Mata 23:14 - Hdi

¹⁴ « Ɗaŋwa ŋa ghuni gwal tagha zlahu ŋa mnduha nda la Farisa. Tsa maɗgwirmaɗgwira ghuni ya. Kaghuni ta hluguduŋtá skwa miʼa wadgu. Ka va slriŋtá maga duʼa ŋa nghay wa ira mnduha. Tsaya tama dzaʼa kəl lu ka tsaghunaghatá guma ka malaghutá mbraku.

Mata 23:14 Mawu Ofanana

Sabi 22:22

Ka ta giri kuni ŋa taŋ, dzaʼa hgiha hga həŋ ŋa kataŋtá həŋ. Iʼi, kahwathwata dzaʼa sna sna yu ta tawa taŋ.

Mata 11:24

Tsaya ta kəl yu ka mnaghunata kazlay: Baɗu tsay dzaʼa tsə Lazglafta ta guma ta ghəŋa mnduha ná, ta dər dər ŋa luwa Sədum dzaʼa nzakwa tsi ka ŋa gha kəʼa. »

Mata 23:13

« Ɗaŋwa ŋa ghuni gwal tagha zlahu ŋa mnduha, nda la *Farisa. Tsa maɗgwirmaɗgwira ghuni ya. Mbaɗa ka kuni ka hanaftá tgha ga mghama Lazglafta ta mnduha. Lam a vərɗa kaghuni wu, zlanaŋ a kuni ta tvi ta gwal ta kuma lami guli wa.

Mata 23:33

Nahaɗikha! Mndəra la mupuha! Haɗ wa ghuni ŋa ndapta ma tsa guma nda vu ya wa.

Markus 12:40

Hahəŋ gwal ta dghwaɗguduŋtá skwa la wadgu. Zɗəgana zɗa slriŋtá maga duʼa ta həŋ ta kəma mnduha ŋa ghubaŋtá həŋ. Dzaʼa tsanagha tsa lu ta guma ta həŋ katakata, » kaʼa.

Lukwa 12:48

Kwalva ya kul snaŋtá skwi ta kum mghama ni, ka magatá tsi ta skwiha prək ka ɗgapta, kiʼa yeya dzaʼa ɗguŋta lu. Ka dagala vlaŋta lu ta mndu katsi, dagala dzaʼa ɗawa lu da tsi guli. Ka si fərta tani vlaŋ lu ta mndu katsi, fərta tani dzaʼa ɗawu lu da tsi guli, » kaʼa.

Lukwa 20:47

Hahəŋ gwal ta tskugudunustá skwa miʼa wadgu. Ta slriŋslra həŋ ta maga duʼa ŋa ghubu. Dzaʼa tsanagha tsa lu ta guma ta həŋ katakata, » kaʼa.

2Tim 3:6

Mamu sanlaha mataba taŋ ta ra wa tgha, ka dzaʼa da həga da həga ga mndu da gataftá miʼaha kul haɗ mbrakwa taŋ, hbu dmaku ta həŋ, ta zawataku haraʼutiri kavghakavgha ma ghəŋa taŋ.

Titus 1:10

Kəl yu ka mna tsaya ná, kabga nda ndəgha gwal kul haɗ ta sna gwaɗa da mndu, ta tsaɓaku, ta babara mnduha. Wya mal mataba gwal nda tsatsa fafaɗa taŋ na tsa gwal ta maga tsa skwiha ya.

Yakubu 3:1

Zwana ma ɗa, yaha kuni da pghamtá vgha ɓəskaʼ ŋa nzaku ka gwal tagha skwi, kabga mali ta ghəŋa amu dzaʼa tsanaghata lu ta guma katakata.

2 Piyer 2:14

Ta taɗaku ira taŋ ta miʼaha, hərfava a həŋ ma vəl maga dmaku wa. Bla a ta barafta həŋ ta gwal nda hta mbrakwa taŋ ka pghamtá həŋ da dmaku wa. Yukyukyuk ka ira taŋ ta taɗaku ta skwiha. Mndərga tsaha ya ma mnduha ná, nda ghada ksuta guma Lazglafta ta həŋ.

2 Piyer 2:3

Ta taɗaku ira tsa ghwaɗaka mnduha ya ta skwa mndu, ŋa tsakalay taŋ ta wi ŋa gatugadughunustá skwa ghuni. Tsaw nda ghada tsatá guma ta ghəŋa taŋ daga manda ghalya, ta kzlaykzlay zaɗaku ta həŋ.