Mata 12:32 - Hdi

³² Ka vzaf vza mndu ta rutsak ta *Zwaŋa mndu katsi, dzaʼa plinis pla lu ta dmakwa ni. Ama mndu ta vzaftá rutsak ta Sulkum nda ghuɓa ná, haɗ lu dzaʼa walaŋtá plinistá dmakwa ni, dər ta na zamana na, dər ta zamana dzaʼa sagha wa. »

Mata 12:32 Mawu Ofanana

Mata 11:19

Saghaha *Zwaŋa mndu, ta zay ta skwi, ta say ta skwi, “aʼ mamblahawa ya, dagala sasakwani, aʼ gra gwal tska dzumna, nda gwal dmaku ya,” ka həŋ nda tsi. Kulam nda tsa, ta nghaku ɗifila Lazglafta ma slnaha ni. »

Mata 12:31

Tsaya ta kəl yu ka mnaghunata kazlay: Inda dmaku ta gə mndu, nda rutsak ya ta pghə tsi ta Lazglafta ná, dzaʼa plinis pla lu ta həŋ. Ama mndu ta vzaftá rutsak ta Sulkum nda ghuɓa ná, haɗ lu dzaʼa plinistá dmakwa ni wa.

Mata 12:8

*Zwaŋa mndu ná, tsatsi mgham ta ghəŋa fitika Sabat, » kaʼa.

Mata 13:22

Tsa vli ma teki rkam hulfa mida ya guli ná, tsaya gwal ta snaŋtá gwaɗa Lazglafta, ka laghu həŋ da ndana skwiha ma ghəŋa haɗik, nda skwa gadghəl, ka raghwanatá tsa skwiha ya ta tsa gwaɗa ya ma həŋ, ka niŋtá həŋ ka ksubaŋ.

Mata 13:39

Tsa ghuma ta sləgamta ya guli ná, halaway ya. Tsa tska skwi ta vwah ya, tsaya kɗakwa ghəŋa haɗik. Tsa gwal tska skwi ta vwah ya guli, tsaya duhwalha Lazglafta.

Mata 13:40

Manda va tsa tskaptá rira ŋa driŋta nda vu ya, manda va tsaya dzaʼa nzakwa tsi baɗu kɗavakta ghəŋa haɗik guli.

Mata 13:55

Zwaŋa tsa mndu ta fiɗi ya a tsi kay ra? Mari a ma ni kay guli ra? I Yakubu, nda Yusufu, nda Simuŋ, nda Yuda a zwana ma ni kay ra?

Mata 8:20

Ka Yesu nda tsi mantsa: « Gərhaŋha ná, mamu ghurumha taŋ. Ɗyakha ta ndaraku ta luwa guli, mamu həgaha taŋ. Ama *Zwaŋa mndu ná, haɗ dər vli ŋa fadatani ta ghəŋa ni wu, » kaʼa.

Markus 10:30

dzaʼa kwal kul mutsafta fərta ta sgavaghatani daga ta na zamana mida mu na wa. Dzaʼa mutsay ta həgaha, nda zwana ma, nda kwaghama, nda mamaha, nda zwani, nda haɗikha tani, ama dzaʼa ghuyay ta ɗaŋwa guli. Ma zamana ta sagha guli, ŋa mutsayni ta hafu ŋa kɗekedzeŋ da Lazglafta.

Markus 3:28

Kahwathwata ka yu ta mnaghunata: Inda dmakuha dzaʼa magata mnduha, dzaʼa plinis pla Lazglafta ta həŋ nda inda rarazuha dzaʼa həŋ rarazay tani.

Markus 3:29

Ama inda mndu dzaʼa razanaftá Sulkum nda ghuɓa, plinista a lu ta dmakwa ni ɗekɗek wa. Dzaʼa nzakway dmakwa ni ta ghəŋa ni ŋa kɗekedzeŋ, » kaʼa nda həŋ,

Lukwa 12:10

Mndu dzaʼa vaza ŋazlu ta ghəŋa Zwaŋa mndu, dzaʼa plinis pla lu ta dmakwa ni. Ka Sulkum nda ghuɓa dzaʼa razanafta mndu katsi, haɗ lu dzaʼa plinistá dmakwa ni ɗekɗek wa.

Lukwa 16:8

Hwiɗhwiɗa na mndu na, ka tsa daŋahəga ni həga ya ka ghuba tsa ghwaɗaka mndu ya. Tsaw mal hiɗata mnduha ma na ghəŋa haɗik na nzakwa taŋ mataba taŋ, ka zwana tsuwaɗak, » kaʼa.

Lukwa 18:30

dzaʼa kwal kul mutsaftá skwi dagala ma na zamana na, ŋa mutsafta ni ta hafu ŋa kɗekedzeŋ dazlay wu, » kaʼa.

