Nəhemiya 12:27 - Hdi

²⁷ Ma fitika skala rfa batá matsaka Ursalima ná, ka ghwanaftá lu ta mnduha hagagaghatá da Ursalima ta inda la Levi ma inda vli nza həŋ, ŋa skala rfu, nda laha zləzləvuha, nda ndeŋndeŋha, nda htimbilha, nda kəzliŋkəzliŋ.

Nəhemiya 12:27 Mawu Ofanana

2Sam 6:12

Ka lagha lu mnanatá mgham Dawuda kazlay: « Waʼa tfanagha tfa Yawe ta wi ta Ghuvetʼidum nda inda skwa ni tani, dabga akwata Lazglafta kəʼa, » ka lu. Ka sliʼaftá Dawuda ka laha klagafta ma rfu da luwa Dawuda ta akwata Lazglafta ga Ghuvetʼidum.

1Mgh 8:63

Ka vlatá Salumuŋ ta slaha dəmbuʼ hisambsak his mida (22.000), nda rina fisik dəmbuʼ dərmək nda hisambsak (120.000) ka skwa pla ghəŋa zɗaku vla tsi ŋa Yawe. Mantsa ya ka mgham nda inda la Israʼila gunanaftá həga Yawe.

1Rus 13:8

Ka dzaʼa i Dawuda nda inda la Israʼila nda skalu nda mbraku nda mbraku ta kəma Lazglafta, ka pghay nda laha, nda dza htimbil, nda vya talakwa, nda dza kəzliŋkəzliŋ, nda dza dewdew, nda dza ndeŋndeŋ.

1Rus 15:12

Kaʼa nda həŋ mantsa: « Kaghuni mala ga həgaha mataba la Levi. Tsaɗiŋwa tsaɗa ta nzakwa ghuni, kaghuni nda zwana ma ghuni, ka kladafta kuni ta akwata Yawe, Lazglafta la Israʼila, da vli payaf yu.

1Rus 15:16

Ka Dawuda nda maliha la Levi mantsa: « Pgham pgha ma vla taŋ ta zwana da ghuni, ka gwal fa laha, ka gwal dza huzla skalu: Htimbil, kəzliŋkəzliŋ, ndeŋndeŋ ŋa ghudzaganata nda mbraku ka ŋizla rfu, » kaʼa.

1Rus 15:28

Inda la Israʼila, ka kladaftá həŋ ta tsa akwata dzratá wa Yawe, ka dzaʼa nda hayayi, nda vya duli, nda vya talakwa, ghudza ndeŋndeŋ, nda dza htimbil, nda dza kəzliŋkəzliŋ.

1Rus 15:4

Ka tskanatá Dawuda ta zivira la Haruna nda la Levi.

1Rus 16:42

Kawadaga i Hemaŋ nda Yədutuŋ nda həŋ guli, nghapta ka talakwaha, nda ndeŋndeŋha, nda huzlaha ŋa pgha laha Lazglafta hahəŋ. Ka pghatá lu ta i zwana Yədutuŋ ŋa ngha wa tgha.

1Rus 16:5

Tsa mnduha ya na: I Asaf mali, mahis Zakari, nda Ghaziʼel, nda Səmiramut, nda Yəhiʼel, nda Matitiya, nda Iliʼav, nda Benaya, nda Ghuvetʼidum, nda Yəghiʼel. Hahəŋ gwal dza htimbil, nda kəzliŋkəzliŋ. Asaf mnda ghudza ndeŋndeŋ.

1Rus 23:5

Dəmbuʼ fwaɗ (4.000), ka gwal ngha wi tgha ka həŋ. Dəmbuʼ fwaɗ (4.000) ka gwal ŋa zləzləva Yawe nda huzlaha magaf yu ŋa zləzləvu ka həŋ » kaʼa.

1Rus 26:31

Ma zivira la Hevruŋ ná, Yəriya mali ta ghəŋa la Hevruŋ. Ta mafwaɗ mbsaka vakwa Dawuda ta gá mgham, ka lam lu da psa saba mndəra taŋ. Ka slanaghatá lu ma luwa Yaghzer ma kwakwara Gilghat ta mnduha mataba taŋ ta pərɗaftá slna taŋ.

2Rus 29:25

Ka pghatá tsi ta la Levi ma həga Yawe nda ndeŋndeŋ nda ndeŋndeŋ, nda htimbil nda htimbil, nda kəzliŋkəzliŋ nda kəzliŋkəzliŋ taɓta zlaha Dawuda, nda Gat slayaŋa mgham, nda anabi Nataŋ. Tsa zlahu ná, Yawe ya ta mnata nda ma wa anabiha ni.

