Mata 18:31 - Hdi

³¹ Nghay sanlaha ma tsa kwalvaha ya ta tsa skwi maga tsi ya ná, ka kuzlanaftá tsi ta həŋ ta ŋuɗuf katakata. Ka laghu həŋ rusanaftá daŋahəga ni həga taŋ ta inda skwi ta maguta.

Mata 18:31 Mawu Ofanana

Zlrafta 37:2

Wya ka rusa ta ghəŋa mndəra la Yakubu: Magatá ima Yusufu ghwaŋpəɗ ndəfáŋ, ka nghə tsi ta rina fisik kawadaga nda zwana ma ni guli. Ta ka galaɓay, ta nzaku kawadaga nda zwana Bilha nda ya nda zwana Zilpa miʼa da ni. Ka klədanaghatá Yusufu ta lwa sana ghwaɗaka gwaɗa mataba taŋ ta da ni.

Mata 14:9

Suʼanak ka mgham nzata. Ama kabga ghada ghada ta waɗanata, hada tsa gwal hagadagha lu ya kay guli, kaʼa mantsa: « Lawa la da tsagaghata ka vlaŋta kuni, » kaʼa.

Mata 18:28

« Saba tsa kwalva ya manda zliŋtá, ka guyatá tsi nda sana gra ni ya si ta ksə həŋ ta slna kawadaga, nda dməŋa ni da tsi ka sulay dərmək. Ka valaftá tsi tida, ka ksanaftá ŋurzluŋ. “Pliha pla ta skwa ɗa gita gita!” kaʼa nda tsi.

Mata 18:30

“Yaʼ! Ɗva a yu wu, plihata gitagita,” kaʼa. Ka laghu tsi hamtá tsa gra ni ya ma gamak ka kəzla planatani ta tsa dməŋa ni ya.

Mata 18:32

Ka hgadaghata tsa daŋahəga ni həga ni ya, kaʼa nda tsi mantsa: “Ghwaɗaka kwalva ka, zlaghaŋ zla yu ta inda dməŋa ɗa ta kagha kabga ndəɓata gha ta dzvu da iʼi ná,

Markus 3:5

Ka kuzlanaftá tsi ta Yesu ta ŋuɗuf manda waftani ta həŋ, kabga tsa təŋata ghəŋa taŋ ya. Huf safi ta ŋuɗufa Yesu, « tɗap tɗa ta dzva gha gra, » kaʼa nda tsa mndu nda mta dzva ni ya. Ka tɗapta tsi ta dzva ni, gi kundliŋ mbatani tsa.

Lukwa 14:21

Ka vragaghatá tsa duhwal ya dzagha, ka rusanaftá tsi ta mghama ni. Ka ɓasaftá tsa daŋahəga ni həga ni ya ta ŋuɗuf. Kaʼa nda tsa duhwala ni ya mantsa: “La misimmisim ta badawaha nda ya ta pazlalaha ma luwa, ka hagakta ka ta la ka pɗu, nda la marughumha, nda ghulpata mnduha, nda la nda rwa səlaha taŋ,” kaʼa.

Lukwa 19:41

Ndusadaghatani ɗekɗek nda luwa, ka nghanavatá tsi, ka taw tsi ta taw ta ghəŋa ni.

La Ruma 12:15

Rfawa rfa ta rfu kawadaga nda gwal ta rfu. Tawawa tawa ta taw kawadaga nda gwal ta taw guli.

2Kwa 11:21

Ta ksə ka hula mnay ta aŋni, trap tra aŋni ta magay manda tsaya. Ndanana ná, dzaʼa gwaɗay yu ta gwaɗa manda ŋa rgha. Ka si ta ghərɓaku sanlaha ya ná, dzaʼa ghərɓay iʼi guli ta ghərɓaku.

Hebru 13:17

Snawa sna ta gwaɗa da maliha ghuni, ka sna kuni ta skwi ta mnaghunata həŋ. Hahəŋ ta nghapta ka hafa ghuni, kabga dzaʼa zlghay həŋ ta wa ni da Lazglafta. Snawa sna ta gwaɗa da həŋ, ya dzaʼa kəl həŋ ka maga slna taŋ nda rfu, nda ŋa ɗa ghəŋ a wa. Ka nda ŋa ɗa ghəŋ tsi ná, kataghunaftá a tsa wa.

Hebru 13:3

Havapwa hava ka gwal ma gamak, manda skwi kawadaga kuni nda həŋ. Havapwa hava ka gwal ta gə lu ta iri ŋa taŋ, kabga mnda səla kaghuni guli manda va hahəŋ.