Mata 27:25 - Hdi

²⁵ « Ka la usa ni ta ghəŋa aŋni nda zwana ŋni tani! » ka həŋ hlaftá wi.

Mata 27:25 Mawu Ofanana

2Sam 1:16

Ka Dawuda ta ghəŋa tsa mnda la Ghamalek ya mantsa: « Ta ghəŋa gha ka usa gha, kabga kagha ta mnaŋta nda wa gha, graf gra ka guli kazlay na: Kagha ta dzatá mndu ya nda fa ka ŋa Yawe nda ma pghanaghatá rɗi! kəʼa, » kaʼa.

1Mgh 2:32

Dzaʼa vranaf vra Yawe ta usa ni ta ghəŋa ni, kabga valafta ni ta mnduha his malaghu tɗukwata həŋ nda ŋərmata həŋ ka tsatsi, ka pslatá tsi ta həŋ nda kafay kul snaŋtá Dawuda, da ɗa ya. Ta gwaɗ ta ghəŋa i Avner, zwaŋa Ner, mala gwal vula la Israʼila, nda Ghamasa, zwaŋa Yeter, mala gwal vula la Yuda yu ta tsa gwaɗa ya.

Sabi 20:5

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Mbsak 35:33

Yaha kuni da niŋta ka dzibata haɗik ta haɗik ya hada kuni, kabga pghiŋtá us ná, nda nza ka skwi ta niŋtá haɗik ka dzibata haɗik. Laviŋ a lu ta slərɓanaptá zughu ta haɗik pghaf lu ta us tida wu, ba nda usa mndu ta pghiŋtá tsa us ya.

Mata 21:44

[Tsa mndu dzaʼa zləmbafta ta tsa pala ya, dzaʼa hurɓə hurɓa. Ala, ka tsa pala ya ta zləmbanaghatá mndu katsi, dzaʼa huʼanap huʼa ŋərɗək ta tsa mndu ya.] »

Slna gwal ghunay 18:6

Ka gruŋtá la Yahuda ka rarazay. Mbaɗa Pwal ka tukwanatá rgitika lguta ni ta həŋ. Kaʼa nda həŋ mantsa: « Ta ghəŋa ghuni ka skwa ghuni, daga ndana nda sliʼa yu təv gwal kul nzakway ka la Yahuda, » kaʼa.

Slna gwal ghunay 5:28

« Lmaf a ŋni ta kaghuni ka taghəgəltá skwi ŋa mnduha nda hga tsa mndu ya kay ra? Wana ndanana, tiŋtá kuni ta tagha skwa ghuni ma luwa Ursalima. Ta kumay kuni ta vzaŋnamtá tɓaŋ ma lwi ta gwaɗa ta mtakwa tsa mndu ya, » kaʼa nda həŋ.

Slna gwal ghunay 7:52

Wati ma anabi ya kul ganaptá dzidzíha ghuni ta iri na? Ta psla psla həŋ ta gwal ya ta mna gwaɗa ta ghəŋa mndu ta nzakway tɗukwa. Ta na fitik na guli, ka skwaptá kaghuni ta tsa mndu tɗukwa ya ka dzata.

Vrafta ta zlahu 19:10

Manda tsaya, pghiŋta a lu ta usa mndu kul haɗ dmakwa ni ta haɗik ya vlaghuna Yawe, Lazglafta ghuni ka skwa za həga ghuni wu, kabga yaha tsa us ya vrafta ta ghəŋa ghuni.

Vrafta ta zlahu 19:13

Yaha kuni da tawa hiɗahiɗa tida. Mantsa ya dzaʼa kliŋta kuni ma Israʼila ta dmakwa pghiŋta usa mndu kul haɗ dmakwa ni, ŋa nzata ghuni ləŋləŋ mida. »

Yəhusuwa 2:19

Ka sab sa dər wa tsi ma həga ga ghuni dzibil katsi, ta ghəŋa ni turtukwa ni usa ni, haɗ dmakwa aŋni wa. Ama ka faf fa lu ta dzvu ta mndu ta nzaku kawadaga nda kagha ma həga gha katsi, ta ghəŋa aŋni usa ni guli.