Sabi 19:10 - Hdi

¹⁰ Ka Yawe nda Musa guli mantsa: « Vra slanaghatá mnduha, ka ghuɓiŋta ta nzakwa taŋ gita nda ya mahtsim. Ka ghwaɓiŋta həŋ ta lgutha taŋ guli.

Sabi 19:10 Mawu Ofanana

Zlrafta 35:2

Ka Yakubu nda la ga taŋ, nda ya nda inda gwal kawadaga nda tsi mantsa: « Hliŋwa hla ta inda lazglaftaha ka mayəm mataba ghuni. Ka hliŋta kuni ta skwi ta tsaɗ lu ta kaghuni, ka mbəɗapta kuni ta lgutha ghuni,

2Sam 19:24

Ka mbəɗavatá mgham nda təv Simghi, kaʼa mantsa: « Dzata a lu ta kagha wu! » kaʼa. Ka waɗanatá mgham.

2Rus 29:34

Ama slaghu a gwal dra skwi ŋa Lazglafta ŋa hanay wu, ka tranaghata hlatá huta ta inda tsa skwa pla ghəŋ ŋa dray tsuh tsuh ya ta həŋ. Ka kataŋtá sanlaha ma zwana ma taŋ la Levi ta həŋ, ha ka kɗiŋtá tsa slna ya, ma kɗaku sanlaha ma gwal dra skwi ŋa Lazglafta ta ghuɓiŋtá nzakwa taŋ, kabga mal la Levi mala fatá ŋuɗuf taŋ, ka ŋa gwal dra skwi ŋa Lazglafta.

2Rus 29:5

Kaʼa nda həŋ mantsa: « Fihawa fa ta sləməŋ la Levi! Ndanana, ghwaɓiŋwa ghwaɓa ta nzakwa ghuni. Tahula tsa, ka ghwaɓiŋta kuni ta həga Yawe, Lazglafta dzidzíha ghuni. Hligiŋwa hla ta skwiha kul tsaɗaku ma vli nda ghuɓa.

La Levi 11:25

Dər wati ma mndu ta klaftá mbla taŋ, ghwaɓiŋta ni ta lgutha ni, dzaʼa nzakway ka mndu ta tsaɗ lu ha ga hawu.

La Levi 15:5

Ka ksaŋ ksa mndu ta ghəzləŋa ni, ghwaɓiŋta ni ta lgutha ni, ka mbazaghuta ni ta mbaza. Dzaʼa nza nza ka mndu ta tsaɗ lu ha ga hawu.

Mbsak 11:18

Ka ka da mnanatá mnduha na: “Ka ghwaɓiŋta kuni ta nzakwa ghuni ŋa mahtsim, dzaʼa mutsay kuni ta sluʼi ŋa zay, kabga tawa tawa kuni ta taw ta wa sləməŋa Yawe kazlay na: Wa dzaʼa vlaŋnata sluʼi ŋa zay na? Si ɗina nzakwa ŋni ma Masar na kəʼa! Mantsa tama, dzaʼa vlaghuna vla Yawe ta sluʼi, dzaʼa zay kuni.

Mbsak 19:19

Dzaʼa wutsikaf wutsika mndu kul haɗ skwa tsaɗa tida ta imi ta tsa mndu nda skwa tsaɗa tida ya baɗ mahkəna fitik, nda ya baɗ mandəfáŋa fitik. Baɗ mandəfáŋa fitik, ŋa nzakwa tsa mndu si nda skwa tsaɗa tida ya ka mndu kul haɗ skwa tsaɗa tida. Tahula tsa, ŋa ghwaɓiŋta ni ta lgutha ni, ka mbazaghuta ni ta mbaza nda imi, ŋa nzakwa ni ka mndu kul haɗ skwa tsaɗa tida ga hawu.

Mbsak 31:23

nda inda skwiha ta ŋaŋtá vu yeya dzaʼa pghadamta kuni da vu ŋa nanafta ka skwi kul tsaɗ lu. Dzaʼa ghuɓay lu guli nda ima ghuɓiŋta. Ka pghamta kuni ma imi ta inda ya kul haɗ ta ŋaŋtá vu.

Mbsak 31:24

Baɗ mandəfáŋ fitik, ka ghwaɓiŋta kuni ta lgutha ghuni, ŋa nzakwa ghuni kul tsaɗ lu. Tahula tsaya, dzaʼa vradamta kuni da ghuɓu, » kaʼa.

Mbsak 8:21

Ka hliŋta la Levi ta skwa tsaɗa ma nzakwa taŋ, ka ghwaɓiŋtá həŋ ta lgutha taŋ. Ka zukwaftá Haruna ta həŋ ŋa Yawe. Ka slərɓanaptá zughu ta həŋ ŋa nzakwa taŋ ka gwal kul tsaɗ lu ta həŋ.

Mbsak 8:7

Wya ká ka dzaʼa magay ŋa hliŋtá skwi ta tsaɗ lu ta həŋ: Ka wutsikafta ka ta ima kliŋtá skwi ta tsaɗ lu ta həŋ, ka hatsiŋta həŋ ta swidi demdem ta vgha taŋ, ka ghwaɓiŋta həŋ ta lgutha taŋ, ŋa nzakwa taŋ kul haɗ skwi ta tsaɗ lu ta həŋ.

1Kwa 6:11

Manda tsaya si nzatá nzakwa sanlaha mataba ghuni ghalya. Ndana tama, Sulkuma Lazglafta mu ta ghuɓaghunata, ka nzatá kuni hezleʼ, ka naghunafta ka ŋərma mndu kabga zlghafta ghuni ta Mghama mu *Yesu *Kristi.

Hebru 10:22

Ma tsa nzakwa ni mantsa ya tama, gavanamavagava ta Lazglafta nda ŋuɗuf turtuk, nda fata ghəŋ dar, nda ghuɓata ŋuɗuf kul haɗ dmaku mida, nda mbazatá mbaza nda imi tsələŋa.

Yəhusuwa 3:5

Ka Yəhusuwa nda mnduha mantsa: « Ghuɓiŋwa ghuɓa ta nzakwa ghuni, kabga dzaʼa maraŋ mara Yawe ta skwiha ka mazəmzəm mataba ghuni mahtsim, » kaʼa.

Yəhusuwa 7:13

Ndanana wa, sliʼaf sliʼa, la mnanatá mnduha ka ghuɓiŋta həŋ ta nzakwa taŋ. Ka ka nda həŋ na: “Ghuɓiŋwa ghuɓa ta nzakwa ghuni ŋa mahtsim, kabga wya ka Iʼi Yawe, Lazglafta la Israʼila ta mnanatá la Israʼila: Mamu skwiha ŋa zaɗanata nekwnekw ya pyaf yu ta kaghuni mataba ghuni. Haɗ kuni dzaʼa ŋəglaŋta da ghumaha ghuni, ka hwanzaɓiŋ a kuni ta tsa huzlaha ya wa.

Suna Yuhwana 22:14

Nda tfa wi ta ghəŋa gwal ta ghuɓaptá lguta taŋ. Hahəŋ gwal dzaʼa mutsaftá laviŋta za yakwa fwa hafu, nda lami nda ta wa tgha tsa luwa ya.

Suna Yuhwana 7:14

« Kagha yeya nda sna Mghama ɗa, » ka yu nda tsi. Kaʼa nda iʼi mantsa: « Hahəŋ ná, gwal ta sabi ma giri ganap lu ta həŋ katakata ya həŋ. Ka ghwaɓaptá həŋ ta lguta taŋ, ka ɓaɓaptá həŋ ma usa Zwaŋa Tuwak.

1Sam 16:5

Kaʼa mantsa: « Aŋi! Ma zɗaku sagha yu! Sagha da pla ghəŋ yu ŋa Yawe. Ghwaɓiŋwa nzakwa ghuni, ka sagha kuni mista ɗa da vla za skwa zaya pla ghəŋ, » kaʼa. Ka ghwaɓiŋtá Samuyel ta i Yisay nda zwana ni. Ka hagadaghatá tsi guli ta həŋ da vla za skwa zaya tsa pla ghəŋ ya.