Nəhemiya 9:32 - Hdi

³² « Lazglafta ŋni, kagha Lazglafta dagala, ta mbruta, makwitkwit ka, ta ŋana ŋa ka kahwathwata ta dzratá wa gha nda zɗakwa gha ŋa ŋni. Ndanana ná, ma nghə ka ka skwi kwitikw ta inda ghuya ɗaŋwa ya ta gruŋnusta nda mghamha ŋni, nda maliha ŋni, nda gwal ta draŋnatá skwi ŋa Lazglafta, nda anabiha ŋni, nda dzidzíha ŋni, nda inda mnduha gha, zlrafta ta fitika mghamha Asur ha ka sagha ta na fitik na.

Nəhemiya 9:32 Mawu Ofanana

1Mgh 8:23

« Ari Yawe, Lazglafta la Israʼila! Haɗ lazglafta ta gwagwaya vgha nda kagha wu, dər nda gaftək ta luwa, dər ndakalandala ta haɗik! Ta ŋana ŋa ka ta dzratá wa gha nda zɗakwa gha nda kwalvaha gha, gwal ta mbaɗa ta kəma gha nda hya hya ŋuɗufa taŋ!

2Mgh 15:19

Ka lagha Pul, mghama la Asur zlaganavatá haɗika la Israʼila. Ka vlaŋtá Mənahem ta kfura tsedi ta Pul ka kiluʼ dəmbuʼ hkən mbsak fwaɗ mida (34.000), ŋa kataŋta ma dihanatá gá mghama ni.

2Mgh 15:29

Ma fitika gay Peka ta mgham ta ghəŋa la Israʼila, ka sagha Tiglatʼpilʼeser, mghama Asur da klaghutá Ghiyuŋ, nda Avelbetʼmaghaka, nda Yanuwah, nda Kedes, nda Hatsur, nda kwakwara Gilghat, nda Galili, nda Naftali, ka hlaghatá tsi ka vuʼa ta mnduha taŋ da Asur.

2Mgh 17:23

ha ka ghəzliŋtá Yawe ta la Israʼila diʼiŋ ta kəma ni manda ya mna tsi nda ma wa inda kwalvaha ni la anabi. Ka hlaftá lu ta la Israʼila ta haɗika taŋ, ka hlaghata ka vuʼa da Asur ha gita.

2Mgh 17:3

Ka ŋladaftá Salmanʼeser, mghama la Asur dɗanaghata, ka zatá tsi ta ghwa ta ghəŋa Huseya, ka sku tsi ta htsiŋ da tsi, ka pla dzumna ŋa ni.

2Mgh 17:6

Ta matəmbaya vakwa Huseya ta pala, ka klaghutá mghama la Asur ta Samari nda vulu, ka hlaghatá la Israʼila ka vuʼa da Asur. Ka pghatá tsi ta həŋ ma Halah, nda ya ta wa zala Havur ma Guzaŋ, nda ya ma luwaha la Mediya.

2Mgh 23:29

Ma fitika tsatsi, ka laf Firʼawna Nəhu, mghama Masar nda ta zala Yufratis da kataŋtá mghama la Asur. Ka sliʼaftá mgham Yusiya da gmata nda tsi, ama na gi nghaŋta Firʼawna ma Məgidu, ka dzatá tsi ta Yusiya.

2Mgh 25:7

Ka ghwaghwanaftá həŋ ta zwana Tsidkiya ta wa ira ni, ka tsatsakwaslanaptá Nevuhadnetsar ta iriha Tsidkiya, ka habaftá tsi nda zləɓatá ziɗa ka ghuva tili, ka klaghata da Babila.

Izra 4:10

nda sanlaha ma mnduha hlagagha Asnapar mgham klu lu, ka pghatá həŋ ma luwaha la Samari nda pɗakwa sana vliha ta tsa haɗik ta ɓla ghwa nda təv dɗakwa fitik ya. »

Izra 4:2

Ka lagha həŋ slanaghatá i Zərubavel nda la mali mataba mndəra mnduha, ka həŋ nda həŋ mantsa: « Ta kumay ŋni ta kataghunata nda ba na həga na. Aŋni guli ná, va na Lazglafta ta tsəlɓu kaghuni ŋa ni na ta tsəlɓu aŋni ŋa ni. Ta vlay aŋni ta skwa pla ghəŋ ŋa ni daga ka yawu hlagaŋnaghata Assarhadduŋ mghama Asur da na vli na, » ka həŋ.

