Mata 26:41 - Hdi

⁴¹ Nzawa nza ndiri ka ndəɓa kuni ta dzvu, kada ŋaŋta kuni ta skwi dzaʼa dzəghaghunata. Ta kumay kuni ta maga skwi ɗina mndani, ama haɗ mbrakwa sluʼuvgha ghuni wu, » kaʼa.

Mata 26:41 Mawu Ofanana

Mata 24:42

Ka si mantsa tsi, nzawa nza hzleŋa, kabga sna a kuni ta tsa fitik dzaʼa kəl mghama ghuni ka sagha ya wa.

Mata 25:13

Ka *Yesu sganaghata mantsa: « Nzawa nza hzleŋa, kabga sna a kuni ta tsa fitik ya, ka ta wati luwa tsi wu, » kaʼa.

Mata 26:38

Kaʼa nda həŋ tama mantsa: « Tɗatɗa ŋuɗufa ɗa manda skwi dzaʼa dzihata. Nzawa nza hadna, ka nzata kuni ndiri kawadaga nda iʼi, » kaʼa.

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Markus 14:38

Nzawa nza ndiri, ka ndəɓa kuni ta dzvu yaha kuni da zləmbamta ma ghwaɗaka skwi dzaʼa dzghaghunata, » kaʼa nda Piyer. « Nda sna yu ta kumay ŋuɗufa ghuni ta maga skwi ɗina, ama haɗ mbrakwa sluʼuvgha wa, » kaʼa nda həŋ.

Lukwa 11:4

plaŋna pla ta dmakwa ŋni, manda ya ta plinista aŋni ta dmakuha gwal ta magaŋnata guli. Ma zlaŋna ka tawa skwi dzaʼa dzəghaŋnata,” » kaʼa.

Lukwa 21:36

Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

Lukwa 22:40

Manda ɓhadaghata ni da tsa vli ya, « magawa maga ta duʼa kada kwala kuni ta zləmbuta dzəghaghunar skwi, » kaʼa nda həŋ.

Lukwa 22:46

« Kabgawu ta kəl kuni ka hani na? Sliʼafwa sliʼa, magawa maga ta duʼa kada kwala kuni ta zləmbuta dzəghaghunar skwi, » kaʼa nda həŋ.

Lukwa 8:13

Sanlaha ma mnduha guli ná, manda kluluh rkaf hulfa tida həŋ, snaŋta taŋ ta gwaɗa Lazglafta, gi zlghafta taŋ nda rfu, ama haɗ həŋ ta zlaŋtá vli ŋa dzugwamta tsa gwaɗa ya ta slrəŋ ma ŋuɗufa taŋ wa. Ka dzəghaŋ dzəgha skwi ta həŋ, gi suwak zlaŋta taŋ ta zlghay nda ŋuɗufa taŋ.

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

1Kwa 10:13

Inda tsa dzəghuha ta grughunusta ya ná, dzəghuha ta raŋtá mnda səla ya. Lazglafta ná, ŋərma mndu ya. Haɗ dzaʼa zlaŋtá dzəghə ŋa dzəghaghunata ka malaghutá mbrakwa ghuni, da traptá kuni ta spafta wa.

1Kwa 16:13

Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

1Kwa 9:27

Ta zlahay yu ta ghəŋa ɗa ka ghuya ɗaŋwa ŋa ni, kada kwala vərɗa iʼi ta dəɗaghuta nda hul tahula mnanata iʼi ta *Lfiɗa Gwaɗa ta sanlaha.

Galat 5:24

Gwal ta nzakway ka ŋa *Yesu *Kristi ná, dza dza hahəŋ ta udza zləŋay ta skwiha ta kum sluʼuvgha, nda ghwaɗaka skwiha kavghakavgha ta mamə həŋ.

Afisus 6:18

Ma inda tsa skwiha ta mag kuni ya, magawa maga ta duʼa da Lazglafta, ɗawawa ɗawa ta kataghunatani inda fitik manda ya dzaʼa pghə Sulkum nda ghuɓa ta kaghuni. Nzawa nza ndiri, yaha kuni walaŋta zlaŋtá maga duʼa. Magawa duʼa inda fitik ta ghəŋa mnduha Lazglafta.

1 Piyer 4:7

Ndusak ndusa kɗavakta fitika inda skwi. Nzawa nza hzleŋa nda ɗifil ma ghəŋ, ŋa ŋavata ghuni ma maga duʼa.

1 Piyer 5:8

Nzawa nza hzleŋa nda ɗifil, kabga ta pgha buɗukwa ghuma ghuni halaway manda rveri ta hurgu ta zba skwi ŋa dughwaɗuta ni.

2 Piyer 2:9

Tsaya tama ná, nda sna Mgham Lazglafta kəʼa ta hligiŋtá tɗukwa mnduha ma skwi ta dzəghaŋtá həŋ. Nda sna guli kəʼa ta pghaghutá gwal ta maga ghwaɗaka skwi ŋa ganaptá iri ta həŋ baɗu fitika tsa guma.

Suna Yuhwana 16:15

« Wya yu ta lagha manda ghali. Rfu da mndu ya ta nzata hzleŋa, ta ngha lguta ni da mbaɗ tsi ta mbaɗa ka fərdiʼu, da ksutá tsi ka hula da mnduha, » ka Mgham.

Suna Yuhwana 3:10

Manda va ya ŋana kagha ta gwaɗa ɗa ka gɗavata mida ya, dzaʼa ŋa gha ŋa iʼi ta kagha guli ma ghuya ɗaŋwa dzaʼa dəɗanaghatá inda ghəŋa haɗik ŋa dzəghaŋtá həŋ ya.