Lukwa 23:34

Ka *Yesu mantsa: « Da! plana pla ta dmakwa taŋ, kabga sna a həŋ ta skwi ta mag həŋ wu, » kaʼa. Ka vzə həŋ ta vindima ŋa daguvustá lgutha ni.

Lukwa 7:34

Saghaha *Zwaŋa mndu guli, ka zay ka say, “aʼ dagala mahahawʼani, dagala sasakwani, gra gwal tsəka dzumna nda la ghwaɗaka mnduha ya,” ka kuni.

Yuhwana 7:12

Ka sliʼavaftá zlərɗutawi ka ŋɗaŋɗa ta ghəŋa tsatsi mataba mnduha kazlay: Ŋərma mndu ya, ka sanlaha, mnduha ta zaɗiŋta tsi, ka sanlaha.

Yuhwana 7:39

Tsaya ná, ta gwaɗ ta ghəŋa Sulkum dzaʼa tsuʼu gwal dzaʼa zlghaftá tsatsi ta tsa gwaɗa ya. Ta vla a lu ta Sulkum karaku ma tsa fitik ya wu, kabga ta kapanaf a lu karaku ta Yesu ma glakwa ni wa.

Yuhwana 7:52

Ka həŋ mantsa: « Tekw kagha mataba la Galili guli ra? Dzaŋa ta gwaɗa Lazglafta ɓa ka ngha ka, ka dzaʼa slanagha sla ka ta vli ta mna saba anabi ma Galili, » ka həŋ nda tsi. [

Slna gwal ghunay 3:19

Mbəɗanafwa nzakwa ghuni, ka mbəɗavata kuni təv Lazglafta, ka plighunista tsi ta dmakwa ghuni.

Afisus 1:21

Hada ta ga Kristi ta mgham ta ghəŋa inda sulkumha dagala dagala, kabga malaghu mala ta mbrakwa taŋ. Malaghu mala mbrakwa ni ta inda mbraku ya vlaŋ lu ta mndu ŋa ga mgham. Ta ghəŋa gwal vlaŋ lu ta ga mgham ndanana yeya a wu, nda gwal dzaʼa gay ta kəma tani.

1Tim 1:13

Aŋ mndani, nda nza yu ka mndu si ta pgha rutsak tida ghalya, ka mnda giri ŋa ni, ta balanata, ama ka tawatá Lazglafta ta hiɗahiɗa ta iʼi, kabga ma kwala ɗa kul snaŋta si ta maga yu ta tsa skwiha ya. Si haɗ zlghay nda ŋuɗuf da iʼi wa.

1Tim 1:15

Wya tsa vərɗa gwaɗa nda ra ka tsuʼafta inda mndu ya: Sasa Yesu Kristi ta ghəŋa haɗik ŋa mbanaftá gwal dmaku. Iʼi mali mataba taŋ.

1Tim 4:8

Skwi ɗina zavzava ŋa hwaya us ma vgha, ama sira a katu mida wa. Ndiʼatá vgha nda Lazglafta katək na vərɗa skwi ta kata mndu ma inda skwi, kabga da tsatsi na tata imi ta sləməŋ ta ghəŋ nzaku ya ndanana, nda nzaku ya ta kəma.

1Tim 6:17

Mnana mna ta gwal ka gadghəl ma na ghəŋa haɗik na, yaha həŋ da ghərɓaku, yaha həŋ da laghu da faftá ghəŋa taŋ ta gadghəla taŋ ya dzaʼa kwal kul nzəɗavata. Ta Lazglafta ya ta vlamatá inda skwi ka haslay ŋa nzakwa mu nda rfu ka həŋ faftá ghəŋa taŋ.

2Tim 4:10

Wana zliɗiva zla na Demaska, kabga laghu la ɗvutá skwa ghəŋa haɗik, ka sliʼaftá tsi ka laghu da luwa Tesalunik. Laghu la na Kreseŋ ta haɗika Galat, ta laghu Titus ta haɗika Dalmatiya guli.

Titus 2:12

Tsa zɗakatahuɗi vlama Lazglafta ya, ta taghamatá kwal kul mbəɗglanatá hul, ŋa kwal kul maməgəltá skwa ghəŋa haɗik, ŋa nzay mu ta nzakwa mu ma na ghəŋa haɗik na nda hanatá ghəŋ, nda maga skwi tɗukwa, nda sna gwaɗa Lazglafta,

Yakubu 1:27

Wya vərɗa dina ya ta nghə Lazglafta ka dina nda ghuɓa kul haɗ rutsak tida: Nghapta ka zwana tawakri nda wadguha ma ɗaŋwaha taŋ, nda nghay mndu ta ghəŋa ni ma ghwaɗaka skwiha ta ghəŋa haɗik da ŋəriŋta tsi ta ghəŋa ni.