Mata 5:29 - Hdi

²⁹ Ka ira gha nda ga zeghwi ta kla kagha da ga dmaku katsi, tsakwasliŋ tsakwasla ka wuɗidiŋta ka diʼiŋ. Dər pɗata ka ta fawaya gha turtuk ka ya da vzamta lu ta kagha tsuh tsuh da duda vu.

Mata 5:29 Mawu Ofanana

Mata 10:28

Ma zləŋ kuni ta gwal ta dzatá sluʼuvgha ta kwal kul laviŋta dzatá hafu. Lazglafta ta laviŋta zaɗanatá sluʼuvgha nda hafu tani ma həga vu ya ŋa zləŋay katək.

Mata 11:6

Rfu da mndu ya kul kwalaghutá zlghaftá iʼi, » kaʼa.

Mata 16:26

Tsa lagha mndu ka mutsaftá na ghəŋa haɗik na demdem ka ŋa ni, ka nda zaɗa hafa ni ní, nu dzaʼa ghəzlanata tsi na? Ari mamu a skwi dzaʼa laviŋta mndu ta varatá hafa ni nda tsi na?

Mata 17:27

Dər má mantsa tsi ná, yaha mu da nzakway ka skwa tuthun ŋa taŋ. La da drəf, ka vzadata ka ta ŋalum. Tsa taŋtaŋa klipi dzaʼa ka da ksafta ya, ka gunaŋta ka ta wa ni, dzaʼa slanagha sla ka ta tseda dzumna mndu his. Ka klafta ka, ka vlaŋta ka ta həŋ ŋa platá ŋa u, » kaʼa nda tsi.

Mata 19:12

kabga mamu gwal ya yaga lu ka kuɓitik, mamu gwal ya pslaf mnduha nda psla, mamu gwal ta kwalaghutá klay, kabga gwaɗa ta ga mghama Lazglafta guli. Mndu ya dzaʼa laviŋtá ŋaftá tsa gwaɗa ya, ka ŋa tsi, » kaʼa.

Mata 23:15

« Ɗaŋwa ŋa ghuni gwal tagha zlahu ŋa mnduha, nda la Farisa. Tsa maɗgwirmaɗgwira ghuni ya. Ta wawaku kuni ka ra vli ta drəf nda ya ta haɗik ŋa mutsaftá dər mndu turtuk ŋa da dina ghuni. Ka mutsaf mutsa kuni, ŋa niŋta ghuni ka mnda nzakway ma duda vu ka malaghutá ŋa ghuni mantsa ya mantsa ya his.

Mata 23:33

Nahaɗikha! Mndəra la mupuha! Haɗ wa ghuni ŋa ndapta ma tsa guma nda vu ya wa.

Mata 5:22

Ama ka iʼi ta mnaghunata ná, dər wa ta ɓasanavatá ŋuɗuf ta zwaŋama ni ka makuma ni a tsi katsi, dzaʼa klay lu ta tsa mndu ya da guma. Dər wa mndu dzaʼa mnay nda zwaŋama ni ka makuma ni a tsi kazlay: Ghwaɗak kəʼa ná, dzaʼa klay lu ta tsa mndu ya ta kəma guyatá ghəŋa gwal tsa guma. Dər wa mndu dzaʼa mnay nda zwaŋama ni ka makuma ni a tsi kazlay: Rgha kəʼa, nda ra tsa mndu ya ŋa vzaghata da duda vu.

Mata 5:30

Ala, ka dzva zeghwa gha ta kla kagha da maga dmaku ya, tsiŋ tsa ka wuɗidiŋta ka diʼiŋ, dər pɗata ka ta fawaya gha turtuk ka ya da vzamta lu ta kagha tsuh tsuh da duda vu. »

Markus 8:36

Nu dzaʼa ghəzlanata mutsafta mndu ta na ghəŋa haɗik na tender, ka nda zaɗa hafa ni na?

Lukwa 12:5

Ka maraghuna mara yu ta mndu dzaʼa kuni zləŋay. Zləŋawa zləŋa ta Lazglafta. Tsatsi ta laviŋtá dzatá sluʼuvgha ghuni, mamu guli nda mbrakwa klafta kaghuni ka vzamta da vu. Mantsa ya nzakwa ni, tsatsi dzaʼa kuni zləŋay, ka yu ta mnaghunata.

La Ruma 6:6

Ɗina ka snaŋta mu kazlay: Tsa nzaku si ta nzaku mu ghalya ya ná, zləŋaf zləŋa lu ta udza zləŋay kawadaga nda Kristi kəʼa, kabga ŋa zaɗanatá tsa mbrakwa dmaku ma vgha mu ya. Yaha mu kɗaŋtá nzaku ka vuʼa dmaku ka lu, kəl lu ka magata manda tsaya.

La Ruma 8:13

Ka manda ya ta zɗəganatá sluʼuvgha ka kuni nzaku katsi ná, dzaʼa mtaku kuni. Ala, ka zlanaŋ zla kuni ta ghəŋa ghuni ta Sulkum ka dzata tsi ta skwiha ta zɗəganatá sluʼuvgha ghuni katsi, dzaʼa nzakway kuni nda hafu.

1Kwa 9:27

Ta zlahay yu ta ghəŋa ɗa ka ghuya ɗaŋwa ŋa ni, kada kwala vərɗa iʼi ta dəɗaghuta nda hul tahula mnanata iʼi ta *Lfiɗa Gwaɗa ta sanlaha.

Galat 5:24

Gwal ta nzakway ka ŋa *Yesu *Kristi ná, dza dza hahəŋ ta udza zləŋay ta skwiha ta kum sluʼuvgha, nda ghwaɗaka skwiha kavghakavgha ta mamə həŋ.

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.