Mata 3:2 - Hdi

² « Mbəɗanafwa mbəɗa ta nzakwa ghuni, kabga ndusa ga mghama Lazglafta ka sagha, » kaʼa.

Mata 3:2 Mawu Ofanana

1Mgh 8:47

ka vraganagha vra həŋ ta ghəŋa taŋ ma tsa haɗik dzaʼa hlaghata lu ta həŋ da ga vuʼa ya, ka vrak vra həŋ da kagha, ka taw həŋ ta taw da kagha ma tsa haɗika gwal ta hlaghatá həŋ ya, ka ka həŋ mantsa: “Gaga ŋni ta dmaku, gaga ŋni ta krughuvi, maga maga ŋni ta ghwaɗaka skwi,” ka həŋ,

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Mata 10:7

Lawa ka mna kuni ŋa taŋ kazlay: Ndusagagha ndusa ga mghama Lazglafta, kəʼa.

Mata 11:20

Tahula tsa tama, ka tsukunustá tsi nda gwaɗa ta luwaha ya maga tsi katakata ta mazəmzəmha ni mida, kabga kwalaghuta taŋ ta mbəɗanaftá nzakwa taŋ. Kaʼa mantsa:

Mata 12:41

Ghalya guli, gwal ma luwa Ninive ná, sna sna həŋ ta gwaɗa anabi Yunusa, ka mbəɗanaftá həŋ ta nzakwa taŋ. Wana mamu mndu ta malaghutá anabi Yunusa hadna. Baɗu tsay dzaʼa tsə Lazglafta ta guma ta ghəŋa mnduha, “ŋa ghuni dmaku,” ka gwal ma luwa Ninive dzaʼa sliʼafta mnay ŋa mnduha ta na fitik na.

Mata 13:11

Ka *Yesu nda həŋ mantsa: « Kaghuni ná, vlaghuna vla lu ta snaŋtá vərɗa ɗifatá ga mghama Lazglafta, ama vlaŋ a lu ta hahəŋ wa.

Mata 13:24

Kaʼa nda həŋ nda sana mahdihdi mantsa: « Ka guram ga mghama Lazglafta nda sana mndu ta sləgamtá vərɗa hulfa hya ma vwaha ni.

Mata 13:31

Kaʼa nda həŋ nda sana mahdihdi kay guli mantsa: « Ga Mghama Lazglafta ná, ka guram nda hya kramasa klaf mndu ka sləgamta ma vwaha ni.

Mata 13:33

Kaʼa nda həŋ nda sana mahdihdi guli mantsa: « Ka guram ga mghama Lazglafta nda is ta klafta marakw ka laɓanamta ma kuratá darama hpu hkən ŋa ŋlaftá tsa hpu ya demdem, » kaʼa.

Mata 13:47

« Ka guram ga mghama Lazglafta nda kadəŋ ta wuɗadata lu da drəf ŋa tumagaftani ta inda mndərga klipiha kavghakavgha.

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Mata 18:23

Tsaya dzaʼa kəl lu ka gra ga mghama Lazglafta nda sana mgham ta kuma mbəɗaftá skwa gadghəla ni ma dzva gwal ta ksanatá slna ya.

Mata 20:1

« Wya skwi ŋa gray nda ga mghama Lazglafta. Ka tsavagaptá sana zəʼala həga ma həga ni, wrək sərɗək, da zba gwal ŋa ksanatá slna ma vwaha inaba ni.

Mata 22:2

« Ka guram ga mghama Lazglafta nda sana mgham ta payaftá skwa zay ma klay zwaŋa ni ta makwa.

Mata 23:13

« Ɗaŋwa ŋa ghuni gwal tagha zlahu ŋa mnduha, nda la *Farisa. Tsa maɗgwirmaɗgwira ghuni ya. Mbaɗa ka kuni ka hanaftá tgha ga mghama Lazglafta ta mnduha. Lam a vərɗa kaghuni wu, zlanaŋ a kuni ta tvi ta gwal ta kuma lami guli wa.

Mata 25:1

« Ma tsa fitik ya, dzaʼa gray lu ta ga mghama Lazglafta nda sana kuʼaha ghwaŋ ta klaftá pitirla taŋ ka dzaʼa da gəma zwaŋamidzi.

Mata 25:14

« Manda va tsaya ná, dzaʼa gray lu ta ga mghama Lazglafta nda sana mndu ma sliʼa ni dista luwa, ka hagaftá tsi ta kwalvaha ni, ka dganaftá tsi ta gadghəla ni ta həŋ ma dzvu.

Mata 4:17

Daga ma tsa fitik ya zlrafta Yesu ta mna gwaɗa, kaʼa mantsa: « Mbəɗanafwa mbəɗa ta nzakwa ghuni! Ndusa ga mghama Lazglafta ka sagha! » kaʼa.