Izra 9:13

Ari Lazglafta ɗa, inda ghwaɗaka skwi ta slaŋnaghata ná, slaŋnagha sla kabga vəl magata ŋni ta skwi kul ɗinaku, dagala krughuva ŋni. Tsaw kulaf a kagha ta sanlaha ma dmakuha ŋni wa. Ka zlanatá ka ta na aŋni na, nda hafu.

Nəhemiya 1:5

ka yu mantsa: « Kdəkkdək, Yawe, Lazglafta ta luwa, Lazglafta dagala, ta malaghutá mbraku, ta ŋanatá dzratá wi, ta maga zɗaku ŋa gwal ta ɗvuta kagha, gwal ta ŋanata zlahuha gha!

Sabi 18:8

Ka rusanaftá Musa ta inda skwiha magana Yawe ta Firʼawna, nda la Masar dabga la Israʼila, nda inda hərfaku ta slanaghatá həŋ ta tvi, nda ya ká Yawe katagaptá həŋ.

Danyel 9:4

Ka mag yu ta duʼa da Yawe, Lazglafta ɗa, ka mnanaŋtá yu ta dmakuha ŋni, ka yu mantsa: « Ar Mgham Lazglafta, dagala ka, ka makwitkwit ka, ta ŋanata dzratá wi nda zɗaku, nda gwal ya ta ɗvutá kagha, nda gwal ta ŋanatá zlahuha gha:

Danyel 9:6

Kwalaghu kwala ŋni ta snatá gwaɗa kwalvaha gha la anabi si ta mna gwaɗa nda hga gha, ŋa mghamha ŋni, nda ya ŋa maliha ŋni, nda ya ŋa dzidzíha ŋni, nda ya ŋa hamata mnduha demdem.

Danyel 9:8

Ar Yawe! Ŋa ŋni na hula, nda mghamha ŋni tani, nda maliha ŋni tani, nda dzidzíha ŋni, kabga gaghata ŋni ta dmaku.

La Levi 26:18

Kulam nda tsa, ka ta sniha a kuni wu katsi, dzaʼa sganagha sga yu ta va nzisla kaghuni ndəfáŋ səla ta ghəŋa dmakwa ghuni.

La Levi 26:21

Ka ta kɗaŋ kɗa kuni ta dza kuma nda iʼi, ka kwalaghutá sna gwaɗa da iʼi, dzaʼa sganagha sga yu guli ta va nzisla kaghuni ndəfáŋ səla taɓta dmakwa ghuni.

La Levi 26:24

iʼi guli, dzaʼa dzay yu ta kuma nda kaghuni, ka ghuzlaghunap ta iri ndəfáŋ səla dabga dmakwa ghuni.

La Levi 26:28

iʼi guli dzaʼa dzay yu ta kuma nda kaghuni, dzaʼa ghuzlaghunap ghuzla yu ta iri ndəfáŋ səla dabga dmakwa ghuni.

Vrafta ta zlahu 7:12

« Ka sna sna kuni ta tsa skwiha ŋa magay ya, ka ŋanata, ka ksa slna nda tsi katsi, dzaʼa ŋana ŋa Yawe, Lazglafta ghuni ta dzratá wa ni, nda zɗakwa ni waɗana tsi ta dzidzíha ghuni ya.

Vrafta ta zlahu 7:13

Dzaʼa ɗvu ɗva ta kaghuni, dzaʼa tfaghunagha tfa ta wi, dzaʼa yaghunaf ya. Dzaʼa tfaghunagha tfa ta wi nda zwani, dzaʼa ŋwaku skwi ta vwahha ghuni ŋa mutsay ghuni ta nimaya, nda ima inabi ta ka nunu, nda rɗi. Dzaʼa sgaku nda sga slaha ghuni, nda rina fisika ghuni ta tsa haɗik dzaʼa vlaghunata tsi, manda ya waɗana tsi ta dzidzíha ghuni ya.

Vrafta ta zlahu 7:21

Yaha kuni da zləŋ ta kəma tsa mnduha ya, kabga kawadaga Yawe, Lazglafta ghuni nda kaghuni, tsatsi Lazglafta dagala, ka makwitkwit.

Vrafta ta zlahu 7:9

Grafwa gra kazlay Yawe, Lazglafta ghuni ná, tsatsi turtukwa ni Lazglafta kəʼa. Ta ŋana ŋa dar ta dzratá wa ni nda zɗakwa ni, ŋa inda gwal ta ɗvuta, ta ŋanatá zlahuha ni, ha ka lagha ta zivir dəmbuʼ.