghuni, ŋa tfaghunaghata ɗa ta wi.

Sabi 20:24 Mawu Ofanana

Zlrafta 12:2

Dzaʼa yagap ya yu ta ndəghata mndəra mndu ma kagha, dzaʼa tfaghagha tfa yu ta wi, dzaʼa ŋlanaf ŋla yu ta hga gha. Nda ma kagha dzaʼa mutsa sanlaha ta tfa wi.

2Sam 6:12

Ka lagha lu mnanatá mgham Dawuda kazlay: « Waʼa tfanagha tfa Yawe ta wi ta Ghuvetʼidum nda inda skwa ni tani, dabga akwata Lazglafta kəʼa, » ka lu. Ka sliʼaftá Dawuda ka laha klagafta ma rfu da luwa Dawuda ta akwata Lazglafta ga Ghuvetʼidum.

1Mgh 8:29

Ka fafta ka ta ira gha nda rviɗik tani, nda fitik tani ta na həga na, ta na vli mnə kagha kazlay na: “Hada, dzaʼa nzata yu!” kəʼa ya. Sna ta duʼa kwalva gha ta magay nda təv na vli na!

1Mgh 8:43

Snaga sna daga ta luwa, ma vla nzakwa gha, ka tsuʼanafta ka ta inda skwi ya dzaʼa ɗawaghata tsi! Mantsa ya, dzaʼa snaŋta inda mndəra mnduha ta ghəŋa haɗik ta hga gha, ŋa zləŋay taŋ ta kagha manda ya ta mag mnduha gha, la Israʼila, dzaʼa snaŋ sna həŋ kazlay na ŋa vlaŋtá glaku ta hga gha bafta yu ta na həga na kəʼa.

1Mgh 9:3

Ka Yawe nda tsi mantsa: « Tsuʼaf tsuʼa yu ta ndəɓa dzva gha nda tawa gha mnaɗif ka ya. Ta fa fa yu ta na həga baf ka na ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

2Mgh 5:17

Ka Naghamaŋ mantsa: « Ka si kwalaghu kwala ka, vla vla ta tvi ka tsəɗaɗifta lu ta haɗika na vli na, ŋa iʼi kwalva gha. Ka tsəɗaɗifta lu prək ka hlay plisa ghwandala his, kabga iʼi kwalva gha ná, haɗ yu dzaʼa vləgəltá pla ghəŋ ŋa dray tsuh tsuh, dər sanlaha ma pla ghəŋ ŋa sanlaha ma lazglaftaha wu, ba ŋa Yawe kweŋkweŋ.

2Rus 12:13

Ka dihanatá mgham Rəhavgham ta gá mghama ni ma Ursalima, ka gə tsi ta mgham. Fwaɗ mbsak ndeŋ mida ima Rəhavgham ta nzatá tsi ka mgham. Ghwaŋpəɗ ndəfáŋ vakwa ni ta gá mgham ma Ursalima, luwa ya zbap Yawe mataba inda mndəra la Israʼila ŋa nzakwa hga ni. Naghama hga ma ni ma Rəhavgham, makwa la Ghamuŋ ya.

2Rus 6:6

ama zbap zba yu ta Ursalima ŋa nzakwa hga ɗa, zbap zba yu ta Dawuda ŋa gay ni ta mgham ta ghəŋa mnduha ɗa, la Israʼila,” kaʼa.

2Rus 7:16

Ndanana, zbap zba yu, faghu fa yu ta tsa həga ya ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

Izra 6:12

Klah, ká Lazglafta ta maraŋtá ghəŋa ni ma Ursalima zaɗanatá inda mgham nda inda mndu ya dzaʼa walaŋta kwalaghuta snatá na gwaɗa ɗa na, ka zba dzaɓiŋta tsa həga Lazglafta ya. Iʼi Daryaves ta mnatá na gwaɗa na. Ka maga inda mndu manda va ya mna yu, » kaʼa.

Nəhemiya 1:9

Ala ka vrak vra kuni da iʼi ya guli, ka snata kuni ta zlahuha ɗa, ka ksa slna nda tsi, dər má ta slərəŋa luwa wutsatá kaghuni, dzaʼa tskagaghunaghatska yu ma tsa vli ya, dzaʼa varagaghunaghavara yu da vli ya zbap yu ŋa gɗavata hga ɗa.”

Sabi 10:25

Ka Musa mantsa: « Kadzeŋkadzeŋ! Faŋnam fa vərɗa kagha ma dzvu ta skwi nda səla ŋa dzaʼa ŋni pla ghəŋ ŋa dray tsuh tsuh ŋa Yawe, Lazglafta ŋni.

Sabi 18:12

Ka klaftá Yitru, dzidza Musa ta skwa pla ghəŋ ŋa dray tsuh tsuh, nda sanlaha ma skwa pla ghəŋ ŋa vlaŋtá Lazglafta. Mantsa tama, ka lagha i Haruna nda inda la galata mnduha la Israʼila, da za skwa zay kawadaga nda dzidza Musa ta kəma Lazglafta.

Sabi 20:25

Ka dzihwaɗif dzihwa kuni ta gwir nda pala katsi, yaha kuni dzihwafta nda palaha fifiɗa kuni nda fifiɗa. Ta fiɗ kuni ya ná, dmanaf dma kuni nda tsa.

