Nəhemiya 9:29 - Hdi

²⁹ Ka dvə ka ta həŋ ŋa vragaghata da zlaha gha, ama hahəŋ ma gla ghəŋa taŋ, ka kwalaghutá həŋ ta snatá zlahuha gha. Ka gaghatá həŋ ta dmaku ka ɓlanaptá skwiha mnaf ka. Nziya nza tsi ná, ka sna sna mndu ta nza nza nda hafu. Ka mbəɗaghatá həŋ ta hul, ka təŋanaftá ghəŋa taŋ, ka kwalaghutá snata.

Nəhemiya 9:29 Mawu Ofanana

2Mgh 17:13

Si tɗanaŋ tɗa Yawe ta sləməŋ ta la Israʼila nda la Yuda nda ma wa inda anabiha ni, nda inda la slayaŋ. Kaʼa nda həŋ na: « Mbəɗanawa mbəɗa ta hul ta ghwaɗaka tva ghuni, ka ŋanata kuni ta zlahuha ɗa, nda tva skwiha ŋa magay mna yu, taɓta inda zlahu ya vlaŋ yu ta dzidzíha ghuni, ka tsghaghunaftá yu nda da kwalvaha ɗa la anabi ya, » kaʼa.

2Mgh 17:14

Ama ka kwalaghutá həŋ ta snata, ka təŋanaftá həŋ ta ghəŋ manda ŋa dzidzíha taŋ ta kwalaghuta faftá ghəŋ ta Yawe, Lazglafta taŋ ya.

2Rus 24:19

Ka ghunaftá Yawe ta anabiha ŋa vranaktá həŋ da tsi, ama ka kwalaghutá həŋ ta snay.

2Rus 33:10

Ka gwaɗganatá Yawe ta Mənase nda mnduha ni, ama ka kwalaghutá həŋ ta fanatá sləməŋ.

2Rus 36:15

Ka va ghwanadaghatá Yawe, Lazglafta dzidzíha taŋ, ta gwal ghunay ni ta ghəŋ ta ghəŋ, kabga si ta kumay ta kataŋtá mnduha ni, nda vla nzakwa ni.

Nəhemiya 13:15

Ma tsa fitik ya, ka nghaŋtá yu ta mnduha la Yahuda ta ɗitsa yakwa inabi ma tsuʼaŋ baɗ Sabat, ta habə sanlaha ta kuzuŋha nimaya, nda ima inabi nda yakwa ni tani, ka nda yakwa ghuraf, nda sanlaha ma skwiha, ka hlay ta kəɗih, ŋa hlay da Ursalima baɗ Sabat. Ka davə yu ta həŋ ma fitika dzaway taŋ ta skwiha taŋ.

Nəhemiya 9:10

Ka maganatá ka ta mandərmimiha nda mazəmzəmha ta Firʼawna nda inda kwalvaha ni, nda inda mndu ta haɗika ni, kabga nda sna kagha ta mndərga gla ghəŋ glə həŋ ta dzidzíha ŋni. Ndaɗaʼa tutá hga gha manda va ya ta nzakway gitana wu.

Nəhemiya 9:16

Ama ka glanaftá dzidzíha ŋni ta ghəŋ ka təŋanaftá. Ka kwalaghutá həŋ ta snatá zlahuha gha.

Nəhemiya 9:26

Ama ka kawalaghutá həŋ ta snata ka gavaghatá sidi, ka wuɗiŋtá həŋ ta zlaha gha nda ga mahulhul. Ka pslatá həŋ ta anabiha ta mna gwaɗa ta kala wa taŋ ŋa varanaktá həŋ da kagha. Ka rarazaghatá həŋ katakata.

Nəhemiya 9:30

Nda kɗa vakwa gha ta ksa ŋuɗuf nda həŋ. Ka vlaŋtá ka ta Sulkuma gha ta anabiha ŋa dvanaghatá həŋ, ama fagha həŋ ta sləməŋ wa. Mantsa tama, ka vlatá ka ta həŋ ma dzva mndəra sana mnduha.

