Nəhemiya 9:37 - Hdi

³⁷ Tsa skwi ta ŋwaku ta tsa haɗik ya ná, nda nza ŋa mghamha ya vla ka ta aŋni ma dzva ni dabga dmakuha ŋni. Mbaɗa həŋ ka ga mgham ta ghəŋa aŋni nda rina ŋni tani manda ya kumaŋ həŋ. Ka nzaku ŋni tulek katakata, » ka həŋ.

Nəhemiya 9:37 Mawu Ofanana

Izra 4:13

Rvera ɗa, skwi ta kum ŋni ta snaghamta na: Ka bəglaf ba lu ta na luwa na, bafha lu ta muhula ni katsi ná, haɗ həŋ dzaʼa pləgəltá dzumna nda tiket, nda dzumna həga wa. Dazlay ta kəma ná, dzaʼa htavaghu hta gadghəl ma ga mghama gha.

Izra 6:8

Wya skwi ta mnaghunata yu: Ka kataŋta kuni ta tsa la galata mndu mataba la Yahuda ya ma slna ba tsa həga Lazglafta ya. Nda tseda mgham tskaf lu ta dzumna ta tsa haɗik ta ɓla ghwa ya, dzaʼa plata lu ta inda skwi dzaʼa zaɗiŋta həŋ. Ka nghapta kuni, yaha tsa slna ya da sladata.

Izra 7:24

Skwi ta sgaghunaghata yu ta ghəŋa tsaha ya, haɗ lu dzaʼa ɗawa dzumna, nda tiket, nda dzumna həga da gwal ta dra skwi ŋa Lazglafta, nda la Levi, nda gwal ta fa laha, nda gwal ta ngha wa tgha, nda la kwalvaha, nda pɗakwa sanlaha ta maga slna ma həga Lazglafta wa.

Nəhemiya 5:8

Ka yu nda həŋ mantsa: « Nda skwi ya laviŋ mu ta magata varagaghata mu ta zwana ma mu la Yahuda dzawanap lu ta mndəra sana mnduha. Ama kaghuni ka ghəŋa ghuni ta dzawuglaptá zwana ma ghuni, ŋa va tsa amu ya ta dzawapta kuni ta həŋ guli, » ka yu. Ka trapta həŋ ta skwi ŋa gwaɗay, ka nzata həŋ tsətsriɗ.

La Levi 26:17

Dzaʼa lighunis la yu, ŋa zata ghumaha ghuni ta kaghuni. Dzaʼa nzaghunagha nza gwal ta husaŋta kuni ta həŋ. Dzaʼa kakafaku kuni ka hwaya dər haɗ mndu ta ghəzla kaghuni.

Yuhwana 8:33

Ka la Yahuda mantsa: « Zivira Abraham aŋni, ta walaŋ a aŋni ta nzata ka vuʼa mndu wa. Ta wu ŋa mnay gha kazlay: Dzaʼa plaku vgha ghuni kəʼa na? » ka həŋ nda tsi.

Vrafta ta zlahu 28:33

Mnduha ta kul snaŋta kuni ta həŋ dzaʼa lagha zuta skwi si ta vwaha ghuni nda skwiha ya ghuyap kuni ta ɗaŋwa ta magay. Dula kaghuni yeya dzaʼa dudu lu ka gaghunaptá iri.

Vrafta ta zlahu 28:39

Dzaʼa ŋaɓaf ŋaɓa kuni ta vwaha inabi ka payafta, ama haɗ kuni dzaʼa saŋtá ima yakwa ni, dər ka tskanata yakwa ni wu, kabga dzaʼa zuza mtarak.

Vrafta ta zlahu 28:48

dzaʼa magana maga kuni ta slna nda maya nda maya, nda ndala nda ndala, ka fərdiʼu, bɗadar ta ghumaha ghuni dzaʼa ghunagaghata Yawe dika kaghuni. Dzaʼa faghunam fa ta zuk ka kfur ma ŋurzluŋ ha ka zaɗaghunata ni.

Vrafta ta zlahu 28:51

Dzaʼa zuza həŋ ta zwana rina ghuni nda skwi ta vwaha ghuni ha ka zaɗatá kaghuni. Zlaghunaŋta a həŋ dər nimaya, dər ima inabi ta ka nunu, dər rɗi, dər zwana slaha, dər ŋa rina fisika ghuni ha ka zaɗaghunata taŋ wa.