Mata 23:34 - Hdi

³⁴ Tsaya tama ná, dzaʼa ghunaghunafghuna yu ta la anabi, nda gwal nda ɗifil da həŋ, nda gwal tagha zlahu. Dzaʼa pslata nda psla kuni ta sanlaha, dzaʼa zleŋafta nda zləŋa kuni ta sanlaha, dzaʼa sləvapta nda sləva kuni ta sanlaha ma həga tagha skwa ghuni, dzaʼa zbiŋ zba kuni ta həŋ ma inda luwaha, ka giri ŋa taŋ.

Mata 23:34 Mawu Ofanana

2Mgh 21:10

Ka Yawe mnata nda ma wa kwalvaha ni la anabi mantsa:

2Rus 24:21

Ama ka gwaftá həŋ ta wi tida, ka zlambata ta gwaɗa mgham ta mnanaftá həŋ, ma daɓa həga Yawe.

Mata 10:23

Ka ta giri lu ŋa ghuni ma sana luwa katsi, ka hwaya kuni da sana luwa. Kahwathwata ka yu ta mnaghunata, ma kɗaku kuni ka ranaftá inda luwaha la Israʼila ná, dzaʼa vragagha vra *Zwaŋa mndu.

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Mata 23:31

Ma tsa mnay ta mnə kuni mantsa ya ná, maraŋ mara kuni kazlay: Zivira tsa gwal ta zaɗanatá la anabi ya kuni kəʼa.

Lukwa 24:47

Dzaʼa mnay lu tkweʼ nda hga ni ŋa inda mndəra mnduha ka mbəɗanafta həŋ ta nzakwa taŋ, ŋa planata Lazglafta ta dmakwa taŋ. Tiŋəl ma luwa Ursalima dzaʼa zlrafta lu ta mnay.

Yuhwana 16:2

Dzaʼa taliŋ tala lu ta kaghuni ma həga tagha skwa la *Yahuda. Tsa yeya a va ni wu, ta sagha sa fitik dzaʼa kəl mnduha dzaʼa pslatá kaghuni ka ndanay kazlay: Na skwi maga mu na ná, maga maga mu ta skwi ta zɗəganatá Lazglafta kəʼa.

Yuhwana 20:21

« Ka nza zɗaku kawadaga nda kaghuni. Manda ya ghunaf Da ta iʼi ya, mantsa ya ta ghuna iʼi ta kaghuni guli, » ka Yesu nda həŋ guli.

Slna gwal ghunay 1:8

Kaghuni, dzaʼa mutsay kuni ta mbraku sarə Sulkum nda ghuɓa ta ghəŋa ghuni. Ŋa nzakwa ghuni ka masləmtsəka ɗa ma luwa Ursalima, nda ya ta haɗika Zudiya, nda ya ta haɗika Samari, nda ya ta kɗavakta ghəŋa haɗik demdem, » ka *Yesu nda həŋ.

Slna gwal ghunay 11:27

Ma tsa fitik ya, ka sliʼaftá la anabi ma luwa Ursalima ka laha da luwa Aŋtakiya.

Slna gwal ghunay 12:2

Ka dzatá tsi nda kafay ta Yakubu, zwaŋama ni ma Yuhwana.

Slna gwal ghunay 13:1

Ma Igliza luwa Aŋtakiya ná, mamu la anabiha nda gwal ta tagha skwiha ŋa mnduha. Hahəŋ na i Barnabas, nda Simeyuna ta hgu lu ka mnda ŋəra ya, nda Lukiyus mnda la Sireŋ, nda Manaheŋ ta glafta kawadaga nda Hiridus, ya si ta ga mgham ta haɗika Galili ya, nda Sawul.

Slna gwal ghunay 14:19

Ta ma tsa gwaɗa ya həŋ, ka sliʼadaghatá la *Yahuda ma luwa Aŋtakiya nda gwal ma luwa Ikwaniya, da baraftá tsa tskata mnduha ya. Ka zləzlərtsə lu ta Pwal ma ŋa dzata. Zlah nda mta tama ka lu ka tsəhidiŋta tahula luwa ta wa mazawa.

Slna gwal ghunay 15:32

I Yuda nda Silas ta nzakway ka la anabi ya, ka nzəɗavata həŋ ta mna gwaɗa ŋa taŋ ŋa lɓa ŋuɗuf ŋa taŋ, ka mbra həŋ ma zlghay nda ŋuɗuf.

Slna gwal ghunay 5:40

Ka hgəgladamtá həŋ ta tsa gwal ghunay ya da həga, ka ɗgaptá həŋ. « Yaha yaha kuni walglaŋta gwaɗaŋtá gwaɗa nda hga Yesu, » ka həŋ nda i Piyer.

1Kwa 2:6

Ta mnə ŋni ta gwaɗa ŋa gwal nda sifa ma zlghay nda ŋuɗuf ná, vərɗa ɗifil taghə ŋni, hiɗakwa gwal dagala dagala ma na ghəŋa haɗik ta dzaʼa zwaɗuta na a wa.

1Kwa 3:10

Zɗəɗiŋ zɗa Lazglafta ta huɗi ka thatá yu ta tughwa ni manda vərɗa mnda ba həga, ka lagha sani bay ta ghəŋa ni. Ɗaswa ka mndu dzaʼa bay ta ghəŋa ni tama.

Kwalus 1:28

Tsa Kristi ya ta mnə ŋni ta gwaɗa ta ghəŋa ni, ka vla hiɗaku ŋa inda mndu, nda tagha skwi nda ɗifil ya laviŋ lu ya, ŋa nuta inda mndu ka mndəra mnduha ma Kristi.

1Tes 2:16

Ta kumay həŋ ta pyaftá aŋni ta mna gwaɗa Lazglafta ŋa gwal kul nzakway ka la Yahuda, yaha həŋ da mbafta. Ndanana, hɗanam hɗa həŋ ta dmakwa taŋ, ka kɗavakta tsi nda ɓasafta Lazglafta ta ŋuɗuf ta ghəŋa taŋ.

Hebru 11:37

Nda pala zlazlərtsata lu ta sanlaha ka pslatá həŋ, ɗatsanap nda ɗatsa lu ta sanlaha, tsasla nda kafay lu ta sanlaha, ka pslatá həŋ. Hwayapta ka ra vli ŋa sanlaha, ka nutá həŋ ka pɗu ka kla huta ta tuwak nda ŋa gu ta vgha. Ka ghuyanaptá lu ta ɗaŋwa, ka ganaptá lu ta iri ta həŋ.

Suna Yuhwana 11:10

Ŋa rfay mnduha ma ghəŋa haɗik ta rfu katakata, ka vavalaku, ka mbahuvtá vgha ta ghəŋa rwatá tsa mnduha ya, kabga Ganap ga həŋ ta iri katakata ta mnduha ta ghəŋa haɗik.