Gi ka Yesu nda tsi mantsa: « Dagala zlghay nda ŋuɗufa gha makwa ɗa, ka maga maga tsa skwi ya, manda ya kumaŋ ka, » kaʼa. Gi ta tsa luwa ya, ka mbaftá tsa makwa ni ya.
Ka Yesu nda tsa mghama sludzi ya mantsa: « La dzagha gha! Dzaʼa maga maga lu manda ya zlghaf ka, » kaʼa. Gi ma va tsa fitik ya ka mbaftá tsa kwalva ni ya.
Ka mbəɗavatá Yesu, ka nghanavatá tsi. Kaʼa nda tsi mantsa: « Ŋava ŋa gha makwa ɗa! Zlghay nda ŋuɗufa gha ta mbaghafta, » kaʼa. Gi hada hada ka mbaftá tsa marakw ya.
Ka lam Yesu da həga, ka lagha həŋ slanaghata. Ka Yesu nda həŋ mantsa: « Graf gra kuni kazlay: Dzaʼa laviŋ lava yu ta mbaghunafta kəʼa ra? » kaʼa nda həŋ. « Aŋi Mghama ɗa, » ka həŋ nda tsi.
« La, nda mba ka, kabga zlghafta gha ta iʼi nda ŋuɗufa gha, » kaʼa nda tsi. Ka gi nghəglaŋtá tsa mndu ya ta vli, ka ksə tsi ta tvi ka dzaʼa mista Yesu.