Sabi 12:15 - Hdi

¹⁵ Ndəfáŋ fitik dzaʼa zata kuni ta za buradi kul haɗ is mida. Daga baɗ taŋtaŋ dzaʼa hliŋta kuni ta is ma həga ghuni. Ka daga baɗ taŋtaŋ ha baɗ mandəfáŋ zaŋ za mndu ta buradi nda is mida katsi, kliŋtá tsa mndu ya mataba la Israʼila.

Sabi 12:15 Mawu Ofanana

Zlrafta 17:14

Zgun ya kul tsaku fafaɗa ta vgha ni, dzaʼa dgana dga lu nda mndəra taŋ, kabga kwalaghu kwala ta snatá dzratá wa ɗa ŋa ɗekɗek ya, » kaʼa.

2Rus 30:21

Mantsa tama, ka skal la Israʼila ma Ursalima ta skala buradi kul haɗ is mida ka fitik ndəfáŋ nda rfu katakata. Inda fitik la Levi nda gwal dra skwi ŋa Lazglafta ta zləzləva Yawe nda inda ghudzaga huzla skalu katakata ŋa vlaŋtá sgit ta Yawe.

Izra 6:22

Ka skalu həŋ nda rfu ta skala buradi kul haɗ is mida. Ndəfáŋ fitika taŋ ta skalay. Ndəghanaf ndəgha Yawe ta ŋuɗufa taŋ nda rfu, kabga mbəɗanaf mbəɗa Yawe ta ŋuɗufa mghama Asur ŋa zɗanaŋtá huɗi ta həŋ. Tsaya ta ufanaftá vgha ta həŋ ŋa ba tsa həga Lazglafta, ta nzakway ka Lazglafta Israʼila ya.

Sabi 12:8

Ta tsa rviɗik ya dzaʼa fsata kuni ta sluʼa ni ŋa zuta ghuni nda buradi ya kul haɗ is mida. Nda masuʼataha ɗahɗaha dzaʼa za kuni.

Sabi 13:3

Ka Musa nda mnduha mantsa: « Havapwa hava ka na fitik ya sliʼagap kuni ma ga vuʼa ma Masar na. Nda mbrakwa dzva ni hlagaghunapta Yawe. Ta havə kuni ta na skalu na, yaha kuni da za buradi nda is mida.

Sabi 23:15

Ka skala kuni ta skala buradi kul haɗ is mida. Fitik ndəfáŋ dzaʼa zata kuni ta za buradi kul haɗ is mida, ma fitik ya mnaf lu ma tila Aviv, kabga ma tsa tili ya sliʼagapta kuni ma haɗika Masar. Yaha kuni sagha ta kəma ɗa nda dzvu bətbət.

Sabi 30:33

Dər wati ma mndu ta tskafta ka laɓanafta manda va nana, dər ka masanavata hamata mndu a tsi, dzaʼa kliŋ kla lu mataba mndəra taŋ,” » kaʼa.

Sabi 30:38

Dər wati ma mndu dzaʼa magafta manda va nana ŋa ziʼay ni ná, dzaʼa kliŋ kla lu mataba mndəra taŋ, » kaʼa.

Sabi 31:14

Ka ŋanata kuni ɗina ta Sabat, kabga fitik nda ghuɓa ya da kaghuni. Mndu dzaʼa dmanaftá tsa fitik ya ná, dzaʼa dza dza lu kahwathwata ta tsa mndu ya, kabga inda mndu dzaʼa magaŋtá slna baɗ tsa fitik ya, dzaʼa kliŋ kla lu mataba mndəra taŋ.

Sabi 34:18

Ka skala kuni ta skala buradi kul haɗ is mida. Ma tila Aviv ná, ndəfáŋ fitik dzaʼa magata kuni ta za buradi kul haɗ is mida manda ya mnaghunaf yu, kabga ma tila Aviv sliʼagapta kuni ma Masar.

