20 Ka Yawe mantsa: « Ta plana pla yu ta dmakwa taŋ, manda ya mna ka.
Mantsa tama, ka zlanatá Yawe ta tsa ghwaɗaka skwi si ta kum tsi ta maganatá mnduha ni ya.
Ka magata Yawe manda ya ɗawaŋ Musa da tsi. Ka rwutá kləŋha ma həgaha, nda ya ta daɓi tghaha, nda ya ma vwahha.
Mantsa ya tama, mnuvuswa dmakwa ghuni mataba ghuni, ka maga kuni ta duʼa da Lazglafta ta ghəŋa sani nda sani, kada mbaghunafta Lazglafta ma inda ɗaŋwaha ghuni. Maga duʼa mndu tɗukwa ná, ta ksay ta slna nda mbraku kahwathwata.
