Mata 9:6 - Hdi

⁶ Ala, kada grafta kuni mamu *Zwaŋa mndu nda mbrakwa pliŋtá dmakwa mnduha ta na ghəŋa haɗik na kəʼa, » kaʼa nda tsa mndu nda rwa səla ni ya mantsa: « Sliʼaf sliʼa gha, kla ta kativiŋa gha ka dzaʼa ka dzagha gha, » kaʼa.

Mata 9:6 Mawu Ofanana

Mata 4:24

Ka tutá gwaɗa wdiɗ ta ghəŋa Yesu ta inda haɗika Siri. Ka hlədanaghatá lu ta inda gwal ɗaŋwa, nda gwal ta ŋəra ɗaŋwaha kavghakavgha, nda gwal nda ksa da halaway, nda gwal nda ksa da seteni, nda gwal nda rwa səla taŋ. Ka mbambə Yesu ta həŋ.

Mata 8:20

Ka Yesu nda tsi mantsa: « Gərhaŋha ná, mamu ghurumha taŋ. Ɗyakha ta ndaraku ta luwa guli, mamu həgaha taŋ. Ama *Zwaŋa mndu ná, haɗ dər vli ŋa fadatani ta ghəŋa ni wu, » kaʼa.

Mata 9:2

Ka tsukwadaghatá sana mnduha da tsi ta kativiŋ ta sana mndu nda rwa səla ni. Nghanata Yesu ta zlghay nda ŋuɗufa taŋ, kaʼa nda tsa mndu nda rwa səla ni ya mantsa: « Sagəŋ! Ŋava ŋa gha, nda pla dmakwa gha! » kaʼa.

Mata 9:5

Mal blakwa mnay kazlay: Nda pla dmakwa gha kəʼa re, ari, mal mnay kazlay: Sliʼaf sliʼa gha ka mbaɗa ta mbaɗa kəʼa na?

Mata 9:7

Gi brahwat sliʼaf sliʼa tsa mndu ya ka laghu tsi dzagha ni.

Markus 2:10

Ndana tama, kada snaŋta kuni kazlay: Mamu *Zwaŋa mndu nda mbrakwa pliŋtá dmakwa mndu ta ghəŋa haɗik kəʼa ná, wya tsi:

Markus 2:7

« Nu ta kəl na mndu na ka kwara kwara manda na na! Wa ta laviŋtá pla dmakwa mndu ta ghəŋa Lazglafta turtukwa ni na? » ka həŋ.

Lukwa 5:21

« Wana ma mndu ta kwara kwara ɓa? Wa ta laviŋtá pla dmakwa mndu ta ghəŋa Lazglafta turtukwa ni na? » ka tsa gwal tagha zlahu ŋa mnduha nda la Farisa ya ta ndanay ma ghəŋa taŋ.

Yuhwana 10:28

Ta vlaŋ vla yu ta hafu ŋa kɗekedzeŋ ta həŋ. Haɗ həŋ dzaʼa walaŋta zwaɗuta wu, haɗ mndu dzaʼa hlaptá həŋ ma dzva ɗa guli wa.

Yuhwana 17:2

Vlaŋ vla ka ta mbraku ta ghəŋa inda mnda səla, ŋa vlaŋta ni ta hafu ŋa kɗekedzeŋ ta gwal pgham ka ta həŋ ma dzva ni.

Yuhwana 5:27

Ka vlaŋtá tsi ta mbrakwa tsa guma, kabga nzakwa ni ka *Zwaŋa mndu.

Yuhwana 5:8

« Sliʼaf sliʼa gha kla ta skwa hana gha, ka sliʼa ka, » ka Yesu nda tsi.

Slna gwal ghunay 5:31

Tsatsi kapanaf Lazglafta ka Mgham ka fata nda ga zeghwa ni, ka mnda mba mndu, ŋa vla tvi ŋa mnduha la Israʼila ŋa mbəɗanafta taŋ ta nzakwa taŋ, ŋa mutsafta taŋ ta platá dmakwa taŋ.

Slna gwal ghunay 9:34

Ka Piyer nda tsi mantsa: « Ayniya! *Yesu *Kristi ta mba kagha. Sliʼaf sliʼa ka payanata ka ta ghəzləŋa gha, » kaʼa. Ka gi sliʼaftá Ayniya.

2Kwa 2:10

Ka plinis pla kuni ta dmakwa mndu ná, iʼi guli ná, plinis pla yu. Dmakwa mndu ya plinis yu, ka si mamu dmaku ŋa play ná, plinis pla yu kabga kaghuni, nda ngha *Kristi guli,

2Kwa 5:20

Kristi ta ghunaftá aŋni ŋa kla lwa gwaɗa ni. Lazglafta ka ghəŋa ni ta haga mnduha nda ma wa ŋni. Ma hga Kristi, ta ndəɓa dzvu yu ŋni ŋa ghuni, slərɓapwa slərɓa ta zughu nda Lazglafta.

Afisus 4:32

Ŋərma skwi ká kuni magay mataba ghuni, nzawa nza nda tawa hiɗahiɗa, pluvuswa dmakuha ghuni, manda va ya plaghuna Lazglafta ta dmakuha ghuni nda ma Kristi ya.

Kwalus 3:13

Katuvuswa vgha, pluvuswa dmaku ka mamu skwi gana sani ta sani. Manda va ya plighunis Kristi ta dmakuha ghuni ya ná, pluvuswa dmakwa ghuni guli.