Mata 17:18 - Hdi

¹⁸ Ka kladanaghatá lu. Ka davanaghatá Yesu ta tsa seteni ya katakata. Ka saghu tsi ma tsa zwaŋ ya, gi ka mbaftá tsa zwaŋ ya hada hada.

Mata 17:18 Mawu Ofanana

Mata 12:22

Ka kladaghatá lu da *Yesu ta sana mndu ksu ghwaɗaka sulkum ta ghulpiŋta, ka tsiŋta ka rgha guli. Ka mbanaftá tsi. Ka gwaɗ tsa mndu ya ta gwaɗa tsəleŋ, ka nghaŋtá tsi ta vli tsiɗiɗ guli.

Mata 15:28

Gi ka Yesu nda tsi mantsa: « Dagala zlghay nda ŋuɗufa gha makwa ɗa, ka maga maga tsa skwi ya, manda ya kumaŋ ka, » kaʼa. Gi ta tsa luwa ya, ka mbaftá tsa makwa ni ya.

Mata 17:17

Ka Yesu mantsa: « Kaghuni mnduha ta na fitik na, haɗ zlghay nda ŋuɗuf da kaghuni wa. Ta maga ghwaɗaka skwi kuni. Ha ŋa yawu dzaʼa gɗavata yu ta vata kaghuni na? Klagaɗighawa tsa zwaŋ ya da hadna, » kaʼa.

Mata 17:19

Ma nzata duhwalha ni kawadaga nda Yesu nda ghəŋa taŋ, ka gavadaghatá həŋ da ɗawaŋta da tsi: « Kabgawu kəl aŋni ka traptá ghəzligiŋtá tsa seteni ya katək na? » ka həŋ.

Mata 9:22

Ka mbəɗavatá Yesu, ka nghanavatá tsi. Kaʼa nda tsi mantsa: « Ŋava ŋa gha makwa ɗa! Zlghay nda ŋuɗufa gha ta mbaghafta, » kaʼa. Gi hada hada ka mbaftá tsa marakw ya.

Markus 1:34

Ka mbambanaftá Yesu ta ndəghata mnduha ma ɗaŋwaha taŋ kavghakavgha, ghazligiŋha ta ndəghata duhwalha halaway guli ma mnduha. Vlaŋ a ta tvi ta tsa duhwalha halaway ya ŋa gwaɗa guli wu, kabga nda sna hahəŋ guli ta nzakwa Yesu.

Markus 5:8

Kəl tsi ka mna tsaya ná, kabga mnana mna Yesu kazlay: Ghwaɗaka sulkum! Sab sa ma na mndu na kəʼa.

Lukwa 4:41

Ka sliʼagaptá duhwala halaway guli nda lili ma ndəghata mnduha. Ta sliʼagaptá həŋ, ka həŋ mantsa: « kagha ná, Zwaŋa Lazglafta ka, » ka həŋ nda tsi. Ka davanaghatá Yesu ta həŋ, ŋa hanaftá wi ta həŋ, kabga nda sna hahəŋ kazlay: Tsatsi *Kristi kəʼa.

Lukwa 8:29

Kəl tsi ka mna tsaya na: Sab sa ma na mndu na ka Yesu dvanaghtá tsa duhwala halaway ya. Tsa mndu ya ná, nda kɗa fitika ksafta tsa duhwala halaway ya. Ma tsa fitika ksafta ni ya, si ta habaf haba mnduha nda ziɗa, ka tsamtá səlaha ni ma tsuhwal, ma ŋa habanata. Ka raratsiŋtá tsi ka ɓaɓaliŋta. Ka klaghatá tsa duhwala halaway ya ka laghu ra vli ma mtak.

Lukwa 9:42

Ta gavadaghatá tsa zwaŋ ya, ka slanatá tsa ghwaɗaka sulkum ya ta haɗik, ka ghudzay nda mbraku. Ka davanaghatá Yesu ta tsa ghwaɗaka sulkum ya, ka mbanaftá tsi ta tsa zwaŋ ya, ka vlaŋtá tsi ta tsa da ni ya.

Slna gwal ghunay 16:18

Nda za fitikha ni ta mna tsa gwaɗa ya tama, ka psanaghatá tsi ta Pwal. « Nda hga *Yesu *Kristi, sab sa ma na makwa na, » kaʼa nda tsa ghwaɗaka sulkum mida ya. Ka gi sab tsi mida hada hada.