Mata 8:2 - Hdi

² Ka lagha sana mndu nda rɗa mndu tida zləmbata ma ghuva ni, kaʼa mantsa: « Mghama ɗa, ka ta kumay ka, laviŋ lava ka ta mbiɗifta, » kaʼa.

Mata 8:2 Mawu Ofanana

2Sam 3:39

Dər má fa fa lu ta iʼi ka mgham nda ma pghaɗighatá rɗi ná, nda rwa vgha ɗa. Tsa zwana Tseruya his ya ná, mbru mbra həŋ ka ŋa ɗa. Ka vranam vra Yawe da kəma ni taɓta sida ni ta mndu ya ta maga ghwaɗaka skwi! » kaʼa.

2Mgh 15:5

Ka dzuŋtá Yawe ta mgham, ka nzakw tsi nda ghwaɗaka lku tida ha ka mtata ni. Ka nzata tsi nda ghəŋa ni ma sana həga kətsaʼu, ka ŋə zwaŋa ni Yutam mali ta ghəŋa həga gá mgham ta mnduha ta tsa haɗik ya.

2Mgh 5:1

Mala gwal vula mghama la Aram ná, Naghamaŋ ya. Ta rfay ta rfu ta ghəŋa sgit, nda glaku katakata ya vlaŋ mghama ni, kabga nda ma tsatsi zanata Yawe ta ghwa ta la Aram. Nziya nza tsi, tsa mndu nda mbra, viɗviɗ ya ná, nda ghwaɗaka lku tida.

2Mgh 5:27

Dzaʼa ndiʼaf ndiʼa tsa ghwaɗaka lku si ta Naghamaŋ ya ta kagha, nda zivira gha tani ŋa ɗekɗek, » kaʼa. Ka zlanatá Gehazi ta Ilisa, nda ksata ni da tsa ghwaɗaka lku ya, ka ŋusliŋ manda papla.

Mbsak 12:10

Ta laghwa tsa kusay ta ghəŋa tumpul ya, ta ksaftá ghwaɗaka lku ta Miryam, ka ɓuta kuɗay manda papla. Kəʼa ka Haruna mbəɗavata təv Miryam ná, ghwaɗaka lku tida.

Mata 10:8

Ka mbamba kuni ta gwal kul ɗughwanaku, ka sliʼaganapta kuni ta gwal nda rwa, ka mbambanafta kuni ta gwal nda ksa da rɗa mndu, ka ghazliŋta kuni ta ghwaɗaka sulkumha. Zlghaf ka mbalay kaghuni ka vla kaghuni guli ka mbalay.

Mata 13:58

Kiʼa yeya mazəmzəm magaŋ Yesu ma luwa Nazaret, kabga zlghaf a mnduha nda ŋuɗuf wa.

Mata 14:33

« Kagha ná, vərɗa Zwaŋa Lazglafta ka, » ka tsa gwal ma kwambalu ya sliʼadaghata da tsəlɓu ma ghuva Yesu.

Mata 15:25

Ama ka lagha tsa marakw ya tsəlɓata ma ghuva ni: « Mghama ɗa, katá ta iʼi, » kaʼa.

Mata 18:26

Ka zləmbatá tsa kwalva ya ta haɗik ka tsəlɓata ta kəma ni, kaʼa mantsa: “Wya dzvu, ksata ŋuɗuf, dzaʼa plagha pla yu demdem,” kaʼa.

Mata 2:11

Ka lam həŋ da həga. Ka slanaghatá həŋ ta tsa zwaŋ ya nda Mari ta nzakway ka ma ni. Ka tsəlɓatá həŋ ta kəma tsa zwaŋ ya, ka vlaŋtá həŋ ta glaku. Ka palanaptá həŋ ta zlibiha taŋ, ka mbəhatá həŋ nda dasu, nda urdi ŋa dray nda dra, nda mandaɓaya urdi.

Mata 20:20

Tahula tsa, ka lagha ma ni ma zwana Zebedi nda zwana ni. Ka tsəlɓata tsi ta kəma ni ŋa ɗawa skwi da tsi.

Mata 26:6

Ta nzaku *Yesu ma həga ga Simuŋ, sana mndu nda rɗa mndu tida ma luwa Betani,

Mata 28:17

Na gi nghay taŋ ta Yesu, ka tsəlɓatá həŋ ta kəma ni. Ama ta dga ghəŋ sanlaha.

Mata 28:9

Ka gi lagha Yesu da guyaku nda həŋ. « Zguwa tsa! » kaʼa nda həŋ. Ka gavadaghatá tsa miʼaha ya ta vata ni, ka ŋaŋanatá səlaha ni, ka tsəlɓu ta kəma ni.

Mata 4:9

Kaʼa nda tsi mantsa: « Ka tsəlɓa tsəlɓa ka ma ghuva ɗa ka vlihatá glaku, ta vlagha vla yu ta inda taŋ demdem, » kaʼa.

Mata 8:1

Manda saha *Yesu ta ghwá, ka sliʼaftá ndghata dəmga mista ni.

Mata 8:25

Ka sliʼaftá duhwalha ni ka lagha sliʼanafta. Ka həŋ nda tsi mantsa: « Mghama ɗa, katá ta amu, dzaʼa rwaku mu! » ka həŋ.

Mata 9:18

Tata mna tsa gwaɗa ya *Yesu ŋa taŋ mantsa, ka lagha sana mali mataba la *Yahuda zləmbata ma ghuva ni. Kaʼa nda tsi mantsa: « Ta nzəɗava a makwa ɗa manda saba hafu mida wa, sawi fanaghatá dzva gha ta ghəŋa ni ka mbafta tsi, » kaʼa.

Lukwa 4:27

Ma fitika nzakwa anabi Alisa guli, si nda ndəgha gwal nda rɗa mndu ta həŋ ma Israʼila, haɗ ya mbanaf lu dər turtuk mataba taŋ wu, Naʼama mnda la Siri yeya mbanaf lu. »

Yuhwana 9:38

« Zlghaf zlgha yu mghama ɗa, » kəʼa tsəlɓata ka ndəɓa dzvu ŋa ni.

Slna gwal ghunay 10:14

Ka Piyer mantsa: « Va a yu Mghama ɗa wa. Haɗ skwa mbiɗa nda skwi kul raku ka zay ta kəɗ walaŋta lami da wa ɗa wu, » kaʼa.

Slna gwal ghunay 10:25

Manda ɓhadaghata *Piyer, ka lagha Kwarney da guyay, ka zləmbatá tsi ma ghuva ni ka ga zgu ŋa ni.

1Kwa 14:25

Dzaʼa sab sa skwi ma ŋuɗufa ni ta daɓi ŋa zləmbata ni zlumbruh ka tsəlɓu ta kəma Lazglafta ŋa mnay ni kazlay: Mataba ghuni Lazglafta kahwathwata kəʼa.

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.