Sabi 34:25

Yaha kuni da vlihatá usa skwa pla ghəŋ kawadaga nda buradi nda is mida. Yaha kuni pɗanatá mapɗaka skwa pla ghəŋ klaf lu ŋa skala Pak, ŋa labi ta sərɗək ga mahtsima ni.

La Levi 17:10

Ka lagha mnda Israʼila, ka mataba gwal ka mayəm ta nzakw mataba ghuni a tsi, ka zutá us, dər má kinawu tsa us ya, nda iʼi nda tsa mndu ta zutá us ya, dzaʼa kliŋ kla yu mataba mnduha ni,

La Levi 17:14

Hafa inda skwi ta ndiri ná, tsaya usa ni ta vlaŋtá hafu. Tsaya kəl iʼi Yawe ka mnay nda la Israʼila: Yaha kuni da za usa dər wati ma inda skwi, kabga hafa inda skwi ta hafu ná, tsaya usa ni. Dər wati ma mndu ta zuta, dzaʼa kliŋ kla lu.

Mbsak 28:17

Baɗ maghwaŋpəɗ hutafa fitik ma tsa tili ya, fitika skalu. Ma fitik ndəfáŋ, buradi kul haɗ is mida dzaʼa lu da zay.

Mbsak 9:13

Ama ka mamu mndu kul haɗ skwa tsaɗa tida, laghu a diʼiŋ wu, ka kwalaghutá tsi ta skala Pak, dzaʼa klap kla lu mataba guyatá ghəŋa mnduha ni, kabga kladagha a ta mbəha ni ŋa Yawe baɗ fitik tsaf lu wa. Dguv ta ghəŋa ni dmakwa ni.

Mata 16:12

Ka tsatsaftá duhwalha ni kazlay: Ta ghəŋa is ta mag lu ma buradi a mna Yesu ta magay taŋ ta ɗasuwa wu, ama ta ghəŋa tagha skwa la Farisa nda la Sadukiya dzaʼa maga həŋ ta ɗasuwa.

Lukwa 12:1

Mataba tsaya, ka tskadaghatá mnduha ta vgha ŋəɗdəm ta vata *Yesu ka ɓisla vgha sani ta vata sani. Ka Yesu nda duhwalha ni mantsa: « Ɗasuwa ka kuni nda Isa la *Farisa ta nzakway ka maɗgwirmaɗgwir ta mag həŋ ya.

Lukwa 2:43

Tahula kɗatá tsa skalu ya ta vru həŋ dzagha, ta tsaghutá Yesu ta vgha nda həŋ ka nzaghuta ma Ursalima kul snaŋtá i da ni nda ma ni.

Slna gwal ghunay 12:3

Ta nghə tsi ná, zɗəgana zɗa tsa skwi ya ta la Yahuda. Ka ksaftá tsi ta Piyer guli ma fitika skala buradi kul haɗ is mida ya.

Galat 5:12

Inda tsa gwal ta hwazlaɓa kaghuni ya ná, ka hərɗiŋ hərɗa həŋ ta vgha taŋ, ka nzakwa həŋ daghəraʼ!

Vrafta ta zlahu 16:3

Ta skal kuni ta tsa skalu ya, yaha kuni da za buradi nda is mida. Fitik ndəfáŋ dzaʼa zata kuni ta za tsa buradi kul haɗ is mida ya, burada sa duni, kabga ta hwaya ta hwaya saba kuni ma haɗika Masar. Manda tsaya dzaʼa hava kuni ma nzakwa ghuni, ká kuni sabi ma haɗika Masar.

Vrafta ta zlahu 16:5

Haɗ kuni dzaʼa pla ghəŋa Pak ma ya dər turtuk ma luwaha ya dzaʼa vlaghunata Yawe, Lazglafta ghuni wa.

Vrafta ta zlahu 16:8

Ma fitik mkuʼ, buradi kul haɗ is mida dzaʼa kuni da zay. Baɗ mandəfáŋ, fitik ka tskafta kuni ta tska vgha dagala ŋa Yawe, Lazglafta ghuni. Magta a kuni ta slna baɗ tsa fitik ya wa. »