Mbsak 28:2 - Hdi

² « Wya skwiha dzaʼa ka mnanaftá la Israʼila: Yaha kuni nda madərŋəzl ka klaɗikta ma fitika ni ta mbəhuha ɗa nda ɗafa ɗa ka skwa pla ghəŋ ŋa dray ta vu, zɗagiha həlata ni.

Mbsak 28:2 Mawu Ofanana

Zlrafta 8:21

Həlhəla nzakwa ni ta wa htsiŋa Yawe, ka zɗəganatá tsi. Ka Yawe ma ŋuɗufa ni mantsa: « Haɗ yu dzaʼa ksiʼiglaftá haɗik dabga mndu wa. Aŋ mndani, nda ɓadza ndana mndu daga ma ga zwaŋa ni, ama zaɗglanata a yu ta inda skwi nda hafu mida manda na maga yu na wa.

1Rus 23:31

mantsa ya ta fitika vlay lu ŋa Yawe ta inda skwa pla ghəŋ ŋa dray tsuh tsuh baɗ sabatha, nda ŋa ngha tili, nda ŋa skala rfuha. Inda fitik həŋ ta maga tsa slna ya ta kəma Yawe, taɓta mbsaka taŋ nda tva skwiha ŋa magay.

2Rus 23:18

Ka fanamtá Yəhuyada ta nghapta ka həga Yawe ta gwal dra skwi ŋa Lazglafta ka la Levi, gwal si daganap Dawuda ka baku ka baku ma həga Yawe, ŋa vlata taŋ ta skwa pla ghəŋ ŋa dray tsuh tsuh ŋa Yawe, manda ya mnaf zlaha Musa. Ka maga həŋ ma rfu nda fa fa laha manda ya tsigiŋ Dawuda.

2Rus 31:3

Ka vlatá mgham ta faway turtuk mataba skwiha ni ŋa pla ghəŋ ŋa dray tsuh tsuh: Pla ghəŋ ŋa dray tsuh tsuh ga sərɗək nda ya ga hawu, nda pla ghəŋ ŋa dray tsuh tsuh ŋa sabatha, nda ya ma inda ngha tili, nda skaluha, manda ya nda vinda ma zlaha Yawe.

Izra 3:2

Ka sliʼaftá Yəhusuwa zwaŋa Yutsadak nda zwana ma ni gwal dra skwi ŋa Lazglafta, mantsa ya Zərubavel zwaŋa Səʼaltiyel nda la taŋ guli, ka zlrafta həŋ ta baftá gwira Lazglafta Israʼila, ŋa dra skwi tsuh tsuh, manda ya mna zlaha Musa, mnda Lazglafta.

Izra 3:3

Ka baftá həŋ ta tsa gwir ya ta tughwa ni ŋa ghalya, aŋ mndani, ta zləŋ həŋ da mnduha ta tsa haɗik ya. Ka vlə həŋ ta skwi ŋa dray tsuh tsuh tida ŋa Yawe nda ŋa sərɗək tani nda ŋa hawu tani.

Nəhemiya 10:34

Tsa tsedi ya ná, nda nza ŋa gɗata ta skwa buradi ŋa fanatá Lazglafta, nda mbəhu nda nimaya ta hlakta lu ŋa mbəhu inda fitik, nda skwa pla ghəŋ tsuh tsuh. Nda nza guli ŋa skwa skwi ŋa pla ghəŋ baɗ Sabat, nda ya ma ngha tili, nda ya ma fitika sanlaha ma skaluha ghuni. Nda nza guli ŋa skwa sanlaha ma mbəhuha ta fanata lu ta Lazglafta, nda skwa pla ghəŋ ya ta hladaghata la Israʼila ŋa mutsa pla dmakuha. Nda nza guli ŋa maga inda slna həga Lazglafta mu.

Sabi 23:15

Ka skala kuni ta skala buradi kul haɗ is mida. Fitik ndəfáŋ dzaʼa zata kuni ta za buradi kul haɗ is mida, ma fitik ya mnaf lu ma tila Aviv, kabga ma tsa tili ya sliʼagapta kuni ma haɗika Masar. Yaha kuni sagha ta kəma ɗa nda dzvu bətbət.

Sabi 29:18

Ka drafta ka ta tsa maŋazak ya demdem ta gwir. Tsaya skwa pla ghəŋ ŋa dray tsuh tsuh ŋa Yawe. Tsa skwa pla ghəŋ draf lu ta vu ya ná, zɗəgana həlata ni ta Yawe.

La Levi 1:13

Ka ghwaɓiŋta tsa mndu ya ta nihuɗa ni, nda dagulamaha ni. Tahula tsa, ka drafta mnda dra skwi ŋa Lazglafta demdem ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe.

