Nəhemiya 3:15 - Hdi

¹⁵ Ka payaftá Salluŋ zwaŋa Kulhuze, mali ta ghəŋa kwakwara Mitspa ta wa tgha Dzuɓay. Bəglafta ni, ka mbsaftá tsi, ka pghuŋtá parawalha ni nda sandlaŋha kfur ni ŋa ŋanata nda ya ŋa ŋərzlay. Ka bəglaftá tsi guli ta matsaka ghwa Selah, ma takataka kawgala mgham nda kalam ta saha ma Luwa Dawuda.

Nəhemiya 3:15 Mawu Ofanana

2Sam 5:9

Ka nzamtá Dawuda ma tsa vli ŋam lu ma matsaka huzlu ya, ka tsanaftá tsi ta hgu ka luwa Dawuda. Ka bəglaftá tsi ta tsa luwa ya ka wanafta, zlrafta ta ghərzla ta hgə lu ka Milu dikw nda ma huɗi.

2Mgh 25:4

Ka zlraptá lu ta ghurum ma matsaka luwa. Ka hwayaghutá inda gwal vulu girviɗik nda ta wa tgha ma takataka matsakha his ta vata gavaka mgham dər má wanaf wa la Babila ta luwa. Ka ksaghatá mgham Tsidkiya nda sludziha ni ta tvi nda ma daɓa Gharava.

2Rus 32:30

Tsa Hizkiya ya ta nuʼuwaftá dzuɓay ta saha ma Gihuŋ, ka mbaɗadanata nda təv dɗakwa fitik ma luwa Dawuda. Ta katsay Hizkiya ta inda skwi ya ta mag tsi.

Nəhemiya 12:37

Ɓhadaghata taŋ ta wa tgha Dzuɓay mbəŋ nda həŋ, ka ŋladaftá həŋ nda ta kalam ta tva dzaʼa da luwa Dawuda, nda ta tva ŋlu ta matsak, ta ghəŋa həga ga Dawuda, dikw ta wa tgha Imi nda təv safa fitik.

Nəhemiya 2:14

Ka kɗaŋtá yu ta dzaʼa təv wa tgha Dzuɓay nda ya təv ghwa mgham, ama ka htatá vli ŋa laba tsa kəɗih nzaf yu tida ya.

Nəhemiya 2:17

Ka yu nda həŋ tama mantsa: « Nda nghay kuni ta nzakwa tuleka ta amu, ka kufik Ursalima, nda dara wa tgha ni. Sawa ka bəglafta mu ta matsaka Ursalima, kada kwala mu nzakway ma hula, » ka yu.

Nəhemiya 3:12

Ta vata tsatsi guli ka payə Salum zwaŋa Halluhes, mali ta ghəŋa rita kwakwara Ursalima ta ŋa ni kawadaga nda kwagha ni.

Nəhemiya 3:14

Ka payaftá Malkiya zwaŋa Rehav, mali ta ghəŋa kwakwara Bethakkerem ta wa tgha Maghdzək. Bəglafta ni, ka fuŋtá tsi ta parawalha ni nda sandlaŋha kfur ni ŋa ŋanata nda ya ŋa ŋərzlay.

Nəhemiya 3:19

Ta vata tsatsi guli ka payə Ghezer zwaŋa Yəhusuwa mali ta ghəŋa Mitspa ta matsak ma sana vli, ta nzakway mbəŋ ya mbəŋ ya nda zlrafta ta tva lafi da həga huzla vulu dikw da zluŋura matsak.

Nəhemiya 3:7

Ndusa nda həŋ guli ná, ka payə i Melatiya la Givghuŋ, nda Yaduŋ la Merunut, nda sanlaha ma la Givghuŋ, nda Mitspa, gwal ta ksanata slna ta guvna nda ta ɓla ghwa təv dɗakwa fitik, ta ŋa taŋ.

Nəhemiya 3:9

Ndusa nda tsaha ya guli ka payə Rfaya zwaŋa Hur, mali ta ghəŋa rita kwakwara Ursalima, ta ŋa ni.

Lukwa 13:4

Ari tsa mnduha ghwaŋpəɗ tghas ta rwuta ma fitika zləmbanaghata sana həga dagala ma Silwe ta həŋ ya ná, mal ŋa taŋ glakwa dmaku ka pɗakwa sanlaha ma mnduha ma Ursalima a ka kaghuni ta gray na?

Yuhwana 9:7

Manda kɗiŋta ni ta masanaftá, kaʼa nda tsi mantsa: « La mbaziŋta kuma gha ma ima Silwe, » kaʼa. Tsa « Silwe » ya ná, manda mnay kazlay: Ghunay kəʼa ya. Ka sliʼaftá tsi ka laghu mbaziŋtá kuma ni. Mbaziŋta ni, tsiɗiɗ ira ni, ka sliʼaftá tsi ka laghu dzagha ni.

Gwal tsa guma 20:1

Ka sliʼagaptá inda la Israʼila, daga ma Daŋ ga mazlay dikw da Bəʼerseva ga maghura, nda ya ta haɗika la Gilghat. Ka tskavata guyatá ghəŋ ma Mitspa manda mndu turtuk ta kəma Yawe.

Gwal tsa guma 20:3

Ka snaŋtá la Biŋyamiŋ kazlay na wa a laf la la Israʼila da Mitspa kəʼa. Ka la Israʼila mantsa: « Mnawa mna! Kinawu ka na ghwaɗaka skwi na magaku? » ka həŋ.