Mata 6:24 - Hdi

²⁴ « Haɗ mndu dzaʼa laviŋta gwafta ksanatá slna ta mghamha his, ta magay magay ŋa ya, ta magay magay ŋa ya, ma va tsa fitik turtuk ya wa. Nda husaŋta sani, ta ɗvutá tsi ta sani. Nda ndiʼa nzakwa ni nda sani, ta wuɗiŋtá tsi ta sani. Laviŋ a kuni ta gwaftá maga slna ŋa Lazglafta, ta magay magay kuni ŋa tsedi wa. »

Mata 6:24 Mawu Ofanana

Zlrafta 47:17

Ka hlanaktá həŋ ta rina taŋ ta Yusufu, ka vlaŋtá Yusufu ta skwi ŋa zay ta həŋ, ka mbəɗapta nda plisha taŋ, nda rina fisika taŋ, nda slaha taŋ, nda kəɗihha taŋ. Ta tsa vaku ya ka mbəɗ tsi ta skwa zay ŋa taŋ nda riniha ta vlata həŋ.

1Mgh 18:21

Ka gavadaghatá Iliya ta vata mnduha demdem, kaʼa mantsa: « Ha ŋa Yawu dzaʼa gwafta kuni ta tvi his na? Ka si Yawe na Lazglafta katsi, lawa la mista ni, ala ka Baghal tsi guli ya, lawa la mista ni! » kaʼa. Ama pslanaf a mnduha ta wi dər teʼ wa.

2Mgh 17:41

Mantsa tama, ka tsəlɓu mndəra tsa mnduha ya ta tsəlɓu ŋa Yawe ta dzaʼa həŋ nda tsəlɓu ŋa tsatsatá skwa wuyayha taŋ. Ka kɗaŋtá zwana taŋ nda zighiha taŋ ta magay ha gita manda va ŋa dzidzíha taŋ.

Mata 4:10

Ka Yesu nda tsi mantsa: « Halaway! Laghu la gha ta vata iʼi. “Ŋa Mghama gha Lazglafta dzaʼa vla ka ta glaku, da tsatsi turtukwa ni dzaʼa skwa ka ta htsiŋ,” » ka lu vindafta ma deftera Lazglafta, kaʼa nda tsi.

Lukwa 16:11

Ka laviŋ a kuni ta ŋanatá ghwaɗaka skwa gadghəla na ghəŋa haɗik na wu katsi, wa dzaʼa mnay kazlay: Zlgha ta vərɗa skwa gadghəl kəʼa?

Lukwa 16:13

« Laviŋ a kwalva turtuk ta ga kwalva daŋahəga ni həga his wa. Nda husaŋta sani turtuk, nda ɗvuta ni ta sani. Ka mantsa a tsi wu, dzaʼa ndiʼanava ndiʼa ta vgha ta sani, ŋa husaŋta tsa sani ya. Laviŋ a kuni ta nzakway ka kwalva Lazglafta kuni guli na, ka kwalva tsedi kuni guli wa, » ka *Yesu.

Lukwa 16:9

« Ka iʼi ta mnaghunata na: Hlawa na ghwaɗaka skwa gadghəl ta na ghəŋa haɗik na, ka kasa kuni ta gra nda tsi. Baɗu kɗaghutani da kaghuni ya, ŋa tsuʼay Lazglafta ta kaghuni ma həga ni ŋa kɗekedzeŋ.

Galat 1:10

Va ni tama ná, ka zɗəganata yu ta mnduha ka yu ta kəl yu ka mnay manda nana re, ari ka zɗəganata yu ta Lazglafta a na? Zɗəganata ɗa ta mnduha ta psə yu ra? Ka zɗəganata ɗa ta mnduha ta psə yu katsi ná, nza a yu ka mnda ksanatá slna ta Kristi nda tsa wa.

1Tim 6:17

Mnana mna ta gwal ka gadghəl ma na ghəŋa haɗik na, yaha həŋ da ghərɓaku, yaha həŋ da laghu da faftá ghəŋa taŋ ta gadghəla taŋ ya dzaʼa kwal kul nzəɗavata. Ta Lazglafta ya ta vlamatá inda skwi ka haslay ŋa nzakwa mu nda rfu ka həŋ faftá ghəŋa taŋ.

2Tim 4:10

Wana zliɗiva zla na Demaska, kabga laghu la ɗvutá skwa ghəŋa haɗik, ka sliʼaftá tsi ka laghu da luwa Tesalunik. Laghu la na Kreseŋ ta haɗika Galat, ta laghu Titus ta haɗika Dalmatiya guli.

Yakubu 4:4

Fkərwaha na! Sna a kuni kazlay: Ɗvutá ghəŋa haɗik ná, ga ghuma nda Lazglafta ya kəʼa ra? Mndu ya ta kuma ksa gra nda ghəŋa haɗik ná, ta kumay ta nzakway ka ghuma Lazglafta.

Yəhusuwa 24:15

Ka si ta nghadaptá kuni, ɗina a tsa tsəlɓanatá tsəlɓu ta Yawe ya wu, zbaʼawa zba gita ta ya dzaʼa tsəlɓanatá kuni ta tsəlɓu. Ka lazglaftaha ya si ta tsəlɓanatá dzidzíha ghuni ta tsəlɓu ta tsa sana ɓla Yufratis ya tsi, ka lazglaftaha la Amuru ta nzakw kuni mataba taŋ na a tsi. Ama iʼi nda həga ɗa, Yawe ŋa aŋni dzaʼa tsəlɓanatá tsəlɓu, » kaʼa.

1Sam 7:3

Ka Samuyel nda inda la Israʼila mantsa: « Ka ma hya hya ŋuɗufa ghuni ta vrakta kuni da Yawe katsi, hliŋwa hla mataba ghuni ta inda lazglaftaha mndəra sanlaha ma mnduha, nda fwatuha Ghasturet skwa wuyay. Ka vlata kuni ta ŋuɗufa ghuni ŋa Yawe, ka maganata kuni ta slna ta tsatsi turtukwa ni, dzaʼa plap pla ta kaghuni ma dzva la Filisti, » kaʼa.