Mata 4:23

Ka rə *Yesu ta inda haɗika Galili, ka tagha skwi ŋa mnduha ma həgaha tagha skwa la *Yahuda, ka mna *Lfiɗa Gwaɗa ta ghəŋa ga mghama Lazglafta, ka mbamba mnduha ma inda ɗaŋwaha taŋ, nda inda ya ta raghwa həŋ.

Mata 5:10

Rfu da gwal ta gə lu ta iri ŋa taŋ ta ghəŋa magay taŋ ta skwi tɗukwa, kabga ŋa taŋ ga mghama Lazglafta.

Mata 5:3

« Rfu da gwal nda sna ta pɗa taŋ ma Sulkum, kabga ŋa taŋ ga mghama Lazglafta.

Mata 6:10

Ka sagha sa fitika ga mghama gha, ka maga ka ta skwi ta kum ka ta haɗik, manda ya ta magaku ta luwa.

Mata 6:33

Zbawa zba ta ga mghama Lazglafta nda maga skwi tɗukwa ta wa ira ni karaku, dzaʼa vlaghuna vla lu ta inda tsa skwiha ya ta ghəŋa ni.

Markus 1:15

Kaʼa ta mnay mantsa: « Nda maga fitik, ndusa ga mghama Lazglafta, mbəɗanafwa nzakwa ghuni, ka zlghafta kuni ta *Lfiɗa Gwaɗa, » kaʼa.

Markus 1:4

Mantsa tama, ka zlagaptá Yuhwana, mnda maga Batem ma mtak, kaʼa mantsa: « Mbəɗanafwa mbəɗa ta nzakwa ghuni, ka magaghunafta lu ta batem, ka plighunista Lazglafta ta dmakuha ghuni, » kaʼa.

Markus 6:12

Ka sliʼaftá həŋ ka laghu da mnay ŋa mnduha, ka həŋ mantsa: « Mbəɗanafwa mbəɗa ta nzakwa ghuni, ka mnigiŋta kuni ta dmakwa ghuni, » ka həŋ.

Lukwa 1:16

Dzaʼa nda ndəgha zwana la Israʼila dzaʼa vranakta tsi da Lazglafta Mghama taŋ.

Lukwa 11:20

Iʼi, nda mbrakwa Lazglafta ta ghazla yu ta duhwalha halaway, tsaya ta maraŋtá ghadata sagha ga Mgham Lazglafta da taba ghuni.

Lukwa 13:3

Malaghu mala a ŋa taŋ wa. Ka mbəɗanaf a kaghuni ta nzakwa ghuni wu katsi, dzaʼa rwu rwa kuni demdem manda hahəŋ.

Lukwa 13:5

Malaghu mala a ŋa taŋ wa. Ka mbəɗanaf a kaghuni ta nzakwa ghuni wu katsi, dzaʼa rwu rwa kaghuni manda hahəŋ guli, » kaʼa.

Lukwa 15:10

Ka yu ta mnaghunata ná, dzaʼa malaghu mala rfu da duhwalha Lazglafta ta ghəŋa mnda dmaku turtuk ta mbəɗanaftá nzakwa ni, » kaʼa.

Lukwa 15:7

Ka yu ta mnaghunata ná, dzaʼa malaghu mala rfu ta luwa ta ghəŋa mnda dmaku turtuk ta mbəɗanaftá nzakwa ni, ka ŋa tɗukwa mnduha təmbay mbsak təmbay mida ta kwalaghutá mbəɗanaftá nzakwa taŋ, » kaʼa.

Lukwa 16:30

“Slaghwa a tsaya da ɗa Abraham wu, ka sliʼaf hadna mndu da gwal nda rwa, ka lagha slanaghatá həŋ katsi ná, hada hada həŋ dzaʼa mbəɗanaftá nzakwa taŋ,” ka tsa mnda gadghəl ya.

Lukwa 21:31

Mantsa ya, ka nda ngha kuni ta magakwa tsa skwiha ya, ka snaŋta kuni ndusak ndusa fitika ga mghama Lazglafta kəʼa.

Lukwa 24:47

Dzaʼa mnay lu tkweʼ nda hga ni ŋa inda mndəra mnduha ka mbəɗanafta həŋ ta nzakwa taŋ, ŋa planata Lazglafta ta dmakwa taŋ. Tiŋəl ma luwa Ursalima dzaʼa zlrafta lu ta mnay.

Lukwa 6:20

Mantsa, ka waftá *Yesu ta duhwalha ni, kaʼa mantsa: « Rfawa rfa ta rfu, kaghuni gwal ka pɗu, kabga ŋa ghuni ga mghama Lazglafta.

