Markus 3:7 - Hdi

⁷ Ka sliʼaptá i *Yesu nda duhwalha ni mataba taŋ, ka laghwi ta wa drəfa Galili. Snaŋta mnduha ta tsa skwi ta mag Yesu ya, ka sliʼakta həŋ daga ta haɗika Galili, nda ya ma Zudiya,

Markus 3:7 Mawu Ofanana

Mata 10:23

Ka ta giri lu ŋa ghuni ma sana luwa katsi, ka hwaya kuni da sana luwa. Kahwathwata ka yu ta mnaghunata, ma kɗaku kuni ka ranaftá inda luwaha la Israʼila ná, dzaʼa vragagha vra *Zwaŋa mndu.

Mata 12:15

Tsatsafta *Yesu ta tsa ndana taŋ ya, ka sliʼaftá tsi ma tsa vli ya, ka laghu. Ka sliʼaftá dəmga guli ka laghu mista ni, ka mba mbə tsi ta inda gwal ma ɗaŋwa.

Mata 12:16

Ka zlahanaghatá tsi ta həŋ ka ŋɗaŋɗa kazlay: Yaha yaha kuni da mnihata kəʼa.

Mata 4:25

Ka sliʼi dəmga mista ni, gwal ta sliʼafta ta haɗika Galili, nda gwal ta sliʼafta ta kwakwara *Dekapwalus, nda ya ma luwa Ursalima, nda ya ta haɗika Zudiya, nda gwal nda ta sana ɓla ghwa *Yardeŋ.

Markus 1:39

Ka laghu tsi da mna gwaɗa Lazglafta ma həgaha tagha skwa la *Yahuda ta inda haɗika Galili, ghazligiŋha ta duhwalha halaway ma mnduha.

Markus 1:45

Ama ka sliʼaftá tsatsi, ka laghu tay ma luwa, ka tutá tsi wdiɗ. Kabga tsa, ka pyaftá tsa gwaɗa ya ta Yesu ka lam da luwa baŋluwa. Ama ka nzaghutá tsi ta wa mazawa. Kulam nda tsa, ka sliʼadaghatá mnduha dər ndiga ndiga da slanaghata hada.

Markus 3:20

Tahula tsa, ka sliʼaftá həŋ ka laghu dzagha. Ka sliʼigəldaghatá mnduha dlivis slanaghatá həŋ, ha ka trapta i *Yesu nda duhwalha ni ta mutsaftá fitik ŋa zaŋtá skwa zay.

Markus 4:1

Ma sana fitik, ka nzəglatá *Yesu ka tagha skwi ŋa mnduha ta wa drəfa Galili. Ka tskadaghatá mnduha ta vgha ŋərɓisl ta vata ni, kəl tsi ka laghu nzagapta ma kwambalu ta wa tsa drəf ya, ta nzatá inda tsa mnduha ya rpaʼ ta wa ni.

Lukwa 23:5

« Ta hwazlaɓa mndu na mndu na nda skwi ta tagh tsi. Wa a zlrafta tsi ta haɗika Galili, ka raganaptá inda haɗika Zudiya, ha ka sagha da hadna, » ka həŋ ndiʼata ka mnay.

Lukwa 6:12

Ma tsa fitik ya, ka sliʼaftá *Yesu ka laghwi ta vata ghwá da maga duʼa. Ka hani tsi kurzliŋ nda iri ta maga duʼa da Lazglafta.

Lukwa 6:17

Tahula tsa, ka saha həŋ kawadaga, ka sladavatá həŋ ta sana vli ka dandar tskava ŋəɗdəma ta sanlaha ma duhwalha ni, nda ndəghata mnduha ta sliʼakta ma luwa Ursalima, nda sanlaha ta haɗika Zudiya, nda sanlaha guli ta wa drəf ta nzakway ka luwa Tir nda Tsiduŋ.

Yuhwana 7:41

« Kristi ya, » ka sanlaha. « Tsaw ma Galili dzaʼa saba *Kristi rki?

Yuhwana 7:52

Ka həŋ mantsa: « Tekw kagha mataba la Galili guli ra? Dzaŋa ta gwaɗa Lazglafta ɓa ka ngha ka, ka dzaʼa slanagha sla ka ta vli ta mna saba anabi ma Galili, » ka həŋ nda tsi. [

Slna gwal ghunay 17:10

Girviɗik tama, ka kɗikiŋtá gwal zlghay nda ŋuɗuf ta i Pwal nda Silas da luwa Bere. Ɓhadaghata taŋ da hada, ka lam həŋ da həga tagha skwa la *Yahuda.

Slna gwal ghunay 17:14

Ka gi kɗikiŋtá zwana ma ta Pwal nda ta wa drəf, ta nzaghuta i Silas nda Timute ma luwa Bere.

Yəhusuwa 20:7

Wya tsa luwaha faghu la Israʼila ŋa ɗifa ya: Luwa Kedes ma Galili ta ghwáha la Naftali, nda Səkem ta kwakwar ta ghwá Ifrayim, nda Kiriyatʼarba ta hgə lu guli ka Hevruŋ ta ghwáha la Yahuda,

Yəhusuwa 21:32

Ma ŋa mndəra la Naftali guli, luwaha hkən, nda vli ŋa ngha rini tani: Kedes ma Galili, luwa hwaya mataray, nda Hammutʼdur, nda Kartaŋ.