Mata 27:53 - Hdi

⁵³ Tahula sliʼagapta Yesu, sliʼagapta hahəŋ ma kulu, ka laghu həŋ da luwa Ursalima ta nzakway ka luwa nda ghuɓa. Nda ndəgha mnduha ta nghaŋta həŋ hada.

Mata 27:53 Mawu Ofanana

Nəhemiya 11:1

Ka nzatá maliha ta ghəŋa mnduha ma Ursalima. Ka vzaftá hamata mnduha ta vindima ŋa zbagaghatá ya turtuk maghwaŋ ŋa nzata ma Ursalima, luwa ya nda fa ŋa Lazglafta, ta nzatá tsa pɗakwa taŋ təmbay ya ma sanlaha ma luwa.

Danyel 9:24

Tsanaf tsa Lazglafta ta luma ndəfáŋ mbsak ta mnduha gha, nda ya ŋa luwa gha nda ghuɓa. Ɗina tsa fitik ya, ŋa hluta ghwaɗaka skwi, ŋa kwala dmaku kul haɗ, ŋa slərɓaptá zughu ma krughuvi ŋa klaktá nzaku tɗukwa ŋa ɗekɗek, ŋa ŋərzlanatá tsa skwi manda skwi ma suni, nda gwaɗa ya mna la anabi ya, ŋa fəglaghutá nda ma pghanaghatá rɗi ta tsa vli ta ghuɓuta ya.

Mata 4:5

Ka klaghatá halaway ta Yesu da Ursalima luwa ya nda ghuɓa. Ka kladaftá tsi ta bɗəma həga Lazglafta.

Suna Yuhwana 11:2

Ka zlanata ka ta gra rmakani. Yaha ka da grafta, kabga zlanaŋtá gwal kul nzakway ka la *Yahuda lu ta tsaya. Hahəŋ gwal dzaʼa diŋla luwa nda ghuɓa ka tili fwaɗ mbsak his mida.

Suna Yuhwana 21:2

Ka gi nghaŋtá yu ta saha luwa dagala nda ghuɓa, ta nzakway ka luwa Ursalima ta luwa daga da Lazglafta. Nda rka rka ni manda makwa ta dzaʼa da zəʼal.

Suna Yuhwana 22:19

Ka klanaghukla mndu ta sana skwi mataba gwaɗaha ma na defteri ta nzakway ka tsghatá lwa Lazglafta na katsi, dzaʼa klanaghukla Lazglafta ta mayaka ni ma yakwa tsa fwa hafu ya, nda ya nda tsa luwa nda ghuɓa ya, manda va ya nda vinda ma na defteri na.