Mata 5:37 - Hdi

³⁷ Gwaɗa ya ŋa sabi ma wa ghuni ná, ka aŋi tsi, aŋi. Ka mantsa a tsi wu, mantsa a wa. Inda ya dzaʼa sganaghata lu ta ghəŋa tsaya ná, sagha da halaway. »

Mata 5:37 Mawu Ofanana

Mata 13:19

Tsa tvi rkaf hulfa tida ya ná, gwal ta snaŋtá gwaɗa ta ga mghama Lazglafta kul grafta həŋ ya, həŋ. Ka sagha halaway zluʼugudunustá həŋ ta tsa skwi wutsam lu ma ŋuɗufa taŋ ya.

Mata 13:38

Vwah ya guli ná, ghəŋa haɗik tsa. Vərɗa hulfa hya ya guli ná, gwal ta nzakway ka ŋa ga mghama Lazglafta ya. Rira ya guli ná, gwal ta nzakway ka ŋa halaway ya.

Mata 15:19

Tazlay ná, ma ŋuɗufa mndu ta sliʼagapta ghwaɗaka ndanuha manda: Psla mndu, hliri, sliʼiŋsliʼiŋ, ghali, tsanavata gwaɗa ta mndu, vza rutsak ta mndu.

Mata 5:36

Yaha ka da waɗu nda ghəŋa gha, kabga laviŋ a ka ta mbəɗanafta ka ŋusliŋ dər ka ŋəra ta ya dər turtuk ma swida gha wa.

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Yuhwana 17:15

Ndəɓa a yu ta dzvu da kagha ŋa hlaptá həŋ ma ghəŋa haɗik wa. Ama nghay yeya dzaʼa ka ngha həŋ da katkata tsa ghwaɗak ya.

Yuhwana 8:44

Da ghuni ná, halaway ya. Ta kumay kuni ta maganatá skwi ta zɗəganata. Nda nza tsatsi ka mnda dzata mndu daga ma zlrafta. Ta walaŋ a ta sladafta ta kahwathwata wu, kabga haɗ kahwathwata da tsi wa. Vərɗa ŋa ni ma gwaɗa ta gwaɗagapta ná, tsakalawi ya, kabga tsakalawi tsatá fwa tsatsi. Da ni ma tsakalawi tsatsi guli.

Afisus 4:25

Mantsa tama, yaha kuni tsakalgəltawi, mnuvuswa kahwathwata mataba ghuni, kabga nda guya mu demdem ma sluʼuvgha turtuk.

Afisus 6:16

Ma inda skwi demdem ta mag kuni ná, fafwa ghəŋa ghuni ta *Yesu Kristi. Zlghay nda ŋuɗufa ghuni ná, nda nza manda zalam ŋa huzla hava ka vu ghandand ta pghu halaway ta kaghuni.

Kwalus 3:9

Ma tsanava kuni ta gwaɗa ta mndu, kabga sab sa kaghuni suɗek ma halata nzaku, suɗiŋsuɗa kuni ta ghwaɗaka nzaku.

Kwalus 4:6

Ma gwaɗa ta gwaɗ kuni, gwaɗa tɗukwa katsi sabi ma wubisima ghuni, hmətət katsi nzata. Nda tva ni ka kuni zlgha wi ŋa mndu.

2Tes 3:3

Mgham Yesu ná, vərɗa mndu ya, dzaʼa mbraghunafmbra, ŋa nghay ni ta kaghuni da halaway.

Yakubu 5:12

Zwana ma ɗa, sana skwi guli ná, ma waɗu kuni ta waɗu, dər nda luwa, dər nda haɗik, dər nda wati ma skwa waɗu tsi. Ama ka « aŋi » tsi, ka nza tsi ka aŋi. Ka « mantsa a tsi wu, » ka nza tsi ka mantsa a wu, kada kwala kuni dəɗamta ma guma Lazglafta.

1 Yuhwana 2:13

Kaghuni dadaha, ka yu ta vindaghunafta na: « Nda sna kaghuni ta tsa mndu ta nzakway daga ta kul zlraftá inda skwi ya. » Kaghuni duhwalha, ka yu ta vindaghunaftá kaghuni guli na: « Ghuɓasap ghuɓasa kaghuni ta halaway. »

1 Yuhwana 3:12

Yaha amu da nzakway manda Kayinu. Tsatsi ná, nda nza ka zwaŋa halaway, ka dzatá tsi ta zwaŋama ni. Kabgawu kəl tsi ka dzata na? Kabga ghwaɗaka skwi ŋa Kayinu ta magay, tɗukwa skwi ŋa tsa zwaŋama ni ya ta magay, kəl tsi ka valafta tida ka dzata.

1 Yuhwana 5:18

Nda sna amu kazlay: Dər wati ma mndu ta nuta ka Zwaŋa Lazglafta ná, haɗ ta gəgəltá dmaku wa. Zwaŋa Lazglafta ta nghay, laviŋ a halaway ta ksaŋta wa.