Mbsak 35:19 - Hdi

¹⁹ Mnda plamta dzaʼa dzatá tsa mndu ta dzatá mndu ya, baɗ slafta ni tida. Tsatsi dzaʼa dzata.

Mbsak 35:19 Mawu Ofanana

Zlrafta 4:14

wana ghəzlaf ghəzla ka ta iʼi ta na haɗik na gita, dzaʼa nda ɗifa yu diʼiŋ nda kagha, nzata a yu tasla wu, dzaʼa kakraŋaku yu ta ghəŋa haɗik, dər wa da pəghafta ira ni ta iʼi, dzaʼa dza dza ta iʼi, waká yu dzaʼa magay tama? » kaʼa.

2Sam 14:11

Ka tsa marakw ya mantsa: « Ta mblam ka hafa gha mghama ɗa. Kdəkkdək, má ka havak hava mgham ka Yawe, Lazglafta ni, kada kwala mnda plamtá us sgəglanaghatá zaɗaku, dá kɗiŋtá lu ta tsa zwaŋa ɗa ya, » kaʼa. Ka Dawuda mantsa: « Ta waɗa waɗa yu nda hga Yawe nda hafu mida! Haɗ ya dər turtuk ma swida ghəŋa zwaŋa gha dzaʼa dɗagata ta haɗik wu, » kaʼa.

2Sam 14:7

Ka sliʼavaftá inda gwal ta uʼa ŋni ta ghəŋa kurɗa gha, ka həŋ mantsa: “Vlaŋna vla ta tsa ta dzatá zwaŋama ni ya! Ta kumay ŋni ta dzata ŋa pla hafa tsa zwaŋama ni dza tsi ya. Ta kumay ŋni ta zaɗanata, dər má si tsatsi má dzaʼa za həga!” ka həŋ. Manda tsaya, dzaʼa kɗiŋ kɗa həŋ ta kɗakwa kɗakwa skwi faf yu ta ghəŋ tida, ŋa zwaɗuta zivira zəʼala ini ta ghəŋa haɗik, » kaʼa.

2Sam 3:27

Vrakta Avner da Hevruŋ, ka tɗaghatá Yuʼav ta slərpa vli ma ləwa parawala tgha luwa, manda skwi ŋa dzərku. Hada, ka sliglatá tsi ta Avner ma huɗi ŋa plamtá dzata ni ta zwaŋama ni Ghasaʼel.

2Sam 3:30

Manda tsaya dzata i Yuʼav nda zwaŋama ni Avisay ta Avner, kabga dzata ni ta zwaŋama taŋ Ghasaʼel ma vulu ma Givghuŋ.

Mbsak 35:12

Dzaʼa nzakway tsa luwaha ya ŋa hwaya mataraya ghuni, ŋa vlaghunatá tva hwayapta da mndu dzaʼa zba plamta. Haɗ lu dzaʼa dzatá tsa mndu ta dzatá mndu ya, makəɗ lu kladaghata ta kəma guyatá ghəŋ ŋa tsanaghatá guma wa.

Mbsak 35:18

Ka dzuŋ dza mndu ta mndu nda udzu ta laviŋtá dzata mndu, ka mtutá tsa mndu ya, nda nza tsa mndu ya ka mndu ta dzatá mndu. Dzaʼa dza dza lu ta tsa mndu ta dzatá mndu ya.

Mbsak 35:20

Ka lagha mndu ka sliŋwiŋtá mndu, kabga husaŋta ni, ka skwi a klaf tsi ka wuɗata ka sidi, ka dzata,

Mbsak 35:21

ka dzuŋ nda dzvu a tsi ta mndu ka sidi, ka mtutá tsi, dzaʼa dza dza lu ta tsa mndu ta dzuŋtá mndu ya. Nda nza tsa mndu ya ka mndu ta dzatá mndu. Mnda plamta dzaʼa dzatá tsa mndu ta dzata mndu ya, baɗ gəmuvusta taŋ.

Mbsak 35:24

guyatá ghəŋ dzaʼa tsa guma ni, manda ya ksaf zlahuha tsa skwi ta maguta ya, mataba tsa mndu ta dzatá mndu ya, nda tsa mnda plamta ya.

Mbsak 35:27

ka slanaghatá tsa mnda plamta ya, ta hula kuraghuta luwa hwaya mataray, ka dzatá tsi, pghiŋ a tsa mnda plamta ya ta us wa,

Vrafta ta zlahu 19:12

ghunafta la galata mndu ma tsa luwa ni ya ta mndu ŋa ksakta, ka vlata taŋ ma dzva mnda plamta ŋa dzata ni.

Vrafta ta zlahu 19:6

dá hwayiŋtá mnda plamta ma gufata ŋuɗufa ni, ŋa ksafta ka dzata, ka diʼiŋ vli. Aŋ mndani, nza a guma tsa mndu ta dzatá mndu ya prək ka dzata wu, kabga si husaŋ a tsa mndu ta mtuta ya wa.

Yəhusuwa 20:3

Ka dza dza mndu mataba ghuni ta mndu, ka si walaŋ nda wala a tsi ta dzata wu, nda kumay ni a tsi wu katsi, dzaʼa laviŋ lava tsa mndu ya ta dzaʼa ɗifaghuta ma sani ma tsa luwaha ya. Mantsa ya tama, ŋa ndapta ni ma dzva mndu nda mnda ni fanagha lu ta plamta.

Yəhusuwa 20:5

Kawayaka skwi: Dzaʼa hwayiŋ hwaya tsa mndu fanam lu ta plamta ya ha da tsa luwa ya. Yaha mnduha ma tsa luwa ya da zlanaŋtá tsa mndu ya, kabga husaŋ a tsa mndu ta mtuta ya ta tsa mndu ya wa. Walaŋ palama a ta dzata wa.

Gwal tsa guma 8:19

Kaʼa nda həŋ mantsa: « Si zwana ma ɗa həŋ, zwani ya ya ma ɗa. Ta waɗaghuna waɗa yu nda hga Yawe nda hafu mida, ka má si ta zlanatá kuni ta həŋ nda hafu katsi, má haɗ yu dzaʼa pslatá kaghuni wu, » kaʼa.