Mata 26:24 - Hdi

²⁴ Dzaʼa laghulani *Zwaŋa mndu manda ya nda vinda ma gwaɗa Lazglafta ta ghəŋa ni. Ama ɗaŋwa ŋa mndu dzaʼa vlatá Zwaŋa mndu ma dzvu ŋa mnduha. Ta draŋ ya má kwal lu kul yatá tsa mndu ya, » kaʼa.

Mata 26:24 Mawu Ofanana

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Danyel 9:26

Tahula tsa luma mkuʼ mbsak his mida ya, dzaʼa dza dza lu ta tsa mgham ta zlagapta pghanagha lu ta rɗi ya. Haɗ mndu dzaʼa mista ni wu. Tahula tsa, ŋa sagha sana mgham nda sludziha ni vlunduɗ zaɗanatá luwa nda vli ya nda ghuɓa. Dzaʼa gi sagha sa kɗavakta ni nda ndaghatá vli da imi. Ama ha kɗavakta ni dzaʼa vulay ta vulu, dzaʼa zaɗana zaɗa ta inda skwi manda ya kura lu.

Mata 18:7

Ɗaŋwa ŋa ghəŋa haɗik ta nzakway ta zlazlambiŋtá mndu! Aŋ mndani, nda nza tkweʼ ka nzakwa skwiha ta zlambiŋtá mndu. Ama ɗaŋwa ŋa mndu ya ta sagha tsa zləmbaku ya nda da tsatsi.

Mata 26:31

Ka *Yesu nda həŋ mantsa: « Ta na rviɗik gitaʼuna, dzaʼa hwayaghu hwaya kuni ka zlihata. Ka lu vindafta ma defteri Lazglafta na: Dzaʼa dza dza lu ta mnda ngha tuwak, ŋa gazlata tuwakha demdem ta bra.

Mata 26:54

Kinawu tama dzaʼa nzakwa dzata ghəŋa skwi ya nda vinda ma deftera Lazglafta ta mnay kazlay: Mantsa ya dzaʼa magakwa tsi kəʼa ya? » kaʼa.

Mata 26:56

Kəl na skwiha na ka magaku ná, nda nza ŋa dzanaghata ghəŋa skwi ya vindaf la anabi ma deftera Lazglafta, » kaʼa. Ka gi hwayaghutá inda duhwalha Yesu krawats ka zlanavata.

Markus 14:21

Wya teʼuwa, *Zwaŋa mndu ná, dzaʼa mtaku manda ya nda ghada vindata ni ma gwaɗa Lazglafta. Ama ɗaŋwa ŋa mndu dzaʼa vlata Zwaŋa mndu ma dzva mnduha ŋa dzata. Dər ya má kwal lu yatá tsa mndu ya, » kaʼa nda həŋ.

Markus 9:12

Ka Yesu nda həŋ mantsa: « Aŋi, dzaʼa tiŋlaghu tiŋla Iliya ta saha ŋa payanatá inda skwiha. Ama kabgawu vindafta lu ta ghəŋa Zwaŋa mndu kazlay: Dzaʼa ghuyay ta ɗaŋwa katakata, ɗvəta a lu wu kəʼa?

Lukwa 22:22

Wya teʼuwa dzaʼa mtaku *Zwaŋa mndu manda ya ghada Lazglafta ta mnata, ama ɗaŋwa ni ma mndu dzaʼa vlatá Zwaŋa mndu ma dzva mnduha ŋa dzata! » kaʼa.

Lukwa 24:46

Kaʼa nda həŋ guli mantsa: « Wya ka lu vindafta: Dzaʼa ghuyay *Kristi ta ɗaŋwa, ŋa sliʼagaptani ma mtaku nda hafu baɗu mahkən.

Yuhwana 17:12

Ma tsa nzakwa ɗa kawadaga nda həŋ ma ghəŋa haɗik ya ná, si ta nghay yu ta həŋ nda mbrakwa gha ya vliha ka. Ŋana ŋa yu ta həŋ, haɗ ya ta zaɗavaghuta wu, ba ya ta nzakway nda fa ŋa zwaɗuta, ŋa kɗiŋtá skwi ya nda vinda ma defteri yeya ta zaɗapta.

Yuhwana 19:24

« Ma kwahanap mu ta na sɗakw na, vzamavza ta vindima ŋa ngha mndu dzaʼa zuta, » ka la sludzi mataba hahəŋ hahəŋ. Tsa skwi maga la sludzi ya ná, maga maga həŋ manda skwi nda vinda ma defteri kazlay: Ka daganaptá həŋ ta lgutha ɗa, ka vzə həŋ ta vindima ta ghəŋa sɗakw ɗa kəʼa ya, tsaya skwi maga la sludzi.

Yuhwana 19:28

Tahula tsa, manda snaŋta *Yesu kazlay: Nda kɗa inda skwi tama kəʼa, « ndala ta kuzlihata! » kaʼa, ŋa nzakwa ni manda ya nda vinda ma defteri.

Slna gwal ghunay 2:23

Vlaghuna vla lu ta tsa mndu ya ma dzva ghuni. Nda sna Lazglafta manda va tsaya dzaʼa nzakwa tsi kəʼa, ta kuratá tsi. Ka zləŋaftá kuni ta Yesu. Ma zləŋafta ghuni nda ma dzva gwal kul zləŋa Lazglafta.

Slna gwal ghunay 28:23

Ka tsaftá həŋ ta sana fitik tama ŋa gwayavata taŋ. Baɗu tsa fitik ya, ka sliʼaftá ndəghata həŋ ka lagha slanaghatá Pwal ma vla nzakwa ni. Ka zlraftá Pwal ta paslay, ka mnay ŋa taŋ ta gwaɗa ta ga mgham Lazglafta, daga ga sərɗək, ha tekulemes fitik, ŋa tɗakta ghunislaka taŋ ta ghəŋa gwaɗa ta *Yesu. Ka mnə tsi ta gwaɗa ma deftera zlaha Musa, nda ya ma deftera la anabi, ŋa taŋ.

Slna gwal ghunay 4:28

Skwi ya kumaŋ ka, ghada ka ta fata nda mbrakwa gha maga həŋ.

1Kwa 15:3

Tsa ŋərma skwi tiŋlaghu yu ta taghaghunafta ya, tsaya zlghaf iʼi kazlay: Mtu mta *Kristi ta ghəŋa dmakwa mu kəʼa, manda ya mnə deftera Lazglafta.