Sabi 19:17 - Hdi

¹⁷ Ka hlagaptá Musa ta mnduha ma ghuɓa taŋ ŋa dzaʼa da guyaku nda Lazglafta. Ka sladaghutá həŋ mista ghwá.

Sabi 19:17 Mawu Ofanana

Sabi 19:13

Dər má mndu tsi, dər má rini a tsi, haɗ lu dzaʼa zlanata nda hafu wa. Haɗ lu dzaʼa ksaŋta nda dzvu wu, ama dzaʼa zlambata nda zlamba lu nda pala, ka dzaʼa hahata nda hava a lu. Ba ka vya vya lu ta dula maŋazak ka tɗaŋtá lwi ni, dzaʼa kəl mnduha ka laviŋtá ŋlagafta ta ghwá, » kaʼa.

Sabi 19:16

Ga sərɗək baɗ mahkəna fitik, ta tsa ghwá ya ná, ka ŋəzlatá luwa, nda wuɗa luwa, nda kusay tɗik katakata, nda lwa duli nda mbraku katakata. Ka ghudzaku inda gwal ma ghuɓu ta ghudzaku da zləŋ.

Sabi 19:18

Ta tsa ghwá ya, sliʼavaf sliʼa ɗiŋ kuɗumbul, kabga saha Yawe ma vu tida, Ka sliʼaftá tsa ɗiŋ ya ma ghuvaŋata luwa manda ɗiŋa mghama vu. Ka gigɗavaftá inda tsa ghwá ya nda mbraku katakata.

La Levi 9:5

Ka hladaghatá həŋ ta tsa skwiha mnaf Musa ya ta wa tumpula guyaku, ka sliʼadaghata guyatá ghəŋa la Israʼila demdem, ka sladata ta kəma Yawe.

Slna gwal ghunay 7:38

Ma fitika tskavata zwana la Israʼila ma zivak, tsa Musa ya ta nzakway ma takataka dzidzíha mu, nda duhwala Lazglafta ta gwaɗa nda tsi, ta ghwá Sinay ya. Hada tsuʼamafta tsi ta gwaɗa hafu ka klamakta.

Vrafta ta zlahu 4:10

Ka hava kuni ta tsa fitik kəl kuni ka sladata ta kəma Yawe, Lazglafta ghuni ma Hwarev, tsa fitik baɗ mnihata Yawe kazlay na: “Tskigiɗigha tska ta mnduha ka mnanata yu ta gwaɗa ɗa ta həŋ ŋa taghafta taŋ ta zləŋa iʼi inda fitik ma nzakwa taŋ nda hafu ta ghəŋa haɗik, ŋa taghay taŋ guli ŋa zwana taŋ,” kəʼa ya.

Vrafta ta zlahu 4:11

Ma tsa fitik ya, ka gavadaghatá kuni ka sladata mista ghwá. Ka vu tsa ghwá ya, ha ka zaghutá zləghakwa ni da ghuvaŋata luwa ma ɗiŋ kuɗumbul, nda kusay tɗik.

Vrafta ta zlahu 5:5

Ma tsa fitik ya, ka nzatá yu mataba ghuni nda Yawe ŋa mnaghunatá gwaɗa mna Yawe, kabga ta zləŋay kaghuni ta vu, ŋladaf a kuni ta ghwá wa. Kaʼa mantsa: