Sabi 15:26 - Hdi

²⁶ Kaʼa mantsa: « Ka fa fa kuni ta sləməŋ ɗina ka snatá gwaɗa Yawe, Lazglafta ghuni, ka ta magiha maga kuni ta skwi ta tɗukwa ta wa ira ɗa, ka ta fiha fa kuni ta sləməŋ ɗina ka sna skwiha ta mnaghunata yu, ka ta ŋana ŋa kuni ta zlahuha ɗa demdem katsi, haɗ yu dzaʼa vlaghunata ya dər turtuk ma tsa ɗaŋwaha ya vlaŋ yu ta la Masar ya wu, kabga iʼi Yawe ta mba kaghuni, » kaʼa.

Sabi 15:26 Mawu Ofanana

1Mgh 11:33

Dzaʼa maga maga manda tsaya, kabga zlaɗivata la Israʼila, ka laghwi da tsəlɓu ŋa Ghasturet, lazglafta la Tsiduŋ, nda ya ta kəma Kəmus, lazglafta la Muwav, nda ya ta kəma Milkum, lazglafta la Ghamuŋ. Ksaf a həŋ ta tviha ya mnana yu ta həŋ manda ya maga Dawuda, da ni ma Salumuŋ wa. Maga a həŋ ta skwi ya tɗukwa nghadap yu wu, kwalaghu kwala həŋ ta snatá skwi ya ta raku mnaf yu, nda zlahuha ɗa.

1Mgh 11:38

Ka sna sna ka ta inda skwi dzaʼa mnaghafta yu, ka ta ksay ka ta tviha ya nghadap yu tɗukwa, nda ma ŋanata gha ta skwiha ta raku, nda zlahuha ɗa, manda ya maga kwalva ɗa Dawuda, dzaʼa nza nza yu kawadaga nda kagha. Dzaʼa vlagha vla yu ta həga ga mgham nda diha, manda ya maga yu ŋa Dawuda, dzaʼa fagham fa yu ma dzvu ta la Israʼila.

2Mgh 2:21

Ka lab tsi nda təv dzuɓay, ka pghadatá tsi ta tsa slughul ya dida, kaʼa mantsa: « Wya ka Yawe mnata: “Ta nanaf na yu ta na imi na zɗa, dzəgəlta a ta mndu wu, pyəglafta a ta magakwa skwi ta na haɗik na wu,” » kaʼa.

2Mgh 20:5

« Vra mnanatá Hizkiya, mala mnduha ɗa kazlay: “Wya ka Yawe, Lazglafta dzidza gha Dawuda mnata: Nda sna yu ta duʼa gha, nda ngha yu ta ima tawa gha. Dzaʼa mbaghaf mba yu. Baɗima ya, ka ŋladafta ka da həga Yawe.

2Mgh 22:2

Ka mag tsi ta skwi tɗukwa ta wa ira Yawe. Ka ksaftá tsi ta tvi manda va ŋa dzidza ni Dawuda, dzəmbiɗana a dər nda ga zeghwi, dər nda ga zlaɓa wa.

Sabi 12:29

Ma takala tama, ka pslatá Yawe ta inda zumali ma haɗika Masar, zlrafta ni ta zumala Firʼawna ta dzaʼa lafi ta dughuruk ya, ha ta zumala mndu ya hbam lu ma gamak, nda inda zumala rini guli.

Sabi 19:5

Ndana ná, ka fa fa kuni ɗina ta sləməŋ ka sna skwi ta mnaghunata yu, ka ŋana ŋa kuni ta dzratá wa ɗa nda kaghuni, dzaʼa nzakway kuni ka mnduha ɗa nda sgit ta həŋ mataba inda mndəra mnduha. Aŋ mndani, ŋa ɗa inda ghəŋa haɗik demdem.

Sabi 19:6

Ama kaghuni, dzaʼa nzakway kuni ka ŋa ɗa ka gwal ga mghama dra skwi ŋa ɗa, ka mndəra gwal nda fa ŋa ɗa.” Tsaya skwi dzaʼa ka mnanatá la Israʼila, » kaʼa.

Sabi 20:2

« Iʼi ná, Yawe yu, Lazglafta gha ta klagaghapta ma ga vuʼa ma haɗika Masar.

