Mata 11:21 - Hdi

²¹ « Ɗaŋwa ŋa gha luwa Kwariziŋ! Ɗaŋwa ŋa gha luwa Betsayda! Ka má tsa mazəmzəm mag lu ma luwa gha ya, má maga ma luwa Tir, nda luwa Tsiduŋ lu katsi ná, má gitagita a ta mbəɗanaftá həŋ ta nzakwa taŋ ka pghavatá buhu nda hutiɗif ta vgha wa.

Mata 11:21 Mawu Ofanana

Mata 11:22

Tsaya ta kəl yu ka mnaghunata kazlay: Baɗu tsay dzaʼa tsə Lazglafta ta guma ta ghəŋa mnduha ná, ta dər dər ŋa luwa Tir nda luwa Tsiduŋ dzaʼa nzakwa tsi ka ŋa ghuni.

Mata 15:21

Tahula tsa ka sliʼafta *Yesu ma tsa vli ya ka laghwi ta haɗika Tir nda ya nda ta haɗika Tsiduŋ.

Mata 18:7

Ɗaŋwa ŋa ghəŋa haɗik ta nzakway ta zlazlambiŋtá mndu! Aŋ mndani, nda nza tkweʼ ka nzakwa skwiha ta zlambiŋtá mndu. Ama ɗaŋwa ŋa mndu ya ta sagha tsa zləmbaku ya nda da tsatsi.

Mata 26:24

Dzaʼa laghulani *Zwaŋa mndu manda ya nda vinda ma gwaɗa Lazglafta ta ghəŋa ni. Ama ɗaŋwa ŋa mndu dzaʼa vlatá Zwaŋa mndu ma dzvu ŋa mnduha. Ta draŋ ya má kwal lu kul yatá tsa mndu ya, » kaʼa.

Markus 3:8

nda pɗakwa gwal ta haɗika Ursalima, nda gwal ta haɗika Idum, nda gwal ta ɓla ghwa *Yardeŋ, nda gwal ta waftá luwa Tir nda Tsiduŋ tani.

Markus 6:45

Tahula tsa, gi ka mblafta *Yesu ta duhwalha ni ka lam da kwambalu ŋa dzaʼa taŋ ta sana ɓla drəf nda təv luwa Betsayda, ta kəɗ tsatsi ta vriŋtá dəmga ŋa laba tsatsi nda hul nda hul slanaghatá həŋ.

Markus 7:24

Tahula tsa, ka sliʼaftá *Yesu hada ka laghwi ta haɗika Tir nda Tsiduŋ. Ka lam tsi da sana həga. Va a si ta snaŋta mndu kazlay: Waʼa hadya kəʼa wa, ama laviŋ a ta ɗifaghuta wa.

Markus 7:31

Tahula tsa, ka sliʼaftá *Yesu ta haɗika Tir, ka laghu nda ma luwa Tsiduŋ, ka zlagaghatá tsi nda ma *Dekapwalus ŋa vru nda təv drəfa Galili.

Markus 8:22

Mantsa tama ka ɓhadaghatá i *Yesu nda duhwalha ni da luwa Betsayda. Ka kladaghatá mnduha ta ghulpata mndu da Yesu. Ka ndəɓu lu ta dzvu da tsi ŋa ksaŋta.

Lukwa 4:26

Má ŋa ghunafta lu ta Iliya ŋa kataŋta ya dər turtuk ma tsa wadguha la Yahuda ya, ka ghunaftá lu kataŋtá sana markwa wadga ma luwa Sarepta ta haɗika Tsiduŋ.

Lukwa 6:17

Tahula tsa, ka saha həŋ kawadaga, ka sladavatá həŋ ta sana vli ka dandar tskava ŋəɗdəma ta sanlaha ma duhwalha ni, nda ndəghata mnduha ta sliʼakta ma luwa Ursalima, nda sanlaha ta haɗika Zudiya, nda sanlaha guli ta wa drəf ta nzakway ka luwa Tir nda Tsiduŋ.

Lukwa 9:10

Ka varaktá tsa gwal ghunay ya. Manda varakta taŋ, ka rusu həŋ ŋa *Yesu ta inda skwi maga həŋ. Ka hlaghatá Yesu ta həŋ mista ni, ka laghu həŋ nda təv sana luwa ta hgə lu ka Betsayda nda ghəŋa taŋ.

Yuhwana 1:44

Tsa Filip ya ná, mnda luwa Betsayda luwa i Andre nda Piyer ya.

Yuhwana 12:21

Ka həŋ mantsa: « Mghama ɗa! Ta kumay ŋni ta guyata nda *Yesu, » ka həŋ nda Filip ta nzakway ka mnda luwa Betsayda ta haɗika Galili.

Slna gwal ghunay 12:20

Ka ɓasaftá mgham Hiridus ta ŋuɗuf katakata ta ghəŋa gwal ma luwa Tir nda Tsiduŋ. Ka dzraftá tsaha ya ta wi ka skwa turtuk ŋa lagha ta kəma ni. Ka sutá həŋ ta ghəŋa Blastus ta nzakway ka zwira mgham ya. Ka lagha həŋ ɗawa dzrafta nda mgham, kabga ma haɗika tsa mgham ya ta saba skwi ŋa zay taŋ.

Slna gwal ghunay 27:3

Ga mahtsima ni, ka ɓhadaghata ŋni da luwa Tsiduŋ. Ka maganatá Zuliyus ta zɗaku ta Pwal. Ka sliŋtá tsi ŋa dzaʼa naghanaghatá graha ni, ŋa kataŋtá həŋ.

Yuda 1:11

Ɗaŋwa ŋa taŋ, kabga mndərga skwi maga Kayinu ghalya ta mag həŋ. Ka vziŋtá həŋ ta ghəŋa taŋ ka maga ghwaɗaka skwi ŋa mutsa tsedi manda ŋa Balama ghalya guli, ŋa rwakwa taŋ kabga sliʼavafta taŋ nda zlərɗutawi manda ŋa Kurah ghalya.

Suna Yuhwana 11:3

Dzaʼa ghunaf ghuna yu ta masləmtsəkha ɗa his, ŋa suɗavata taŋ ta buhu ta vgha, ŋa zata taŋ ta fitik dəmbuʼ nda his dərmək nda mkuʼ mbsak ta mna gwaɗa ɗa ma tsa fitikha ya. »

Suna Yuhwana 6:12

Ka nghə yu ta pslanapta tsa Zwaŋa Tuwak ya ta tsa mamkuʼ a ŋizla ya. Ka gigɗavafta ghəŋa haɗik katakata. Ka nuta fitik ka ŋəra manda biwa ŋəra. Ka nuta tili ghuz ka dva manda us.