Mata 27:24 - Hdi

²⁴ Nghay Pilat ná, zlramta a mataba taŋ wu, ta sgaku nda sga sliʼavafta ŋuɗufa mnduha, ka taʼatá tsi ta imi, « wya dzva ɗa, wya dzva ɗa, » kəʼa mbaziŋtá dzva ni ta kəma mnduha. « Sab sa dzva ɗa ta ghəŋa gwaɗa ta na mndu na, dzik nda kaghuni tsa, » kaʼa.

Mata 27:24 Mawu Ofanana

Mata 26:5

Ama ka həŋ mantsa: « Yaha da nzakway baɗu fitika skala Pak tama, kabga yaha da sliʼanaftá ŋuɗufa mnduha, » ka həŋ.

Mata 27:19

Ta nzaku Pilat ma vla tsa guma tama, ka ghunafta markwa taŋ ta mndu ŋa mnanata kazlay: Ma fam ka ta ghəŋa gha ma gwaɗa ta na mndu kul haɗ dmakwa ni na. Ya ghuy ghuya yu ta ɗaŋwa katakata ta ghəŋa na mndu na ma suna ɗa ta na rviɗik gita u na kəʼa.

Mata 27:23

« Nahgani va skwi maga tsi? » ka ŋumna nda həŋ. « Zləŋafta ta udzu! Zləŋafta ta udzu! Zləŋafta ta udzu! » ka həŋ hlaftá wi nda mbraku.

Mata 27:4

« Gaga yu ta dmaku ta vlatá mndu kul haɗ dmakwa ni ŋa dzata, » kaʼa nda həŋ. « Nu gwaɗa aŋni! Dzik nda kagha tsaya, » ka həŋ nda tsi.

Mata 27:54

Nghay mghama sludza la Ruma nda sanlaha ma sludzi kawadaga nda tsi ta ngha Yesu ta tsa gigɗavafta haɗik, nda tsa skwi ta magaku ya ná, ka ksutá zləŋ ta həŋ katakata. « Kahwathwata ná, Zwaŋa Lazglafta na mndu na, » ka həŋ.

Mata 27:9

Tsaya dzatá ghəŋa skwi ya mna anabi Yirməya kazlay: Ka klaftá həŋ ta tsa sulay hkən mbsak ya, tsa mbsaka tsedi kura la Israʼila ta planata ya,

Yuhwana 13:9

Kaʼa mantsa: « Mghama ɗa! Səlaha ɗa kweŋkweŋ a dzaʼa ka mbazihata tama wu, nda dzvuha ɗa nda ghəŋa ɗa tani, » ka Simuŋ Piyer nda tsi.

Yuhwana 19:4

« Ndana tama wana yu dzaʼa kləgaghunapta dzibil, kada grafta kuni kazlay: Slanagha a yu ta sana skwi prək ka dzatá na mndu na wu kəʼa, » ka Pilat səglap dzibil slanaghatá la Yahuda.

Slna gwal ghunay 3:14

Kaghuni, vziŋ vza kuni ta mndu ya nda ghuɓa, mndu ya tɗukwa, ka laghu kuni ɗawaftá zlighunista mndu ya ta pslatá mnduha.

2Kwa 5:21

Walaŋ a Yesu Kristi ta gatá dmaku wu, ka nanaftá Lazglafta ka dmaku ta ghəŋa gwaɗata amu, ŋa nzakwa mu ma ndiʼatá vgha mu nda tsi, ka gwal tɗukwa ta wa ira ni.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.