Sabi 23:25

Dzaʼa magihatá iʼi Yawe, Lazglafta ghuni kuni ta slna. Tsaya tama, dzaʼa tfanagha tfa yu ta wi ta skwa zay ghuni, nda ima say ghuni. Dzaʼa huzliŋ huzla yu ta ɗaŋwaha ta ghəŋa ghuni.

La Levi 26:13

Iʼi ná, Yawe yu, Lazglafta ghuni. Iʼi ta hlagaghunapta ma haɗika Masar, kada kwala kuni ta gəgəltá vuʼa taŋ. Ɓliŋ ɓla yu ta tsa zuk faghunam həŋ ma ŋurzluŋ ya, ka vlaghunatá yu ta mbaɗay ghuni ta mbaɗa nda klatá ghəŋ. »

La Levi 26:3

Ka ŋana ŋa kuni ta zlahuha ɗa, ŋana ŋa kuni ta tva skwiha ŋa magay ya mnaghunaf yu ka snata katsi,

Mbsak 12:13

Ka wahu Musa ta wahu da Yawe: « Kdəkkdək Lazglafta ɗa, mbanaf mba gha, » kaʼa.

Vrafta ta zlahu 12:25

Ma walaŋ kuni ta zay, kada nzata kuni ləŋləŋ, kaghuni nda zivirha ghuni tahula kaghuni, kabga magata ghuni ta skwi tɗukwa ta wa ira Yawe.

Vrafta ta zlahu 12:28

Ŋanawa ŋa ta inda tsa gwaɗaha mnaghunaf yu ya, ka snata kuni mantsa ya, ka nzata kuni ləŋləŋ ŋa ɗekɗek, kaghuni nda zivirha ghuni tahula kaghuni, kabga magata ghuni ta skwi ɗina, nda skwi tɗukwa ta wa ira Yawe, Lazglafta ghuni. »

Vrafta ta zlahu 13:18

Yaha ka da faftá dzvu ta skwi nda fa ŋa zaɗanata nekwnekw, kada vrata gufatá ŋuɗufa Yawe, ŋa zɗaghunaŋta ni ta huɗi, ŋa tawata ni ta hiɗahiɗa ta kaghuni, ka yaghunafta manda ya waɗana tsi ta dzidzíha ghuni ya.

Vrafta ta zlahu 28:27

Dzaʼa ghunadagha ghuna Yawe ta mbuʼa mndərga ŋa la Masar, nda basər, nda hwasigwa, nda mahdzehdza dzaʼa kwal kul mbavata.

Vrafta ta zlahu 28:58

Ka ŋana a kuni ɗina, ka maga slna nda inda tsa gwaɗaha ta tagh lu nda vinda ma na defteri na, nda zləŋa tsa hgu nda sgit ka makwitkwit, Yawe, Lazglafta ghuni ya wu,

Vrafta ta zlahu 28:60

Dzaʼa klagagha kla ta inda zləmndaha la Masar ya si ta zləŋ kuni ya ŋa favaghunata.

Vrafta ta zlahu 32:39

Nghawa ɓa, iʼi ná, iʼi ya, haɗ sana Lazglafta ta ghəŋa iʼi wa. Iʼi ta dzata, iʼi ta zlaŋta nda hafu guli. Iʼi ta balanata, iʼi ta mbanafta. Haɗ mndu dzaʼa zluʼapta ma dzva ɗa wa.

Vrafta ta zlahu 5:1

Ka hgafta Musa ta inda la Israʼila. Kaʼa nda həŋ mantsa: « La Israʼila, snawa ta na zlahuha, nda tva skwiha ŋa magay ta mnaghunata yu ta wa sləməŋa ghuni gita na. Ka tagha kuni, ka ŋanata kuni ɗina ŋa maga slna nda tsi.

Vrafta ta zlahu 7:15

Dzaʼa kliŋ kla Yawe ta inda ɗaŋwaha. Inda ghwaɗaka zləmndaha ta slanaghatá la Masar ya snaŋ kuni ya ná, ghunafta a ta kaghuni wu, ama ta gwal husaŋ kuni ta həŋ demdem.