2Rus 29:30

Tahula tsa, ka i mgham Hizkiya nda maliha mnanatá la Levi mantsa: « Zləzləvawa zləzləva ta Yawe nda lahaha Dawuda, nda ŋa Asaf, slayaŋ ya, » ka həŋ. Ka zləzləvu həŋ nda rfu nda rfu, ka dzadzatá həŋ ta ghəŋ, ka tsətsəlɓata.

2Rus 5:13

Hɗəmtsək guyata wa tsa gwal fa laha ta gwaftá vgha, ka skalu, ka zləzləva Yawe nda vya talakwa, nda dza ndeŋndeŋ, nda htimbil nda sanlaha ma huzlaha ya. « Ŋərma ya, ta gɗava gɗa zɗakwa ni ŋa ɗekɗek! » ka həŋ. Ma tsa fitik ya, ta ndəghanaf ndəgha kusay ta həga Yawe.

2Rus 7:6

Ka sladatá gwal dra skwi ŋa Lazglafta ma vla maga slna taŋ, mantsa ya la Levi nda huzla skalu ŋa Yawe, ya si mamagaf mgham Dawuda ŋa zləzləva Yawe, ka həŋ mantsa: « Ta gɗava gɗa zɗakwa ni ŋa ɗekɗek, » ka həŋ. Taɓ ta laha ya vlaŋ Dawuda ta həŋ, ka viy gwal dra skwi ŋa Lazglafta ta talakwa ta kəma taŋ, ta sladu la Israʼila demdem hada.

Izra 6:16

Ka fata la Israʼila, ta nzakway ka gwal dra skwi ŋa Lazglafta, nda la Levi, nda ya nda inda mndu si hlagha lu ta həŋ ta vradaghata ya, ta fitika skalu nda rfa batá tsa həga Lazglafta ya.

Nəhemiya 11:20

Sanlaha ma la Israʼila, nda gwal ta dra skwi ŋa Lazglafta, nda la Levi ya ná, ta nzaku ma sana luwaha ta haɗika Yahuda hahəŋ, inda taŋ ma luwa taŋ.

Nəhemiya 12:43

Ka magatá həŋ gagaʼ baɗ tsaya ta skwa pla ghəŋ, ka rfu həŋ ta rfu, kabga vlaŋ vla Lazglafta ta rfu dagala ta həŋ katakata. Ka rfu miʼaha nda zwani guli ta rfu, ka snavata rfa la Ursalima diʼiŋ.

Nəhemiya 8:17

Ka babaftá inda tsa tskata mnduha ta varagaghata si hlagha lu ta həŋ ya ta dumbiha, ka nzanzamta mida, kabga magaŋ a la Israʼila ta tsa skalu ya daga ta Yəhusuwa zwaŋa Nuŋ ha ka sagha baɗ tsaya wa. Ka rfu həŋ ta rfu katakata.

Vrafta ta zlahu 16:11

Ka rfa kuni ta rfu ta kəma Yawe, Lazglafta ghuni ma vli ya dzaʼa zbapta Yawe, Lazglafta ghuni ŋa nzakwa hga ni hada, kawadaga nda zwana ghuni, nda kwagha ghuni, nda kwalvaha ghuni, nda kurɗuha ghuni, nda la Levi ta nzakw ma luwaha ghuni, nda matbayha ta nzakw ma səla ghuni, nda tawakriha, nda wadguha mataba ghuni.

Vrafta ta zlahu 20:5

Ka maliha ta ghəŋa mnduha dzaʼazlay mantsa: “Mamu mndu ta bafta həga ka lfiɗ ta kul gunanaftá tsi ra? Ka vra tsatsi dzagha, dá mtuta tsi ma vulu, dá lam sana mndu da gunanafta.

Filip 4:4

Rfawa ta rfu ma nzatá nzakwa ghuni mamgham *Yesu. Rfawa ta rfu ka yu ta vrəgliŋtá mnaghunata.

Suna Yuhwana 5:8

Manda zlghafta tsa Zwaŋa Tuwak ya ta tsa defteri ya, ka zləmbata tsa skwiha fwaɗ nda hafu mida, nda tsa galata mnduha hisambsak fwaɗ mida ya ta kəma ni. Inda taŋ, nda ŋaŋatá htimbil, nda ndaghatá leghwaha dasu nda urdi ta nzakway ka duʼa gwal nda ghuɓa, ma dzva taŋ.