Mata 12:31 - Hdi

³¹ Tsaya ta kəl yu ka mnaghunata kazlay: Inda dmaku ta gə mndu, nda rutsak ya ta pghə tsi ta Lazglafta ná, dzaʼa plinis pla lu ta həŋ. Ama mndu ta vzaftá rutsak ta Sulkum nda ghuɓa ná, haɗ lu dzaʼa plinistá dmakwa ni wa.

Mata 12:31 Mawu Ofanana

La Levi 24:16

Dər wati ma mndu ta razata hga Yawe ná, dzata kahwathwata. Inda guyatá ghəŋa mnduha dzaʼa zlərtsatá nda pala. Dər má mayəm tsi, dər má zwaŋa haɗik a tsi, dzaʼa dza dza lu kabga vəl razata ni ta hga Lazglafta.

Lukwa 12:10

Mndu dzaʼa vaza ŋazlu ta ghəŋa Zwaŋa mndu, dzaʼa plinis pla lu ta dmakwa ni. Ka Sulkum nda ghuɓa dzaʼa razanafta mndu katsi, haɗ lu dzaʼa plinistá dmakwa ni ɗekɗek wa.

Slna gwal ghunay 7:51

Ka Atiyen guli mantsa: « Kaghuni ná, təŋ təŋa ghəŋa ghuni. Ta hgə Lazglafta ta kaghuni ná, duduzla ka kuni nzata, va a kuni ta sna gwaɗa da Sulkum nda ghuɓa manda va tsa nzakwa dzidzíha ghuni ya wa.

Hebru 10:26

Tahula snaŋta mu ta vərɗa tvi, ka gɗata mu ta gəgəltá dmaku ka palama katsi, grafma gra kazlay: Ta haɗ sana skwi dzaʼa vlata lu ŋa pla ghəŋ ŋa hərɗiŋtá dmaku wu kəʼa.

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

Hebru 6:4

Skwi ŋa snaŋta mu na: Nda bla ma mnduha ya si tsuwaɗakanaf tsuwaɗaka Lazglafta, gwal ya ta tapanatá skwi ya vla Lazglafta, gwal ya si ta mutsaftá Sulkum nda ghuɓa ma ŋuɗufa taŋ,

1 Yuhwana 1:9

Ala ka si mnigiŋ mna mu ta dmakwa mu nda wa mu katsi, dzaʼa plimispla Lazglafta ta dmakwa mu, ŋa ghuɓiŋta ni ta inda dmakwa mu, ŋa nzakwa mu tsuweɗek ta kəma ni, kabga tsatsi Lazglafta tɗukwa. Skwi mna tsi ta maga maga manda va tsaya.

1 Yuhwana 5:16

Ka nda ngha mndu ta zwaŋama ni ta ga dmaku, dzaʼa kwal kul klaghata da mtaku ŋa kɗekedzeŋ katsi, ka maga tsi ta duʼa da Lazglafta ta ghəŋa tsa mndu ya ŋa vlaŋta Lazglafta ta hafu. Tsa hafu ya, ŋa gwal ta ga dmaku dzaʼa kwal kul klaghatá həŋ da mtaku ŋa kɗekedzeŋ dzaʼa vla lu. Mamu dmaku ta kla mndu da mtaku ŋa kɗekedzeŋ. Mna a iʼi kazlay: Ka maga kuni ta duʼa da Lazglafta ta ghəŋa mndərga tsaya kəʼa wa.