Mata 24:45 - Hdi

⁴⁵ « Wa na ŋərma kwalva nda hiɗa fanam daŋahəga ni həga ni ma dzvu ta inda gwal ksanata slna, ŋa nghapta ni ka həŋ ka dgay ni ta skwa zay ŋa taŋ nda fitika ni na na?

Mata 24:45 Mawu Ofanana

Sabi 36:4

Ka zlaŋtá inda tsa mnduha ta vivɗa ta maga inda slnaha kavghakavgha ta həga nda ghuɓa ya ta slnaha taŋ, ka lagha.

Mata 10:16

« Wana yu ta ghuna kaghuni manda tuwakha da taba kramtak mtakha. Ka nzata kuni nda hiɗa manda nahaɗik, manda ghərbuʼ kul haɗ gwaɗa ta ghəŋa ni ya ká kuni da nzata guli.

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Mata 24:46

Rfu ŋa tsa kwalva dzaʼa sagha daŋahəga ni həga ni slanaghata ta magay magay ta tsa slna ya.

Mata 25:2

Mataba taŋ, hutaf gwal kul hiɗaku, hutaf gwal nda hiɗa.

Mata 25:21

Ka daŋahəga ni həga ni nda tsi mantsa: “Ɗina tsa, ŋərma kwalva ka! Manda va tsa nzakwa gha ka ŋərma mndu ma skwi kwitikw ya, ta vlagha vla yu ta skwi dagala. Saghu sa gha da rfu kawadaga nda iʼi,” kaʼa.

Mata 25:23

Ka daŋahəga ni həga ni nda tsi mantsa: “Ɗina tsa, ŋərma kwalva ka. Manda va tsa nzakwa gha ka ŋərma ni ma skwi kwitikw ya, ta vlagha vla yu ta skwi dagala guli. Saghu sa gha da rfu kawadaga nda iʼi,” kaʼa.

Mata 7:24

« Mantsa tama, dər wati ma mndu ta snaŋtá na gwaɗa ta mnə yu na, ka ksa slna nda tsi, dzaʼa nzakway tsa mndu ya ka gragra nda sana mndu nda hiɗa ta baftá həga ni ta kutumba.

Lukwa 19:17

“Ɗina tsa, vərɗa kwalva ka. Fitika tsa nzata gha ka vərɗa mndu ma skwi kiʼa ya, ka ŋumna ta ghəŋa luwaha ghwaŋ ta famta yu ta kagha,” ka tsa mgham ya nda tsi.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

1Tim 1:12

Ta rfay yu ta *Yesu *Kristi Mghama mu, ta vlihatá mbraku prək maga slna ɗa. Ta rfay yu ta ghəŋa vəl klafta ni ta iʼi ka mndu nda ra ŋa faftá ghəŋ tida, ŋa maganatá slna.

2Tim 2:2

Skwi ya snaŋ ka da iʼi ta kəma ndəghata masləmtsəkha ya, taghanaf tagha ta ŋərma mnduha ta laviŋtá taghanaftá sanlaha guli.

Hebru 3:5

Musa ná, ŋərma mndu ya ma slna si ta mag tsi ma inda həga Lazglafta. Slənani ná, mnanaŋtá mnduha ta skwiha má dzaʼa mnə Lazglafta ya.

Suna Yuhwana 2:13

Nda sna yu kazlay: Ma vla ga mghama halaway nzata ka kəʼa. Kulam nda tsa, ndiʼaf ndiʼa ka ta vgha ta iʼi. Zlana a ka ta zlghay nda ŋuɗufa gha, dər ma fitika dzata Aŋtipas ta nzakway ka ŋərma mndu, ka masləmtsəka ɗa ma luwa ghuni, ma vla nzakwa halaway ya wa.

Rut 2:6

Ka tsa mali ta ghəŋa gwal ta tska skwi ta vwah ya mantsa: « Makwa la Muwav ya, tsa marakw ta vragaghata kawadaga nda Naghumi si ta haɗika Muwav ya.