Mata 18:28 - Hdi

²⁸ « Saba tsa kwalva ya manda zliŋtá, ka guyatá tsi nda sana gra ni ya si ta ksə həŋ ta slna kawadaga, nda dməŋa ni da tsi ka sulay dərmək. Ka valaftá tsi tida, ka ksanaftá ŋurzluŋ. “Pliha pla ta skwa ɗa gita gita!” kaʼa nda tsi.

Mata 18:28 Mawu Ofanana

Nəhemiya 10:31

Haɗ ŋni dzaʼa vla kwagha ŋni, ŋa gwal ta nzata ta na haɗik na ma fitika hlaghatá mnduha da ga vuʼa wa. Hləta a aŋni guli ta kwagha taŋ ŋa zwana ŋni wa.

Nəhemiya 5:7

Tahula ndananaghata ɗa ta ndanu ná, ka davanaghatá yu ta gwal dagala dagala, nda la mali. Ka yu nda həŋ mantsa: « Ta mbəlay kuni ta zwana ma ghuni, ka fa imi ta ghəŋ nzawa ta tsafta həŋ da kaghuni, » ka yu. Ka hgatá yu ta hgu ŋa tskavata.

Mata 18:27

Ksaŋta tsa kwalva ni ya ka hiɗahiɗa katakata ta tsa daŋahəga ni həga ni ya, ka zlanaŋtá tsi ta tsa dməŋ ya ka zliŋta.

Mata 18:29

Ka zləmbatá tsa gra ni ya ta haɗik, ka ndəɓa dzvu da tsi. Kaʼa mantsa: “Wya dzvu, ksata ŋuɗuf dzaʼa plagha pla yu,” kaʼa nda tsi.

Mata 20:2

Ka dzraftá tsi nda tsa gwal ksa slna ya ta planatá həŋ ka tseda vagha mndu turtuk, ta vagha taŋ. Ka ghunaghatá tsi ta həŋ da vwaha inabi.

Markus 14:5

Ta skwi má ŋa klafta ka skwapta ŋa mutsaftá sulay hkən dərmək, ka daganaftá gwal pɗu ná, » ka həŋ ka ɓasanavatá ŋuɗuf ta tsa marakw ya, ka davay.

Markus 6:37

Ama ka Yesu nda həŋ mantsa: « Vlaŋwa vla kaghuni ɓa ta skwa zay ta həŋ, » kaʼa. Ama ka həŋ nda tsi mantsa: « Ŋa sliʼa ŋni da dzawaktá buradi prək ka tseda vagha mnduha his dərmək ta maga slna, ka valaŋtá həŋ ŋa zay taŋ rki? » ka həŋ.

Lukwa 10:35

Ga mahtsima ni, ka klaftá tsi ta tseda vagha mndu his ta maga slna ka vlaŋtá mndu nda tsa həga ya, kaʼa nda tsi mantsa: “Aʼa, ka nghapta ka ka na mndu na, ka kidaghi dzaʼa sgavaghata ta ghəŋa ni ya, ŋa mnihata gha vragaghar yu, ŋa plaghata ɗa,” » kaʼa nda tsi.

Lukwa 7:41

« Mamu sana mndu ta ɓalanaftá nzawa ta sana mnduha his. Prək ka tseda vagha mnduha hutaf dərmək kəʼa vlaŋtá sani, prək ka tseda vagha mnduha hutaf mbsak kəʼa vlaŋtá sani guli.

Yuhwana 6:7

Ka Filip nda tsi mantsa: « Dər tseda vagha mnduha his dərmək ta maga slna klaf lu ŋa dzawaktá buradi nda tsi ná, slaghu a dər ŋa valaŋtá həŋ kiʼa kiʼa wu, » kaʼa nda tsi.

Vrafta ta zlahu 15:2

Wya ka kuni dzaʼa magay ŋa hliŋtá dməŋ: Inda mndu nda dməŋa ni da zwaŋama ni ka Israʼila, ka zlanaŋta tsi ma fitika hliŋta. Mbləta a ta tsa la taŋ ya ŋa pla tsa dməŋ ya wu, kabga mnaŋ mna lu ta hliŋtá dməŋ manda ya mnaf Yawe.