La Levi 1:17

Ka ŋaŋanata tsi ta guŋugh ka kuhwanapta ma takataka, ama haɗ dzaʼa dganatá tsa sləɓahuha ni ya wu, ŋa drafta mnda dra skwi ŋa Lazglafta ta hasuʼu ta ghəŋa vu ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe. »

La Levi 1:9

Ka ghuɓiŋta tsa mndu ya ta nihuɗa ni, nda dagulamaha ni. Tahula tsa, ka drafta mnda dra skwi ŋa Lazglafta demdem ta gwir. Tsaya skwa pla ghəŋ ŋa dray tsuh tsuh draf lu ta vu, zɗəgana həlata ni ta Yawe.

La Levi 21:6

Dzaʼa nza nza həŋ nda ghuɓa ka ŋa Lazglafta taŋ, haɗ həŋ dzaʼa kfariŋtá hga Lazglafta taŋ wu, kabga hahəŋ gwal ta vla skwa pla ghəŋ ŋa dray ta vu ŋa Yawe, skwa zaya Lazglafta taŋ. Ka nzata həŋ nda ghuɓa.

La Levi 21:8

Ka ngha kuni ka gwal nda ghuɓa ta həŋ, kabga hahəŋ ta vla skwa zay ŋa Lazglafta ghuni. Dzaʼa nzakway həŋ nda ghuɓa ka ŋa ghuni, kabga iʼi Yawe ta naghunafta nda ghuɓa ná, nda ghuɓa yu.

La Levi 3:11

Ka drafta mnda dra skwi ŋa Lazglafta ta inda ni ta gwir. Tsaya skwa zay draf lu ta vu ŋa Yawe.

Mbsak 15:24

ka tsa krughuvi ya ka fərtaku a tsi wu, sna a guyatá ghəŋa mnduha wu, klafta guyatá ghəŋa mnduha demdem ta lghəŋ dɓakwa ŋa pla ghəŋ ŋa dray tsuh tsuh zɗəgana həlata ni ta Yawe, nda mbəha ni ka nimaya, nda mbəha skwi ŋa slranata manda ya mnaf lu, nda dugzum turtuk ŋa pla ghəŋ ŋa ɗawa pla dmaku.

Mbsak 15:3

ka vlaŋta kuni ta Yawe ta skwi ŋa pla ghəŋ draf lu ta vu zɗəgana həlata ni ta Yawe ka sla ka rina fisik a tsi ŋa dray tsuh tsuh, ka ya ŋa hɗamtá skwi ya waɗa lu a tsi, ka mbəha rfa ŋuɗuf a tsi, ka ya ŋa skala rfu a tsi.

Mbsak 15:7

nda ima inabi dzaʼa vlaŋta ka guli ka litər nda rita ŋa slranata. Tsaya skwa pla ghəŋ zɗəgana həlata ni ta Yawe.

Mbsak 28:1

Ka Yawe nda Musa mantsa:

Mbsak 29:39

Tsaha ya skwiha dzaʼa vlaŋta kuni ta Yawe ma fitika skaluha. Mbəɗaf a lu ta pla ghəŋha ŋa hɗamtá skwi ya waɗa kuni, nda mbəhuha rfa ŋuɗufa ghuni, nda pla ghəŋha ghuni ŋa dray tsuh tsuh, nda mbəhuha nimaya ghuni, nda skwiha ghuni ŋa slranata, nda skwiha ghuni ŋa pla ghəŋa zɗaku ya wu, » kaʼa.

Mbsak 9:13

Ama ka mamu mndu kul haɗ skwa tsaɗa tida, laghu a diʼiŋ wu, ka kwalaghutá tsi ta skala Pak, dzaʼa klap kla lu mataba guyatá ghəŋa mnduha ni, kabga kladagha a ta mbəha ni ŋa Yawe baɗ fitik tsaf lu wa. Dguv ta ghəŋa ni dmakwa ni.

Mbsak 9:7

Ka həŋ nda həŋ mantsa: « Gwal ta tsaɗ lu a aŋni wu, kabga ksaŋ ksa ŋni ta mbli. Kabgawu kəl lu ka pyaftá aŋni ka hlaktá ŋa ŋni ma mbəhu ŋa Yawe baɗ fitik tsaf lu, kawadaga nda sanlaha ma la Israʼila na? » ka həŋ.

2Kwa 2:15

Manda va tsaya, nda nza aŋni manda urdi zɗa vərtikatani klaf Kristi ka vlaŋtá Lazglafta. Tsa urdi ya ná, nda nza ka ŋa gwal ta mutsa mbaku, nda gwal ta zaɗiŋtá ghəŋa taŋ tani.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Filip 4:18

Zlghaf zlgha yu ta tsa zɗakatahuɗa ghuni tsghaf kuni ta Yufratis ya. Haɗ skwi ta pəɗəgəlta yu wu, hwaslu hwasla katakata. Tsa skwi vla kuni ya ná, manda skwi dranaf lu ta Lazglafta ta zɗəganata katakata ya nzakwa ni.