Mata 20:15 - Hdi

¹⁵ Laviŋ lava yu ta maga skwi manda ya kumaŋ yu nda tseda ɗa, mantsa a kasiʼi wa? Ari zɗəgagha a wa a na skwi ɗina maga yu na ta wa ira gha na?” kaʼa.

Mata 20:15 Mawu Ofanana

Sabi 33:19

Ka Yawe mantsa: « Dzaʼa lab la yu ta kəma gha, ŋa maraghaŋta ɗa ta inda zɗakwa ɗa, dzaʼa mnigiŋ mna yu ta hga ɗa ka “Yawe.” Dzaʼa zɗanaŋ zɗa yu ta huɗi ta mndu ta kum yu ta zɗanaŋta huɗi. Dzaʼa tawa tawa yu ta hiɗahiɗa ta mndu, ya ta kum yu ta tawata hiɗahiɗa tida.

Mata 11:25

Ma va tsa fitik ya, ka *Yesu mantsa: « Ta rfay yu ta kagha Da, Mghama luwa nda haɗik tani, kabga ɗifana ɗifa ka ta na skwiha na da gwal nda ɗifil ma ghəŋa taŋ, nda gwal nda sna ta skwi, ka maranatá ka ta zwani.

Mata 20:14

Zlgha ta nisəla gha, ka sliʼa ka. Manda va ya kumaŋ yu vlaŋta yu ta tsa mndu ta sagha nda hul ya, manda va ŋa gha.

Mata 6:23

Ama ka nda badza ira gha, ma grum inda vgha gha. Ka si ma grum nzakwa tsa tsuwaɗak ma kagha ya katsi, kighkigh dzaʼa tɗikuta tsa grum ya tama! »

Markus 7:22

nda hliri, nda haraʼu ta iri, nda sidi, nda nənɓa mndu, nda kakraŋaku, nda ghudzaku, nda vza rutsak ta mndu, nda gla ghəŋ, nda ga rgha.

Yuhwana 17:2

Vlaŋ vla ka ta mbraku ta ghəŋa inda mnda səla, ŋa vlaŋta ni ta hafu ŋa kɗekedzeŋ ta gwal pgham ka ta həŋ ma dzva ni.

Slna gwal ghunay 13:45

Nghay la Yahuda ta tsa tskata mnduha ya, ka lam həŋ nda draku, ka dzadzə həŋ ta wa i Pwal, ka raraza həŋ.

1Kwa 4:7

Wa ta mnay ŋa gha kazlay: Mal kagha ka sanlaha kəʼa na? Lazglafta a ta vlaghatá inda skwi ra? Ka si Lazglafta ta vlaghata ya ní, kabgawu ta kəl ka ka ghərɓaku manda skwi vlagha nda vla a lu wu ɓa?

Afisus 1:11

Zabap zaba Lazglafta ta amu ŋa nzakway ka mnduha ni ma guyamaftani nda Kristi. Maga maga manda tsaya, kabga tamafta ta imi ta sləməŋ daga manda ghalya. Ka mnaftá tsi ta magakwa inda skwi manda ya kumaŋ tsi,

Afisus 2:1

Ghalya si nda rwa kaghuni ta wa ira Lazglafta, kabga ghwaɗaka skwiha si ta mag kuni.

Afisus 2:5

Kulam nda va tsa rwatá amu, kabga vəl magata mu ta ghwaɗaka skwiha ya ná, ka ɗvaftá tsi ta amu ka vramamta nda hafu kawadaga nda *Kristi. Zɗakatahuɗa Lazglafta kəl kuni ka mbafta.

Vrafta ta zlahu 15:9

Ɗaswa ka kuni, yaha ghwaɗaka ndanu da sliʼafta ma ŋuɗufa ghuni kazlay: “Taghwaŋ a mandəfáŋa vaku ka sagha wu, vakwa hliŋtá dməŋ,” ka kuni, ka mburzuhwa la ghuni ka pɗu, ka kwal vlaŋtá skwi. Dzaʼa wahay ta wahu da Yawe ta ghəŋa kaghuni, ŋa ksafta dmaku ta kaghuni.

Vrafta ta zlahu 28:54

Dər mndu ya ta ɗva ghəŋa ni ta maghən mataba ghuni tsi, dzaʼa nghə nda ghwaɗaka iri ta zwaŋama ni, dər marakw ya ta han kuni ta ghuva nda tsi a tsi, dər zwana ni ta pɗaku a tsi.

Yakubu 1:18

Tsatsi ka ghəŋa ni ta ɗvutá vlamata hafu nda ma gwaɗa ni ta nzakway ka kahwathwata, kada nzakwa mu ka taŋtaŋa ni mataba skwiha ya zlaganap tsi.

Yakubu 5:9

Zwana ma ɗa, ma ŋaɗə kuni ta ghəŋ ta ghəŋa sani nda sani kada kwala lu tsaghunaghatá guma. Ya wya mnda tsa guma ta wa tgha.