Sabi 10:3

Ka lagha i Musa nda Haruna da Firʼawna, ka həŋ nda tsi mantsa: « Ka Yawe, Lazglafta la Hebru wa: “Ha yawu dzaʼa gɗavata ka ma kwal kul dzagatá ghəŋ ta kəma ɗa na? Zlana zla ta mnduha ɗa ka sliʼa həŋ, ka tsəlɓa həŋ ta tsəlɓu ŋa ɗa.

Danyel 5:20

Ama ka nutá tsi ka mndu ta gla ghəŋ. Ka təŋanaftá tsa gla ghəŋa ni ya ta ŋuɗufa ni, ka sliŋwigiŋtá lu ta dughurukwa ga mghama ni, ka kliŋtá sgita ni.

La Levi 18:5

Ka ŋanata kuni ta zlahuha ɗa, nda tva skwiha mnaghuna yu. Mndu ta ksatá slna nda tsi ná, nda tsi dzaʼa nzata tsi nda hafu. Iʼi ná, Yawe yu.

Mata 19:17

Ka Yesu nda tsi mantsa: « Kabgawu kəl ka ka ɗawihata ta ghəŋa ŋərma skwi na? Turtuktuk ŋərmata nzakway ka Lazglafta. Ka ta kumay ka ta nzakwa gha nda hafu ŋa kɗekedzeŋ kawadaga nda Lazglafta katsi ná, snata gha ta zlahuha ni, » kaʼa.

Lukwa 10:28

« Mantsa ya nzakwa ni, la magay mantsa dzaʼa mutsay ka ta hafu, » ka Yesu nda tsi.

La Ruma 10:5

Ka vərɗa Musa vindafta ta ghəŋa tva nzaku ka mndu tɗukwa nda ma zlahu na: « Inda mndu ta kɗanaktá inda skwi manda ya ta kum zlahu ná, dzaʼa mbaku nda mida » kaʼa.

Galat 3:12

Haɗ skwi ta guyanaftá zlahu nda zlghay nda ŋuɗuf wa. Ka zlahu katək na: « Inda mndu ta ksatá inda tsa zlahuha ya ná, nda tsi dzaʼa nzata tsi nda hafu » kaʼa.

Vrafta ta zlahu 31:21

Ka dɗanagha dɗa ɓadzaku nda ghuya ɗaŋwaha kavghakavgha ta həŋ, dzaʼa nzakway na laha na ka masləmtsək ta ghəŋa taŋ, kabga haɗ zivirha taŋ dzaʼa zanapta ka zlaŋtá fay wa. Daga ndanana, nda sna yu ta tsatá ŋuɗufa taŋ, ma kɗaku yu hladamtá həŋ da haɗik waɗa yu ta vlaŋtá həŋ, » kaʼa.

Vrafta ta zlahu 31:27

Iʼi ná, nda sna yu ta gatá sida ghuni nda təŋatá ghəŋa ghuni. Ka si ma na nzakwa ɗa ta nda hafu kawadaga nda kaghuni na, ta ga sidi kuni nda Yawe ya ní, kighkigh dzaʼa maga kuni tahula mtatá iʼi na!

Vrafta ta zlahu 4:26

Ta fa fa yu ta luwa nda haɗik ka masləmtsək mataba ɗa nda kaghuni gita. Ka kwalaghu kwala kuni ta snata, dzaʼa zaɗaku kuni misimmisim ta tsa haɗik dzaʼa tsughwaɗadapta kuni ta Yardeŋ ŋa klaghuta ya. Nzəɗavata a kuni wu, kabga dzaʼa zaɗaghuna zaɗa lu nekwnekw.

Gwal tsa guma 6:10

Ka yu nda kaghuni na: Iʼi Yawe, Lazglafta ghuni. Yaha kuni da tsəlɓu ŋa lazglaftaha la Amuru nza kuni ma haɗika taŋ ya, ka yu. Ama sniha a kuni wu,” » kaʼa.