Sabi 15:20 - Hdi

²⁰ Miryam makuma ni ma Haruna ná, anabi ya. Ka klaftá tsi ta zwaŋa tim ma dzva ni ka dzay. Ka sliʼaftá inda miʼaha mista ni, nda zwana tim ka dzaʼa nda skalu.

Sabi 15:20 Mawu Ofanana

Zlrafta 31:27

Nya kəl ka ka kɗikagaghuta kul mniɗiŋta na? Nya kəl ka ka naniɗifta? Ka má mniɗiŋ mna ka ná, má nda rfu, nda laha, nda tim, nda ya nda kəzliŋkəzliŋ má zlighista yu.

2Sam 1:20

Ma mnə kuni ta tsa gwaɗa ya ma Gat, ma tíŋ kuni ta pazlalaha ma Askəluŋ, dá rfu kwagha la Filisti ta rfu, dá vavalaku kwagha gwal kul tsaku fafaɗa taŋ ta vavalaku ka rfu.

2Sam 6:14

Ka skal Dawuda ta skalu nda kɗavakta mbrakwa ni ta kəma Yawe nda suɗatá ifut ka liŋ.

2Sam 6:16

Ta lagha akwata dzratá wa Yawe da tsa luwa Dawuda ya ná, ka nghagapta Mihal, makwa Sawulu nda ta finitir. Ka nghaŋtá tsi ta mgham Dawuda ta skalu ka vavalaku ta kəma Yawe, ka hərtətatá tsi ma ŋuɗufa ni.

2Sam 6:5

Ka dzaʼa i Dawuda nda inda la Israʼila nda skalu ta kəma Yawe, ka dza inda mndərga huzla skalu magaf lu nda udza bərus, nda kəzliŋkəzliŋ, nda htimbil, nda dewdew, nda kwaleleŋ, nda ndeŋndeŋ.

2Mgh 22:14

Ka laghu Hilkiya, mnda dra skwi ŋa Lazglafta, nda Ahikam, nda Ghakbur, nda Safaŋ, nda Ghasaya slanaghatá anabi Hulda, markwa Salum, zwaŋa Tikva, zigha Harhas mndu ta nghapta ka lgutha ya. Ma lfiɗa ghərzla ma Ursalima ta nzakwa Hulda. Ka rusanaftá həŋ ta tsa gwaɗa ya.

1Rus 15:16

Ka Dawuda nda maliha la Levi mantsa: « Pgham pgha ma vla taŋ ta zwana da ghuni, ka gwal fa laha, ka gwal dza huzla skalu: Htimbil, kəzliŋkəzliŋ, ndeŋndeŋ ŋa ghudzaganata nda mbraku ka ŋizla rfu, » kaʼa.

1Rus 6:3

Zwana Kehat na: I Ghamram, nda Yitshar, nda Hevruŋ, nda Ghuziʼel həŋ.

Nəhemiya 6:14

Ari Lazglafta ɗa, havap hava ka i Tuviya nda Samballat ta ghəŋa tsa slna taŋ ta magata ya, mantsa ya guli ta ghəŋa anabi Nuʼadiya ka marakw ya, nda pɗakwa sanlaha ma anabi ta kuma giɗiftá zləŋ ya!

Sabi 2:4

Ka nzaktá makuma ni ma tsa zwaŋ ya manda a, ka ngha skwi dzaʼa magaku nda tsi.

Mbsak 12:1

Mbaɗa i Miryam nda Haruna ka raza Musa dabga vəl klafta ni ta makwa la Kus. Ka marakw klafta tsi ta makwa la Kus.

Mbsak 12:2

Ka həŋ mantsa: « Nda ma Musa yeya ta gwaɗata Yawe ta gwaɗa ra? Gwaɗa a nda ma uʼu guli ra? » ka həŋ. Ka snaŋtá Yawe.

Mbsak 20:1

Ma taŋtaŋa tili, ka ɓhadaghatá guyatá ghəŋa inda la Israʼila ta mtaka Tsiŋ, ka dzagwatá mnduha ta tumpula taŋ ma Kades. Hada mtuta Miryam, hada lamtá lu.

Mbsak 26:59

Markwa Ghamram ná, Yukevet hga ni, makwa Levi, ya Levi nda markwa taŋ ma Masar. Ka yanatá tsa marakw ya ta Ghamram ta i Haruna, nda Musa, nda Miryam.

Lukwa 2:36

Mamu sana marakw ka anabi nda hala katakata, Ghana hga ni, makwa Fanuwal ma mndəra la Asira. Ndəfáŋ yeya vaku maga tsi nda zəʼal manda lagha ni da mndu,

Slna gwal ghunay 21:9

Mamu kwagha ni fwaɗ ka daghali ka daghali ta klaktá lwa Lazglafta.

1Kwa 11:5

Ka ta maga duʼa inda marakw da Lazglafta nda ya ka ta mna gwaɗa snaŋ tsi da Lazglafta a tsi katsi kul bukwaftá ghəŋ ná, tsatsa ta ghəŋa mghama ni. Nda nza manda skwi nda htsa ghəŋa ni nda tsa.

1Kwa 14:34

Seftekw ka miʼa ghuni nzata ma tskatá vgha, kabga vlaŋ a lu ta tvi ta həŋ ŋa gwaɗa wa. Nda hanatá ghəŋ ka həŋ nzata manda ya ta mnə deftera Lazglafta guli.

Gwal tsa guma 11:34

Ka vraghatá Yifta dzagha ni ma Mitspa, ka sab makwa ni da tsuʼay nda skalu, ka fa laha nda dza zwaŋa tim. Tsatsi turtuktuk zwaŋa ni. Haɗ sana zwaŋa ni ta ghəŋa tsaya wa.

Gwal tsa guma 21:21

Ɗasuwa ká kuni, na sliʼagapta kwagha la Silu da skalu ya ná, ka sliʼagapta kuni ma vwaha inabi, ka ksaʼata dər wati ma kaghuni ta makwa mataba kwagha la Silu ŋa nzakwa ni ka markwa taŋ, ka vraghuta ghuni ta haɗika la Biŋyamiŋ.

Gwal tsa guma 4:4

Ma tsa fitik ya, anabi Debura, markwa Lapidut ta tsa guma ta ghəŋa la Israʼila.

1Sam 10:5

Tahula tsa, ŋa ɓhadaghata gha da Givgha Lazglafta, ma vla bakwa gwal vula la Filisti. Ta lam ka da luwa, dzaʼa slaf sla ka ta tskatá la anabi ta sliʼagata ta vli tskala. Dzaʼa tsap tsa tsa mnduha ya ta kəma gha nda dza htimbil, nda dewdew, nda siŋlak, nda kəzliŋkəzliŋ. Ta kla lwa Lazglafta həŋ.

1Sam 18:6

Tahula dzata Dawuda ta tsa la Filisti ya, ta vragaghatá həŋ ta vulu, ka sliʼagaptá inda miʼaha ma inda luwaha la Israʼila da guya mgham Sawulu, nda falaha nda falaha, nda skalu nda skalu, nda dza tim nda dza tim, nda hayayi nda hayayi, ka rfu, nda tehwtsa nda tehwtsa.