Mata 10:3 - Hdi

³ nda Filip, nda Bartelemi, nda Tuma, nda Mata mnda tska dzumna, nda Yakubu zwaŋa Alfe, nda Tade,

Mata 10:3 Mawu Ofanana

Mata 18:17

Ka kwalaghu kwala tsi ta snanatá tsaha ya guli katsi, mnana mna ta *Igliz. Ka kwalaghu kwala tsi ta snatá ŋa Igliz katsi guli, ngha ta tsa mndu ya manda mndu kul snaŋtá Lazglafta, ka mnda tska dzumna a tsi.

Mata 27:56

Mataba tsa miʼaha ya, hada Mari makwa ta Magdala, nda Mari ma ni ma i Yakubu nda Yusufu, nda ma ni ma zwana Zebedi.

Mata 9:9

Manda sliʼafta *Yesu ka zluŋtá tsa vli ya, ka nghaŋtá tsi ta sana mndu ta hgə lu ka Mata, ta nzaku ma həga tska dzumna. « Mbaɗa mista ɗa! » kaʼa nda tsi. Ka sliʼafta Mata ka laghu mista ni.

Markus 15:40

Mamu sana miʼaha ta sladakta diʼiŋ ka ngha tsa skwiha ta magaku ya guli. Mataba tsa miʼaha ya, mamu i Mari makwa ta Magdala, nda Salume, nda Mari ma ni ma i Yuses nda Yakubu ta tsneʼuwa ya.

Markus 2:14

Tata gra mbaɗa Yesu, ka nghaŋtá tsi ta *Levi mnda tska dzumna, ta nzakway ka zwaŋa Alfe, ta nzaku ta wa tgha həga ksa slna ni. « Mbaɗa mista ɗa, » kaʼa nda tsi. Ka sliʼafta Levi ka laghu mista ni.

Markus 3:18

nda Andre, Filip, Bartelemi, Mata, Tuma, Yakubu zwaŋa Alfe, Tade, Simuŋ mnda la Kananit,

Lukwa 18:10

Kaʼa mantsa: « Mamu sana mnduha his ta ŋladafta da həga Lazglafta da maga duʼa. La *Farisa sani, mnda tska dzumna sani.

Lukwa 18:11

Ka sladatá tsa la Farisa ya ka maga duʼa ma ghəŋa ni. Kaʼa mantsa: “Ari Lazglafta, ta rfay yu ta kagha, kabga nza a iʼi manda sanlaha ma mnduha, gwal ghali, ka ghwaɗak mnduha, nda gwal hliri wa. Nza a yu manda ya mnda tska dzumna ya wa.

Lukwa 18:13

Na tsa mnda tska dzumna ya kay ka nzagaghata kətsaʼu, walaŋ a ta kapaŋtá ghəŋ nda ta luwa wa. Mbaɗa kəʼa ka wuslikay dzvu, ka dza ghuva. Kaʼa mantsa: “Ari Lazglafta, tawa ta hiɗahiɗa ta iʼi ta nzakway ka mnda dmaku na,” kaʼa.

Lukwa 19:2

Mamu sana mndu ta hgə lu ka Zakayus, mali ta ghəŋa gwal tska dzumna, gadghəl ya guli.

Lukwa 5:27

Tahula tsa, ka sab *Yesu ka nghaŋtá tsi ta sana mnda tska dzumna *Levi hga ni, ta nzaku ma həga ksa slna ni. « Mbaɗa mista ɗa, » kaʼa nda tsi.

Yuhwana 1:48

« Ga snaŋta ka ta iʼi na? » ka Natanayel nda tsi. « Aʼa! Ngha a yu ta kagha ta nzaku mista ghuraf makəɗ Filip ka hga kagha ya ra! » ka Yesu nda tsi.

Yuhwana 11:16

« Mbaɗma amu guli, ka dzaʼa mu rwuta kawadaga nda tsi, » ka Tuma ta hgə lu ka mbuhwali nda pɗakwa duhwalha.

