Mbsak 14:33 - Hdi

³³ Dzaʼa nzakway zwana ghuni ka gwal ngha rini ma mtak ka vaku fwaɗ mbsak, dzaʼa klay həŋ ta ndəgakwa ghwaɗaka skwi maga kuni, ha ka rwuta ghuni nekwnekw ma mtak.

Mbsak 14:33 Mawu Ofanana

Sabi 20:5

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Mbsak 32:13

Ka sliʼavaftá gufatá ŋuɗufa Yawe ta ghəŋa la Israʼila, ka mblaftá tsi ta həŋ ŋa zatá vaku fwaɗ mbsak ma mtak, ha ka zaɗatá inda zivira tsa gwal ta maga ghwaɗaka skwi ŋa Yawe ya.

Mbsak 33:38

Baɗ taŋtaŋa fitik ma tila mahutaf, ka laf Haruna mnda dra skwi ŋa Lazglafta ta ghwá Hur manda ya mnaf Yawe. Ka mtuta tsi hada ta mafwaɗ mbsaka vaku tahula saba la Israʼila ma Masar.

Mbsak 5:31

Mantsa tama, suɗek dzaʼa saba tsa zəʼal ya ma inda tsa krughuvi ya, ama tsa marakw ya, tsatsi dzaʼa kla krughuva ni, » kaʼa.

Slna gwal ghunay 7:36

Tsa Musa ya ta hlagaptá zwana la Israʼila, nda maga mazəmzəm nda skwa ndərmimay ma haɗika Masar, nda ya ma drəfa Dva, nda ya ma mtak, ka zatá həŋ ta vaku fwaɗ mbsak ta tvi ma mtak.

Vrafta ta zlahu 1:3

Baɗ taŋtaŋa fitik ma tila maghwaŋpəɗ ndeŋ, ta mafwaɗ mbsaka vaku tahula saba taŋ ma Masar, ka mnanatá Musa ta la Israʼila ta inda skwi manda va ya mnanaf Yawe ŋa mnanatá həŋ.

Vrafta ta zlahu 2:14

Vaku hkən mbsak tghas mida za mu ta mbaɗa, zlrafta ma Kadesbarnegha ha ka tsughwaɗapta didiŋa Zeret. Ma tsa fitik ya kɗivta inda tsa zivir ma ghuɓu ta laviŋtá vulu ya, manda va ya waɗana Yawe ta həŋ.

Vrafta ta zlahu 2:7

Tfaghunagha tfa Yawe, Lazglafta ghuni ta wi ma inda slna ghuni. Tsatsi si ta nghapta ka kaghuni ma mbaɗa ya mbaɗ kuni ma tsa mghama mtak ya. Kawadaga Yawe, Lazglafta ghuni nda kaghuni ma tsa vaku fwaɗ mbsak ya, haɗ sana skwi pɗa kuni wu,” kaʼa.

Vrafta ta zlahu 29:5

Buradi a si ta zə kuni wu, ima inabi nda skwa say nda tawa a si ta sə kuni wu, kada snaŋta kuni kazlay iʼi Yawe, Lazglafta ghuni kəʼa.

Vrafta ta zlahu 8:2

Ka hava kuni ta inda tvi raghunaf Yawe, Lazglafta ghuni tida ma mtak ma na vaku fwaɗ mbsak na, kada hanaganatá ghəŋa tsi ghuni. Manda tsaya, ka dzəghaghunatá tsi ŋa tsatsaftá skwi ma ŋuɗufa ghuni, ka dzaʼa ŋana ŋa kuni ta zlahuha ni rí, ka ŋanata a wa a kuni.

Vrafta ta zlahu 8:4

Ma tsa vaku fwaɗ mbsak ya ná, rdu a lguta ghuni wu, haslaf a səlaha ghuni wa.

Yəhusuwa 14:10

Ndanana, mafwaɗ mbsak hutaf mida vaku na, manda mnanata Yawe ta tsa gwaɗa ya ta Musa. Ma fitika nzakwa la Israʼila ta sabi ma mtak. Daga baɗ tsa, ka zlihatá Yawe nda hafu manda ya taf tsi ta imi ta sləməŋ. Wana ndanana ná, matghas mbsak hutaf mida ima ɗa na.

Yəhusuwa 5:6

Tsaw fwaɗ mbsak vakwa la Israʼila ta mbaɗa ma mtak. Ma kɗavakta tsa vakuha ya, ka rwuta inda zgwana prək ka vulu ta sabi ma Masar. Tsaw hahəŋ ná, kwalaghu kwala həŋ ta snatá gwaɗa Yawe. Ka waɗatá Yawe, kaʼa mantsa: « Haɗ yu dzaʼa zlanata həŋ ŋa nghaŋta taŋ ta tsa haɗik ya waɗa yu ta vlaŋtá dzidzíha taŋ, tsa haɗik ya ta mbəzaku uʼa nda zuɗum mida ya wa, » kaʼa.