Lukwa 9:2

Ka ghunaftá tsi ta həŋ tuza gwaɗa ta ghəŋa ga mghama Lazglafta, nda mbambanaftá gwal kul ɗughwanaku.

Slna gwal ghunay 11:18

Tahula snaŋta taŋ ta tsa gwaɗa ya, ka lɓatá həŋ demdem, ka zləzlvu həŋ ta Lazglafta « ta vlaŋtá tva mbəɗanaftá nzakwa taŋ ta gwal kul nzakway ka la Yahuda kada mutsafta həŋ ta vərɗa hafu tama, » ka həŋ.

Slna gwal ghunay 17:30

Ŋaw lu ɓa, ka Lazglafta nda mnduha daga manda ghalya, kabga kwala taŋ kul snaŋta. Ndanana tama, ta hga mnduha Lazglafta ma inda vli ka mbəɗanafta həŋ ta nzakwa taŋ,

Slna gwal ghunay 2:38

Ka Piyer nda həŋ mantsa: « Mbəɗanafwa mbəɗa ta tva nzakwa ghuni, ka magafta inda kaghuni ta batem ma hga *Yesu *Kristi, ŋa plighunista Lazglafta ta dmakuha ghuni, ŋa vlaghunata ni ta Sulkum nda ghuɓa.

Slna gwal ghunay 20:21

Ka gvalaŋtá yu ta la Yahuda nda la *Grek, ŋa mbəɗavata təv Lazglafta ŋa zlghafta taŋ ta Mghama mu Yesu *Kristi.

Slna gwal ghunay 26:20

Katək ná, “mbəɗanafwa mbəɗa ta nzakwa ghuni, ka mbəɗakta kuni ta vgha da Lazglafta. Magawa maga ta ŋərma slna ŋa maraŋta tsa mbəɗata nzakwa ghuni ya,” ka yu zlrafta mnay karaku ma luwa Damas, nda ya ma luwa Ursalima. Tahula tsa, ka mnanata yu ta inda gwal ta haɗika Zudiya, nda ya da gwal kul nzakway ka la *Yahuda guli.

Slna gwal ghunay 3:19

Mbəɗanafwa nzakwa ghuni, ka mbəɗavata kuni təv Lazglafta, ka plighunista tsi ta dmakwa ghuni.

2Kwa 7:10

Gurɗatá ŋuɗuf manda ya ta kum Lazglafta ná, ta mbəɗanaf mbəɗa ta ŋuɗuf ŋa mbafta, ŋa kwala lu kul haga madər. Gurɗatá ŋuɗuf manda ŋa gwal ma ghəŋa haɗik ná, mtaku ta klakta tsi.

Kwalus 1:13

Tsatsi ta hlaptá amu ma dzva mbrakwa grusl, ka hladamamta da ga mghama zwaŋa ni ya ɗvu tsi.

2Tim 2:25

Nda hanatá ghəŋ katsi gwaɗa nda gwal ta mbaɗanaftá gwaɗa ni. Kawayaka skwi dzaʼa vlaŋ vla Lazglafta ta tvi ta həŋ ŋa mbəɗanafta taŋ ta nzakwa taŋ, ŋa snaŋta taŋ ta kahwathwata.

Hebru 6:1

Mantsa ya tama, zluŋmazla ta hamata zwana tagha skwi ya ta tagh mu ta ghəŋa *Kristi, mbaɗma ta ghəŋa tagha skwa gwal nda ndəha. Ma laghu mu vrəglafta ta ghəŋa dughwaŋa skwi ta nzakway ka: Gwaɗa ta ghəŋa pla dmaku, ŋa zlaŋta mnduha ta maga slnaha ya ta kla həŋ da Zaɗaku, nda gwaɗa ta zlghaftá Lazglafta nda ŋuɗuf,

2 Piyer 3:9

Gərɗa a Lazglafta ka maga skwi ya tamaf tsi ta imi ta sləməŋ manda ya ta ndanu sanlaha ya wa. Ama kaghuni nza tsi katək ka kəzlay, kabga va a ta zaɗavaghuta dər wati ma mndu wa. Ta kumay katək ta mutsafta inda mndu ta mbəɗanaftá nzakwa ni.

Suna Yuhwana 2:21

Zlanaŋ zla yu ta fitik ma ŋa mbəɗanaftani ta nzakwa ni, ama va a ta zlaŋta maga tsa sliʼiŋsliʼiŋani ya wa.

Suna Yuhwana 2:5

Havak hava, ka ma vəl ga zlambuta ka ya. Ka payanata ka ta nzakwa gha, ka vranafta ka ta nzakwa gha manda va ya si ghalya. Ka kwalaghu kwala ka ta mbəɗanafta nzakwa gha katsi, dzaʼa lagha la yu da slaghaghata, ŋa klaghuta pitirla gha ma vla ni.