Yuhwana 14:22

« Kinawu ka kagha dzaʼa maravata da aŋni, kul maravata ka da mnduha ta ghəŋa haɗik na? » ka Yahuda, Zudas Iskaryut ya a wa.

Yuhwana 14:5

Ka Tuma mantsa: « Mghama ɗa, sna a ŋni ta vli ta dzaʼa ka wu, waká aŋni dzaʼa snaŋtá tvi? » kaʼa nda tsi.

Yuhwana 14:9

Ka Yesu nda tsi mantsa: « Nda kɗa fitika ɗa kawadaga nda kaghuni Filip ná, ta sna a ka ta iʼi ra? Ka nda ngha mndu ta iʼi ná, nda ngha ta Da. Waká ka dzaʼa mnay kazlay: Maraŋna mara ta Da kəʼa na?

Yuhwana 21:2

Ta nzaku i Simuŋ *Piyer nda Tuma ta hgə lu ka mbuhwali ya, nda Natanayel mnda luwa la Kana ta haɗika Galili, nda zwana Zebedi, nda sanlaha ma duhwalha ni his, ka skwa turtuk.

Slna gwal ghunay 1:13

Ɓhadaghata taŋ da Ursalima, ka ŋlaghatá həŋ da sana dzuguvi banagha lu ta ghəŋa sana həga, ma vli sunə həŋ ta tska vgha. Wya tsa hahəŋ ya: I *Piyer, nda Yuhwana, nda Yakubu, nda Andre, nda Filip, nda Tuma, nda Bartelemi, nda Mata, nda Yakubu zwaŋa Alfe, nda Simuŋ mnda zluʼa ghwa, nda Yuda zwaŋa Yakubu, na həŋ.

Slna gwal ghunay 12:17

Kɗkəɗkɗ, ka Piyer nda dzvu ka lɓanatá həŋ. Ka rusanaftá tsi ta həŋ ka Mgham Yesu kligiŋta ma gamak. « Ka dzaʼa kuni da rusanaftá i Yakubu nda sanlaha ma zwana ma, » kaʼa nda həŋ guli. Ka gi sab tsi ka laghu da sana vli.

Slna gwal ghunay 15:13

Kɗakwa taŋ ta gwaɗa ta gwaɗa, ka zlraftá Yakubu ta gwaɗa, kaʼa mantsa: « Zwana ma, swidwa!

Slna gwal ghunay 21:18

Ga mahtsima ni, ka sliʼaftá Pwal kawadaga nda aŋni ka lagha da Yakubu. Ka lagha gwal *Igliz tskavata demdem hada.

Galat 1:19

Haɗ sanlaha ma gwal ghunay guyaf yu ta vgha nda həŋ wu, ta ghəŋa Yakubu zwaŋama ni mamgham Yesu yeya guyaf ŋni ta vgha nda tsi.

Galat 2:9

Grafta i Yakubu nda Kefas nda Yuhwana ta nzakway ka guguɗi mataba *Igliz ta tsa zɗakatahuɗi zɗəɗiŋ Lazglafta ya, ka zgwaŋnatá həŋ nda Barnabas ŋa maraŋtá guyatá wa taŋ nda aŋni. Ŋa dzaʼa aŋni təv la Grek, ta dzaʼa hahəŋ təv la Yahuda.

Yakubu 1:1

Iʼi Yakubu ta nzakway ka kwalva i Lazglafta nda Mgham *Yesu *Kristi, ta ga zgu yu ŋa ghuni mndəra mnduha Ghwaŋpəɗ his ta wutsa ta vgha ta ghəŋa haɗik.

Yuda 1:1

Iʼi Yuda ta nzakway ka kwalva *Yesu *Kristi, zwaŋama ni ma Yakubu, ta vindaghunaftá na ɗelewer na. Ta ga zgu yu ŋa ghuni gwal hagaf Lazglafta Da, gwal ɗvu tsi ka pghata ŋa Yesu Kristi.