Nəhemiya 9:15 - Hdi

¹⁵ Ka vləganatá ka ta həŋ daga ta luwa ta skwa zay ŋa ghəzla maya taŋ. Ka mbəzəganaptá ka ta imi ma kutumba ta həŋ ŋa ghəzla ndala taŋ. Ka ghunaftá ka ta həŋ da zatá haɗik ya tanaf ka ta imi ta sləməŋ nda waɗu ta həŋ, ŋa vlaŋtá həŋ.

Nəhemiya 9:15 Mawu Ofanana

Zlrafta 14:22

Ka Abram zlghanaftá wi ta mghama Sədum mantsa: « Ta kapaf kapa yu ta dzva ɗa təv Yawe, Lazglafta Dagala ta zlaganaptá luwa nda haɗik.

Nəhemiya 9:20

Ma zɗakwa gha, ka vlaŋtá ka ta Sulkuma gha ta həŋ ŋa vlaŋtá mahizl ta həŋ. Klaghu a ka ta manna gha ta wa taŋ wu, vlaŋ vla ka ta imi ta həŋ ŋa ghəzla ndala taŋ.

Sabi 16:4

Ka Yawe nda Musa mantsa: « Dzaʼa nzəgaghuna nza yu ta luwa ta skwa zay. Inda fitik, ŋa sliʼagapta mnduha ma ghuɓu, ŋa dzaʼa da hla skwa zay prək zay taŋ inda vaghu. Mantsa ya dzaʼa dzəghaŋta yu ta həŋ, ka ngha yu ka dzaʼa snə re sna a wa a həŋ ta zlahuha ɗa.

Sabi 17:3

Hada, ka kuzlanaftá ndala ta mnduha, ka ruruŋwu həŋ ta ruruŋwaku nda Musa, ka həŋ mantsa: « Kabgawu kəl ka ka hlagaŋnafta ma Masar ŋa rwaŋnata nda ndala, aŋni nda zwana ŋni, nda rina ŋni tani na? » ka həŋ.

Sabi 17:6

Wya yu dzaʼa sladata ta kəma gha ta pala ma Hwarev, ŋa dzaŋta gha ta tsa pala ya, ya dzaʼa sab sa imi mida ŋa say mnduha, » kaʼa. Ka magata Musa manda va tsaya ta kəma tsa la galata mnduha la Israʼila ya.

Sabi 6:8

Tahula tsa, ŋa hladaghunamta ɗa da haɗik ya waɗata ŋa vlaŋtá Abraham, nda Izak, nda Yakubu. Dzaʼa vlaghuna vla yu ŋa ghuni. Iʼi ná, Yawe yu,” » kaʼa.

Mbsak 14:30

Ta waɗa waɗa yu, haɗ kuni dzaʼa lami da tsa haɗik si taghunaf yu ta imi ta sləməŋ nda waɗu ŋa pghatá kaghuni ya wu! Ba i Kalep zwaŋa Yəfune, nda Yəhusuwa zwaŋa Nuŋ kasiʼi.

Vrafta ta zlahu 1:21

Nghawa ɓa, Yawe, Lazglafta ghuni ta vlaghunatá ma dzva ghuni ta na haɗik na. Ŋladafwa ŋla ka kla kuni ŋa ŋa ghuni manda ya mnaghuna Yawe, Lazglafta dzidzíha ghuni. Ma zləŋ kuni ta zləŋ, ma ghudzu kuni ta ghudzaku,” ka yu.

Vrafta ta zlahu 1:8

Nghawa ɓa, vlaghuna vla yu ta na haɗik na. Lawa ka kla kuni ŋa ŋa ghuni ta haɗik ya waɗa Yawe ta vlaŋtá dzidzíha ghuni i Abraham, nda Izak, nda Yakubu, nda ya nda zivirha taŋ tahula taŋ tani,” » kaʼa.

Vrafta ta zlahu 8:3

Ka hanaganatá tsi ta ghəŋa ghuni, ka faghunamta da maya. Ka zughunustá tsi ta manna, skwi si kul snaŋta kaghuni nda dzidzíha ghuni tani. Mantsa ya magata tsi ŋa snaŋta ghuni kazlay, nda skwa zay kweŋkweŋ yeya a ta nzata mndu nda hafu wu kəʼa, ama nda inda gwaɗa ta sabi ma wa Yawe.