Sabi 24:4

Ka vindaftá Musa ta inda gwaɗaha Yawe. Ka sliʼaftá tsi wrək tgha, ka baftá tsi ta gwir mista tsa ghwá ya. Ka dzagwatá tsi ta palaha ghwaŋpəɗ his, ta mndəra la Israʼila, ta mndəra la Israʼila ghwaŋpəɗ his.

Sabi 24:5

Ka ghunaftá tsi ta sanlaha ma duhwalha la Israʼila ŋa draftá skwi ŋa pla ghəŋ ŋa dray tsuh tsuh. Ka vlaŋtá həŋ ta lghəŋha ta Yawe ŋa pla ghəŋa zɗaku.

Sabi 27:1

« Ka magafta ka ta gwir nda udza kwehi. Ka mitər his nda rita slrakwa ni, ka mitər his nda rita bughwata ni, ka gragra nzakwa taŋ, ka mitər nda rita slada ni.

La Levi 17:9

kul kladaghata ta wa tumpula guyaku ka mbəhu ŋa vlaŋtá Yawe wu, dzaʼa kliŋ kla lu ta tsa mndu ya mataba mnduha ni.

Mata 18:20

Ma vli ya guyava mnduha his ka hkən a tsi ma hga ɗa ná, mataba taŋ yu, » kaʼa.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Vrafta ta zlahu 12:11

Tahula tsa, dzaʼa zbapta Yawe, Lazglafta ghuni ta vli ŋa nzakwa hga ni, hada dzaʼa hladaghata kuni ta inda skwiha ya mnaghunaf yu: Tsaya skwi ŋa pla ghəŋ ghuni ŋa dray tsuh tsuh, nda sanlaha ma pla ghəŋha ghuni, nda zaka ghuni, nda mbəhuha ghuni ta klapta kuni, nda mbəhuha ta zbapta kuni ŋa vlaŋta Yawe ŋa hɗamtá skwi waɗana kuni.

Vrafta ta zlahu 12:21

Ka si diʼiŋ tsa vli zbap Yawe, Lazglafta ghuni ŋa fatá hga ni ya nda kaghuni katsi, dzaʼa laviŋ lava kuni ta ghwanaftá sla ghuni ka rina fisika ghuni a tsi ya vlaghuna Yawe, ka magata ghuni manda ya mnaghunaf yu, ka zay ghuni ma luwaha ghuni manda ya ta kum kuni.

Vrafta ta zlahu 12:5

Ama ka dzaʼa kuni da tsəlɓu ŋa ni ma vli ya dzaʼa zbafta Yawe, Lazglafta ghuni mataba inda mndəra ghuni, ŋa fata hga ni, ka nzata ni hada. Hada da dzaʼa kuni.

Vrafta ta zlahu 14:23

Ta kəma Yawe, Lazglafta ghuni dzaʼa za kuni, ma vli ya dzaʼa tsi zbapta ŋa nzakwa hga ni, ta zaka nimaya ghuni, nda ŋa ima inabi ta ka nunu, nda ŋa rɗi, nda ŋa taŋtaŋa yakwa sla ghuni nda rina fisika ghuni. Mantsa ya dzaʼa tagha kuni ta zləŋa Yawe, Lazglafta ghuni inda fitik.

Vrafta ta zlahu 16:11

Ka rfa kuni ta rfu ta kəma Yawe, Lazglafta ghuni ma vli ya dzaʼa zbapta Yawe, Lazglafta ghuni ŋa nzakwa hga ni hada, kawadaga nda zwana ghuni, nda kwagha ghuni, nda kwalvaha ghuni, nda kurɗuha ghuni, nda la Levi ta nzakw ma luwaha ghuni, nda matbayha ta nzakw ma səla ghuni, nda tawakriha, nda wadguha mataba ghuni.

Vrafta ta zlahu 26:2

ka hlaʼata ka ma inda taŋtaŋa ndəhatá skwi ta vwaha gha ya dzaʼa hvata ka ta tsa haɗik vlagha Yawe, Lazglafta gha ya, ka pghamta ma tughba. Ka kladaghata da vli dzaʼa zbapta Yawe, Lazglafta gha ŋa nzakwa hga ni hada ya.

Vrafta ta zlahu 7:13

Dzaʼa ɗvu ɗva ta kaghuni, dzaʼa tfaghunagha tfa ta wi, dzaʼa yaghunaf ya. Dzaʼa tfaghunagha tfa ta wi nda zwani, dzaʼa ŋwaku skwi ta vwahha ghuni ŋa mutsay ghuni ta nimaya, nda ima inabi ta ka nunu, nda rɗi. Dzaʼa sgaku nda sga slaha ghuni, nda rina fisika ghuni ta tsa haɗik dzaʼa vlaghunata tsi, manda ya waɗana tsi ta dzidzíha ghuni ya.

1Tim 2:8

Ta kumay yu tama ta magay zgwana ma inda vli ta duʼa nda kapatá dzvu ya nda ghuɓa hezleʼ nda ta luwa, nda gatá sidi a wu, nda zlərɗa wi a guli wa.